Yelemiya 24:2 - Luganuzi Luswanu Kuli Wanhu Wose 2002

² Ne nhoto monga ya muli zinhoto zizo, yali yimemile nghuyu swanu muno, zono zali zipiye lulo baho. Nhoto nyagwe, nayo yali yimemile nghuyu zono 'mbi muno, zono sizisumice hamba ku wulye kose.

Yelemiya 24:2 Referans Kwoze

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Isaya 5:4

Wulenyi, ho yili nghani yinji yono yisigaye, yono si nayinoza mu mugunda wangu we mizabibu? Alu nhawule si wulelile zabibu ziswanu, zono nali nanjiliye, langa wukulela zabibu nghali, zono si nali nanjiliye?”

Mika 7:1

Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

Matayo 5:13

“Anye mwinha muli mwino mu yinze! Ninga u mwino hono wususulice, wogomolezezwa na cici kanyhi ndaso yayo? Awo wukuwa si wukwiliye cinji kanyhi, langa wutagwaga kunze no kukanyanjilwa ne wanhu.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Yelemiya 29:17

U Muwaha Mulungu we mihanga, yakutya nhavi, ‘Lanje, ane nomuletelenyi wulugu, ne nzala, hamonga ne matamwa, nimunozenyi muwe nhe zinghuyu zimbi zono si zisumice hamba ku wulye kose.

Nahumu 3:12

Ne magomawakali gako gose, gowa nha mikuyu yono yina mana gono gapiye. Agwe wuyisinjisaje mibici du, kowona mana gakugwila mu mulomo wako!

Wuwale 18:13

Vivyo vyose, vyowa vyako gwegwe. No munhu wo wose wa mu nyumba yako mono si yeyavufye, yuyo kosuma kulya.