Yelemiya 26:2 - Luganuzi Luswanu Kuli Wanhu Wose 2002

² u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.

Yelemiya 26:2 Referans Kwoze

Wukumbucize wo Wulajilize 4:2

Ninga mulece konjeleza hamba kucepula muli zose zono nghumulajilizenyi. Langa mweze ne cihuliko du kuli malajilizo go Muwaha Mulungu, u Mulungu wenyu, gono nakondya kumulonjelenyi.

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Yelemiya 19:14

Hanyuma ya zizo, hodu, nghawa kuwuka kuko ku Tofeti, kono u Muwaha Mulungu yanhuma, mbite nghayiganule nghani yakwe. Nghawa kubita kwima ha mahakama ge Nyumba yo Mulungu, nghawa kuwalonjela wanhu,

Yelemiya 1:17

Holeka, aluno wiwikanizaje 'gwe Yelemiya, wubite wukawalonjele zinghani zose, zono ane nghukulajiliza wukazilonje. Ninga luno, wulecele lukulu kuwogopa. Na hono wuwogope, nane nokunoza wucile kuwogopa lono wuli hali wene.

Metumo ge Watumwa 20:20

mumanyile vyono sinaleka hamba hadodo kumuganulilenyi cagalanze na mu zinyumba zenyu, no kumwijizenyi yo yose yono yomukwilenyi.

Metumo ge Watumwa 5:42

Nawo wakajendelela nhondo zose kwijiza no kuganula Luganuzi Luswanu lwa Yesu, mu Nyumba yo Mulungu na mu zikaya ze wanhu, vyono mwene yo Kilisito.

Yohana 18:20

Nayo Yesu yakamupitula yakutya, “Ane nali walonjelaga wanhu wose nhondo zose cagalanze. Nane nali kwijiza hanji na hanji mu matang'anilo gawo go wuhembelo, sunga na mu Nyumba yo Mulungu, ihanhu hono wekongholelaga Wayahudi wose, hamba nghali si nalonga cinji co cose cinyele.

Ezekiyeli 3:10

Mulungu yakajendelela kunonjela kanyhi yakatya, “Gwe go munhu, zinghani zangu zose zono nghulonjeye wuzikumbucilaje, kanyhi wuzibate mu nhumbula yako.

Yelemiya 36:10

Nawo i wanhu lono wali wakondya kwikala, wahulicize, nayo Baluku yakawa kuzisoma zinghani zose zono namulonjelezaga, nayo yakuzandika mu kalatasi mhalinje ye ligolo-golo. Nayo yakazisomela zizi zose mu Nyumba yo Mulungu, mu cinyumba ca Gemaliya u mwana wa Shafani, u mwandici wa he 'kumbo lya hacanyha. Ne cinyumba cakwe cici, cali mwi'kumbo lya hacanyha, behi no Mulango mupya we Nyumba yo Mulungu.

Yelemiya 23:28

U muwizi mono yena zindoto, yalonje ze zindoto zakwe du. Nayo muwizi mono yena i nghani yangu, yayilongaje nghani yangu ko wihuwilwa. Alo mawaje gena cambuzici, ho wugehwanicize no wuhemba?

Yelemiya 7:2

sunga ho ha mulango we Nyumba yo Mulungu, hono i wanhu wa Yuda wenjililaga, ho wamuhembe Mulungu. Yakanonjela nime baho ha mulango, niwalonjele i wanhu wa Yuda, zono u Muwaha Mulungu u Mudaha vyose, u Mulungu wa Isilayeli yakusaka yawalonjele. Nane nghawalonjela nghatya, “Hulicizenyi Nghani yo Muwaha Mulungu anye nyo wanhu wa Yuda, mono mwinjilaga mumu ho mumu hembe Muwaha Mulungu.

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wugubule 22:19

No munhu wo wose hono yacepule nghani yo yose mu zinghani zo wuwile zono zili mu citabu cicino, nayo Mulungu komuwusiza i ligawo lyakwe lyo mubici wo wumi, ne ligawo lyakwe lya mwikaya lyono lyelile, nha vyono zilolosigwe mu citabu cicino.

Metumo ge Watumwa 5:25

Yakaza yunji yakawalonjela yakawatya, “Lanjenyi ta! Wanhu wono mwawatajila mu jela, wali mu Nyumba yo Mulungu wemile wakuwejiza wanhu.”

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.

Luka 19:47

Yesu yakawa kwijiza vilo vyose mu Nyumba yo Mulungu. Ninga Wakohani wawaha, ne wejizi wo Wulajilize ne walongola we wanhu, wasakaga kumuwulaga,

Yelemiya 42:4

Nane nghawapitula nghawatya, “Ale, viswanu, ane nomulomba u Muwaha Mulungu, u Mulungu wetu, nha vyono musacile nyenye. Na kanyhi nane nomuganulilenyi zose zono mwene kolonga, hamba si nomuhundicenyi nghani yinji yaye.”

Wukumbucize wo Wulajilize 12:5

Ninga Muwaha Mulungu, kohagula hanhu hamonga du mu yisi yose, i hanhu hono i wanhu wose we milango yenyu yose, mowa kumubitila no kumuhemba.

Yelemiya 7:27

“Holeka agwe Yelemiya, wuwalonjelaje inghani zizi zose, i wanhu wangu, ninga wene hamba si wokuhulika yaye. Agwe kowacema, ninga wene hamba si wokwidika ng'o.

Ezekiyeli 33:7

“Holeka agwe go munhu, ane nghukunoza agwe wuwe mulindilizi we nghungugo ya Isilayeli, ku wulawa lulu. Holeka ku wulawa lulu, weze kuwasugula wanhu kuli zono nowa kukutuma wuwasugule.

Ezekiyeli 40:4

Hanyuma yakanonjela yakatya, “Gwe go munhu, alu ta, wulanje kwe meso gako, wuzikamise muno muno mu nhumbula yako zose zono nghukulajila. Hambi zizi nha zo zilecile agwe nghukuleta baha. Hambi nha wowa wo mulimo wako wo kuwalonjela i wanhu wa Isilayeli nghani zose zono koziwona bahano.”

Yoshuwa 8:35

Nayo Yoshuwa yakawusoma Wulajilize wose wa Musa, ha mwande ye wanhu wose wono wali wehangulize, hamonga ne we cicekulu ne wana wawo, hamonga ne wajenzi wose wono vyekalanaga nawo.

Yelemiya 1:7

Ninga nayo Muwaha Mulungu yakamhitula yakatya, “Gwe Yelemiya, wulece kutya vyono agwe wukali mudodo, langa wubite du kuli wanhu kono nghukutuma, wukawalonjele zinghani zose zono nghukulajiliza wukazilonje.

Yelemiya 25:2

Nane nghawa kuwalonjela i wanhu wose we yisi ya Yuda na Yelusalemi nghawatya,

Yelemiya 28:5

Nane Yelemiya, nghamupitula Hananiya, ha mwande ye wakohani, hamonga ne wanhu wose wono wali wemile mu Nyumba yo Mulngu, nghamutya,