Yelemiya 26:16 - Luganuzi Luswanu Kuli Wanhu Wose 2002

¹⁶ Ale, i walongola hamonga ne wanhu, wakawa kuwalonjela i wakohani hamonga ne wawizi wakatya, “Nye, u munhu yuyu, kacilonjela zizo zose mwi'tagwa lyo Muwaha Mulungu, u Mulungu wetu, holeka hamba si yanojeye yawulagwe yaye.”

Yelemiya 26:16 Referans Kwoze

Metumo ge Watumwa 23:29

Nane nghawona vyono wakumusonjeza ku soko yo wiwanganile du wa zinji za mu wulajilize wawo, holeka nghawona vyono yasina soko yo yose yo kufwila, hamba yo kudindililwa mu jela.

Metumo ge Watumwa 23:9

Holeka kukawa na mazozo mawaha, ne wejizi wenji wo wulajilize we mhuga ye Wafalisayo, wakema, wakabeza kwe vilungo, wakutya, “Ase si cikuwona nghani yo yose 'mbi muli munhu yuyu, lunji ma hono yawe muhe, hamba malayika kalonga nayo?”

Metumo ge Watumwa 25:25

Ninga ane si nghawona vyono yanozize nghani yo yose yimbi yono yimunojeye yafwe. Ninga vyono Pawulo mweneco yakasaka zinghani zakwe zikalamulwe na Kayisali, holeka nghalajiliza yategulwe.

Yelemiya 36:25

Hamba yiwe Elinatani na Delaya, hamonga na Gemaliya, wajela kumukaga mutemi, yalece kuyiticimiza kalatasi yiyo, ninga mwene mutemi hamba si yawacelelela yaye.

Yelemiya 36:19

Nawo wakawa kumutya Baluku, “Alu hono yili nhavivyo, alu agwe hamonga na Yelemiya, mutize mubite mukehundice, hamba munhu yunji wo wose yalece kuhamanya hono mowa mwihundice.”

Luka 23:47

U muwaha we wasilikale yigana, yaza kuwona zono ziweye, yakamukumya Mulungu, yakutya, “Mbeka munhu ayu, yali yali ling'ani.”

Luka 23:41

Nase mbeka yo ling'ani yetu, hambi nha cikulipicizwa nha vyono yicinojeye ku so metumo getu. Ninga Munhu ayu, siyetuma cinji cibi.”

Matayo 27:54

Hodu, yuyulya u muwaha we wasilikale igana, sunga na wawalya wono wamudimaga Yesu, wali weza kuwona u wucicime we yisi, sunga na zose zono zejela, Oo! Wakogopa muno muno, wakatya, “Mbeka u munhu ayu, yali Mwana wo Mulungu.”

Yelemiya 26:11

Hanyuma i wakohani hamonga ne wawizi, wakawalonjela i wawaha wawo, hamonga ne wanhu wose, wakutya, “U munhu yuyu, mbeka yanojeye yaling'anizwe yafwe. Hambi nha kalonga nghani 'mbi kuli likaya lyetu. Nanye mumuhulika nyo weneco kwe makutu genyu.”

Zimbazi 16:7

Na hono wuwe kumwendeza Muwaha Mulungu, kosuma kuwanoza ne walugu wako mwiyende nawo.

Esita 4:14

Na hono agwe wunyamale hamba kunoza cinji mu nghani yiyi, ale, wumanye vyono wutazi wolawa kunji no kuwaponya Wayahudi, nawo wolopona, ninga agwe go mweneco kofwa, hamonga ne wanduguzo wose wokongomelela lukulu. Ninga hamba nhavivyo, nani 'mbi mono yamanyile, lunji yo yaleka agwe wukanozwa mu mapango nha gaga, wuwe mugolece wo Mutemi!”

Yelemiya 34:10

Ne wanhu wose hamonga ne walongola wawo, wakelumbaniza vyono wawalece wawe welecele i wawanda wawo we Ciisilayeli, walecele lukulu kuwanoza kanyhi kuwa wawanda. Na mbeka wose wakawalecela wawe welecele.

Yelemiya 37:15

Nawo i wetumami wakanghalipilanga muno, wakalajiliza nhowangwe, no kutajilwa mu jela, mu kaya ya Yonazani, u mwandici. Hambi nha yo wanoza yiwe yo jela.

Zabuli 94:16

Hamba nani 'mbi mono yema, ho yanhaze kuli wetuma zimbi? Hamba nani mono yema ku lubavu lwangu, yanhaze kuli wetuma zo wubi?