Yelemiya 24:1 - Luganuzi Luswanu Kuli Wanhu Wose 2002

¹ U Muwaha Mulungu yakandajila nhoto nyejete zono zali zina nghuyu, zono zali ziwicigwe hamwande ye Nyumba yo Mulungu. (Na zizi zejela lono Nebukadineza u mutemi wa Babiloni, yali yakondya kumusola ku Yelusalemi u mwana wa Yehoyakimu, mono yacemwaga Yehoyakimu, u mutemi wa Yuda, no kumutegula nha mufungwa ku Babiloni, hamonga ne walongola wose we yisi ya Yuda, ne wanghula mu wuzenji, hamonga ne watyani we vyuma.)

Yelemiya 24:1 Referans Kwoze

Yelemiya 29:2

Baluwa yiyi, nghayandika lono u mutemi Yehoyakimu hamonga no nyina, ne wetumami wose wa mwi'kulu, ne walongola wose wa Yuda na wa Yelusalemi, ne wanghula ku wuzenji, hamonga ne watyani, wali wakondya kusolwa no kutegulwa ku wuhamywe ku Babiloni.

2 Zinghomo 36:10

Mwaka wali weza malika, Nebukadineza yakabita yakamusola Yehoyakimu mufungwa, yakamutegula nayo ku Babiloni, yakasoleleza hamonga ne viya vya mu Nyumba yo Mulungu, yakavitegula kuko ku Babiloni. Yakawa kumutemya Zedekiya u nduguye, yo yawe mutemi mu Yuda na Yelusalemi.

Zakaliya 3:1

Ale, mu wulajilwe wunji kanyhi, Muwaha Mulungu yakandajila Mukohani Muwaha Yoshuwa yali yemile ha mwande ya malayika wo Muwaha Mulungu. Baho behi na Yoshuwa, yakema Setani mono yali yewikanize ho wesumanize na Yoshuwa.

Zakaliya 1:20

Hanyuma Muwaha Mulungu yakandajila wetumami wane, wono wali webate ne zinyondo zawo.

Amosi 7:7

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene Mulungu, yali yemile behi ne lijinji, lyono lyali lizenjigwe ko wutazi we cipimilo, ne cipimilo cali cili mu muwoko wakwe.

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Amosi 7:1

Nane nghatuga wulajilwe ku wulawa kuli Muwaha Mulungu. Muli zizo, nghamuwona yakuwumba yitewa lya nzije lono u mulimo wo kutema mahanze go mutemi, go kulisa zing'ombe zakwe wali wakondya, ne lihanze lyali lyanza kuwiluka kanyhi.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Ezekiyeli 19:9

Wakayitajila mwi'tundu wakayitegula ko mutemi we yisi ya Babiloni. Wakayiwika hasi yo wulindilizi we vilungo, i ngholoma yayo, ho yilece kuhulikwa kanyhi mu matunda ga mu yisi ya Isilayeli.

2 Watemi 24:10

Na mu vilo vyo wutemi wakwe, mutemi Nebukadineza, yatuma wetumami wakwe, hamonga ne lipuga yiwaha lye wasilikale, wakabita wakayipilima Yelusalemi.

Isaya 13:1

Nazo azino, zo nghani za Babiloni, zono Isaya yazibocela kulawa kuli Mulungu.

Yelemiya 27:20

Siyasoleleza yaye ne masumbili, ne litanji lye shaba lye malenga, ne mikokoteni, hamonga ne viya vinji vya mu Nyumba yo Mulungu.)

Yelemiya 28:4

Kanyhi nomugomola na Yekoniya u mwana wa Yehoyakimu u mutemi wa Yuda, hamonga ne wanhu wose wa Yuda wono wahamywa wakategulwa ku Babiloni. Na mbeka, novibenanga vilungo vyo mutemi wa Babiloni. Vyo nghutya, ane no Muwaha Mulungu.”

Yelemiya 29:1

Hanyuma nghawa kwandika baluwa kuli wakohani, ne wawizi, ne walongola we wanhu, na kuli wanhu wose wono wasolwa na Nebukadineza, ku wulawa ku Yelusalemi, no kutegulwa ku Babiloni nha wafungwa.

Yelemiya 37:1

Nebukadineza u mutemi wa Babiloni, yakamutemya Zedekiya u mwana wa Yosiya, yawe mutemi wa Yuda, yakahalila hanhu ha Yehoyakimu u mwana wa Yehoyakimu.

Yelemiya 13:19

Hambi i makaya ga Yuda, gono gali ku lubavu lwa kutakama ge yisi ya Yuda, nha gakondya kupilimwa no wulugu, hamba hasina munhu wo wose mono kosuma kwinjila mu makaya gago kanyhi. Ne wanhu wose wa Yuda nha wakondya kusolwa, wategulwa ku wuhamywe.”

Ezekiyeli 17:4

yikacisola cisonje cico, yikavidumula vinhambi vyayo, vyono vyali kucanyha yayo yikavitegula sunga ko ku yisi ye wasuluza, yikaviwika mwi'kaya lye wakwawi.