Yelemiya 26:12 - Luganuzi Luswanu Kuli Wanhu Wose 2002

¹² Nane nghapitula nghatya, “Nye wayangu, u Muwaha Mulungu, yo yanhumile 'ne, nonje zose zizi zono muzihulice nghuzilonga, za kuli Nyumba yo Mulungu, na za mwi'kaya lili.

Yelemiya 26:12 Referans Kwoze

Metumo ge Watumwa 5:29

Ninga Petelo lono yali hamonga ne watumwa wayagwe, yakapitula, yakatya, “Cinojele cimuhulice Mulungu, si nhe wanhu.

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Yelemiya 26:15

Ninga hamba nhavivyo mweze mumanyiye lukulu, nha vyono, hono mumbulaje, nyenye hamonga ne wanhu wose wa mwi'kaya lili, mowa mwenjila mu masutya so kumuwulaga munhu, mono yasina lisutya lyo lyose. Hambi 'ne nha Muwaha Mulungu du mweneco, yo yanhumile nize nimusugulenyi muli zizi.”

Yelemiya 26:2

u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Amosi 3:8

Lono simba yikukoloma, nani 'mbi mono si kebatwaga no woga? Na lono Muwaha yakulonga, alo nani mono kosuma kuleka kuyiganula inghani yakwe?