Yelemiya 26:4 - Luganuzi Luswanu Kuli Wanhu Wose 2002

⁴ Nayo u Muwaha Mulungu, yakanonjela nha vyono, niwalonjele wanhu nitye nhavi, “Ane no Muwaha Mulungu nalonga nha vyono, anye munojeye muwe na cihuliko kuli 'ne, mugebate i mejizo gangu gono namwijizenyi.

Yelemiya 26:4 Referans Kwoze

1 Watemi 9:6

Ninga gwegwe hambe wanago, hono mulece kunhyatya, na hono mulece kuwa na cihuliko kuli wulajilize wangu, hamonga ne malajilizo gangu gono nakupela, hanyuma muhembe milungu yinji,

Yelemiya 44:10

Ninga sunga nalu baha, anye mukali si mukulajila nhumbula yo winenenyhezi yaye. Hamba si mukusaka kumhela cogopo yaye, hamba kuwa ne mikalile yo kutyatya ze malajilizo gangu gose, gono namupelenyi nyenye hamonga ne walezi wenyu.

Isaya 1:20

Ninga hono muleme no kufyula, mbeka mofwa wose mukongojele. Ane yo nene Muwaha Mulungu, mono nizilonjile zizi.”

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Wukumbucize wo Wulajilize 31:20

Ho yiwe kolo nawenjiza mu yisi yono yina moso, yisi yono nehuwiza vyono nowapela i walezi wawo, nawo kolo walya vya mumo weguta, kanyhi wajina, ninga woloyiwuyila milungu yinji wayihembe no kuyitumamila, wolondeka no kucibena cilagane cangu kuli wene, hambi lu kanyhi nha wakondya kwiguta.

Wukumbucize wo Wulajilize 11:32

mugebataje no kugakamisiza lukulu i malajilizo gono nghumulonjelenyi izuwali.”

Wukumbucize wo Wulajilize 4:44

Musa yakawaloloseza i wanhu Waisilayeli ze malajilizo go Mulungu, hamonga ne mejizo gayo.

Wukumbucize wo Wulajilize 4:8

Na kanyhi, hasina likungugo linji lyo lyose, hamba liwe yikungugo yiwaha nha vyono lyowa linha, lyono lyowa lina wulajilize we ling'ani, wono wihwanile no wulajilize wono nakondya kumwijizenyi anye izuwali.

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 22:5

Ninga hono mulece kugebata malajilizo gangu, mbeka nghumwilahilenyi nha vyono, likaya lili lyo wutemi lyologwa, gawe matongo du. Vyo nghutya ane no Muwaha Mulungu.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

Yelemiya 7:14

Hamba nhavivyo, zono netuma ku Shilo, zo noyitendela ne Nyumba yangu yiyi, yono anye muyitumbiye. Nane nohatendela i hanhu baha hono nawapela i walezi wenyu hamonga na nyenye, nha vyono nayitendela Shilo.