Yelemiya 26:3 - Luganuzi Luswanu Kuli Wanhu Wose 2002

³ Na lunji wanhu wohulika, wazilece zinzila zawo zimbi. Na hono wanoze nhavivyo, nane, si nowongomeza kanyhi, nha vyono nali nakondya kwihwesa niwongomeze, ku soko yo wubi wawo.”

Yelemiya 26:3 Referans Kwoze

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

1 Watemi 21:29

“Ale, wawona, vyono Ahabu yenenenyheza hali'ne? Alu vyono yakondya kwinenenyheza hali'ne, hodu nane sinowuleta wongomezwe mu cipango cakwe lono yakali mumi, langa wowa mu cipango co wikale we wanagwe, nane baho ho nolowuletela wongomezwe mu nyumba ya Ahabu.”

1 Watemi 21:27

Eliya yaza kukondya kuzilonga zizo, hodu Ahabu yakawa kuvidemulanga vivwalo vyakwe, yakavitaga, yakavwala magunila. Yakalema kulya ndigwa, yakawa kugona mu magunila, yakawa yakujenda yena wusungu no wukalale mu nhumbula yakwe.

Yelemiya 26:13

Holeka anye munojeye du, mukawanize i mikalile yenyu mibi yono mwikalilaga, hamonga ne zinghani zenyu zimbi zono mwitumaga, kanyhi munojeye mumuhulice u Muwaha Mulungu u Mulungu wenyu. Nanye hono mwitume nhavivyo, nayo kowupitula wuhile wakwe wo kumongomezenyi, nha vyono yali yakondya kwihwesa.

Ezekiyeli 12:3

“Holeka 'gwe go munhu, alu wuwopele viya vyako, winoze wuwe nha wukutiza, hanyuma wuwe kutuluka ne misi ha meso gawo. I wanhu wose ho wakuwone vyono weza kuwuka no kubita hanhu hanji. Na lunji holeka wawo wanhu wafyuzi, wotanga nhunizo yayo.

Hoseya 11:9

Holeka si nomulipicizizenyi mwi'kuwo lyangu ng'o. Hamba sinoyongomeza Isilayeli kanyhi. Hambi 'ne nha nili Mulungu, hamba si nili munhu yaye. Ane yonene Mono Yelile, mono nili hamonga nanye. Hamba sinomuzizenyi mwi'kuwo lyangu yaye, ho nimongomezenyi.

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Yelemiya 26:19

Ninga u mutemi Hezekiya, hamonga ne wanhu wa Yuda, hamba si wamuwulaga Mikaya yaye. Langa Hezekiya yakalajila cogopo du hali Muwaha Mulungu, yakamunena yawawonele lusungu. Nayo Muwaha Mulungu, yakawupitula wuhile wakwe, hamba si yawaletela kanyhi wongomezwe, wono yali yehwesa nha vyono kowaletela. Holeka nase cilanjilile, hambi nha cikusaka ciyiletele magazo mawaha sese co weneco.”

Ezekiyeli 18:21

“Na hono u munhu mubi yapituce, yalece kwituma zo wubi, yebate wulajilize wangu, no kwituma ziswanu na ze ling'ani, ayo si kofwa yaye, langa kowumipa.