Yelemiya 26:13 - Luganuzi Luswanu Kuli Wanhu Wose 2002

¹³ Holeka anye munojeye du, mukawanize i mikalile yenyu mibi yono mwikalilaga, hamonga ne zinghani zenyu zimbi zono mwitumaga, kanyhi munojeye mumuhulice u Muwaha Mulungu u Mulungu wenyu. Nanye hono mwitume nhavivyo, nayo kowupitula wuhile wakwe wo kumongomezenyi, nha vyono yali yakondya kwihwesa.

Yelemiya 26:13 Referans Kwoze

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Yona 3:9

Nha lunji Mulungu kowukawaniza wuhile wakwe, lunji kolileka likuwo lyakwe, nase ho cilece kufwa!”

Isaya 1:19

Na hono muhulice 'ne, nanye molya vinhu viswanu vyono vikulawa mu'si.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 26:19

Ninga u mutemi Hezekiya, hamonga ne wanhu wa Yuda, hamba si wamuwulaga Mikaya yaye. Langa Hezekiya yakalajila cogopo du hali Muwaha Mulungu, yakamunena yawawonele lusungu. Nayo Muwaha Mulungu, yakawupitula wuhile wakwe, hamba si yawaletela kanyhi wongomezwe, wono yali yehwesa nha vyono kowaletela. Holeka nase cilanjilile, hambi nha cikusaka ciyiletele magazo mawaha sese co weneco.”

Yelemiya 26:3

Na lunji wanhu wohulika, wazilece zinzila zawo zimbi. Na hono wanoze nhavivyo, nane, si nowongomeza kanyhi, nha vyono nali nakondya kwihwesa niwongomeze, ku soko yo wubi wawo.”

Yelemiya 18:8

na hono nghungugo yiyo yono niyitambuye yipituce no kuwuleka wubi wayo, hodu, nane si noyinoza vibi nha vyono nali nihwesize.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Yelemiya 42:10

‘Hono muwe mbeka mwendile kwikala mono yisi yiyi, ale, nane nomuzenjenyi, hamba si nomumwagulenyi yaye. Kanyhi nomuhadicenyi, hamba si nomukulenyi yaye. Sunga no wugazice wose wono nene nghamuletelenyi, alu wukumhela wukalale wuwaha muno.

Walamuzi 2:18

Mu vilo vyono Muwaha Mulungu yawapelaga Waisilayeli mulongola, Muwaha Mulungu yamupelaga wutazi wuwaha, yuyo mulongola, hamonga no kuwaponya wanhu kuli walugu wawo, mu vilo vyose vyo wikale wo mulongola yuyo. Kanyhi Muwaha Mulungu yawawonelaga lusungu ko soko ye mawine gawo, na so wutamiswe wawo hamonga no wiwonelwe wawo.

Wukumbucize wo Wulajilize 32:36

Muwaha Mulungu kowaponya wanhu wakwe, kolo yeza kuwawona vyono walemegwa. Nayo kowawonela lusungu, wose wono wakumwitumamila mwene. Kolo yakondya kuwawona vyono mbeka wakondya kulemwa.

Wutuluce 32:14

Nayo Muwaha Mulungu hodu yakawa kuleka, si yawuleta wongomezwe wuwo muli wanhu wakwe.

Yelemiya 11:4

Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.