Yelemiya 23:3 - Luganuzi Luswanu Kuli Wanhu Wose 2002

³ Nane nolowakongholeza i wanhu wangu wono wolowa wasigaye, ku wulawa mu ma'si gose kono nali niweyagazize, nolowagomola kanyhi ku yisi yawo weneco. Nawo wolotuga wana wenji, no konjelezeka muno liwalo lyawo.

Yelemiya 23:3 Referans Kwoze

Yelemiya 32:37

Nowakongholeza wanhu wose, ku wulawa mu ma'si gose, kono naweyagaziza mwi'kuwo lyangu, niwagomole kanyhi hanhu baha, niwalece wekale bahano wapolile.

Yelemiya 29:14

Heya, mbeka molombona, nane nolomugomolenyi kanyhi ku yisi yenyu. Nolomukongholezenyi ku wulawa mu ma'si gose, ne hanhu hose hono namwiyagazizenyi. Nolomugomolenyi kanyhi sunga mu yisi yenyu, yono namulecenyi musolwe no kutegulwa kutali ku wuhamywe. Vyo nghutya, ane no Muwaha Mulungu.’ ”

Yelemiya 30:3

Hambi i vilo nha vyokuza vyono nolowaziza wanhu wangu Isilayeli na Yuda. Nolowagomola kanyhi ku yisi yono nawapela walezi wawo, nawo wayisole kanyhi, yiwe yisi yawo. Vyo nghutya, ane no Muwaha Mulungu.”

Ezekiyeli 11:17

Holeka wuwalonjelaje zose zono nghulonga ane no Muwaha Mulungu. Hambi nha nowakongholeza wose hamonga, ku wulawa mu ma'si kono nali niweyagazize, niwagomolele kanyhi yisi yawo ya Isilayeli.

Yelemiya 31:8

Nane nowakongholeza ku wulawa ku lubavu lwa kusumuka, nowakonghola hamonga ku wulawa mu zimhelo zose ze yinze. Nawo wolokuzana ne wabofu na we vilema, ne wacekulu wono wena mida, hamonga sunga na wose wono wali mu nghunga yo lusawo. Nawo wolowuya kono kwawo nghungugo mbaha muno.

Zabuli 106:47

Gwe go Muwaha Mulungu wuciponye, go Mulungu wetu. Wucikongholezaje wose, ciwuce muli we makungugo, nase ho cikulumbe, no kulikumya litagwa lyako lyono lyelile!

Ezekiyeli 36:24

Nomuwusenyi 'nye mu wulawa mu ma'si, na mu makungugo gose, no kumugomolenyi sunga ko ku yisi yenyu.

Ezekiyeli 36:37

U Muwaha Mulungu yakutya nhavi, “Nane nolowaleka Waisilayeli walombe kanyhi wutazi kuli'ne. Nolowaleka wonjelezece mwi'walo lyawo, wawe wenji nhe 'tewa lye zingholo.

Mika 7:12

Ne wanhu wenyu wolomuwuyilenyi ku wulawa mhelo zose, wolokuza ku wulawa kucilima ku Ashuli, na ku wulawa kutakama ku Misili, ku wulawa mu mipaka ye likolongo lya Efulata, ku wulawa kwi'lenga sunga mu matunda go kutali.

Yelemiya 8:3

Ne wanhu wawa wabi, we likungugo lili, wono wowa wakali wasigaye womi, wono wowa wakali wekaye mu zi'si, mono naweyagaziza, wolokwenda wafwe si nho kwikala womi. Vyo nghutya ane no Muwaha Mulungu u Mudaha Vyose.”

Yelemiya 30:10

“Nye nyo wanhu wangu, mulece kuwa no woga, nyo wanhu wa Isilayeli, mulece kogofywa na cinji ye! Hambi ane, nha nomuponyenyi ku wulawa kuko ku yisi yo kutali, ku yisi yiyo yono mufunjigwe mu jela. Nanye molowuya du kono kwenyu, mwikale no mulamu. Kanyhi holowa hasina hamba munhu yunji wo wose, mono kolomogofyenyi yaye.

Yelemiya 31:7

Nayo Muwaha Mulungu yakutya nhavi, “Alenyi nye nyo zinghungugo zimbaha, alu mwimbe ko wusangalale ku soko ya Isilayeli. Mwimbe u lwimbo lwenyu lo lukumyo, muwe kutya, ‘U Muwaha Mulungu kawaponya i wanhu wakwe, kawakomboza na wose wono wali wasigaye.’

Yelemiya 46:27

“Nye nyo wanhu wangu, mulece kogopa ye, anye nyo wanhu wa Isilayeli, mulece kogofywa. Hambi 'ne, nha nomuponyenyi ku wulawa kuko ku yisi yo kutali, ku wulawa ku yisi yiyo yono mwikaye nha muli wafungwa. Molowuya du ku yisi yenyu mukekale mupolile, nanye molowa mucehile du, holowa hasina yunji wo wose mono kolomogofyenyi kanyhi yaye.

Walawi 26:9

Nane nomulugutizenyi, kanyhi nomupelenyi wana wenji. Nane nocikamisa cilagane cangu cono nalagana nanye.

Yelemiya 16:15

Langa wolowa kwilahila muli'ne no Mulungu mumi, mono nawawusa wanhu wa Isilayeli mu yisi ya ku lubavu lwa kusumuka, hamonga na mu wulawa mu ma'si gose mono nali niweyagazize. Nane nolowagomola kanyhi mu yisi yawo, mu yisi yono nawapela i walezi wawo. Vyo nghutya ane no Muwaha Mulungu.”

Yelemiya 50:19

Hanyuma niwagomole wanhu wa Isilayeli ku yisi yawo. Nawo kolo wafika kuko, wowa kulya zindigwa za mwi'tunda lya Kalimeli, hamonga na za mu yisi ya Bashani. Nawo wowa kulya ndigwa yo yose du yono wosaka, yono yikulawa mu ma'si ga Efulayimu na Gileyadi.

Ezekiyeli 36:11

Nane nolokonjeleza liwalo lye wanhu, hamonga ne mitugo. Nanye molokwinjipa muwe wenji muno kuciza nha vyono mwali. Kanyhi molotuga wana wenji muno. Nane nolomulecenyi mwikale du mu yisi yiyo, nha vyono mwekalaga katali. Nolomumotyeni kuciza halulongozi. Vyo yakutya u Muwaha Mulungu.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”