Yelemiya 23:2 - Luganuzi Luswanu Kuli Wanhu Wose 2002

² Azi zo yakulonga u Muwaha Mulungu, u Mulungu wa Isilayeli, kuli ze walongola wono wo wanojeye kuwadima wanhu wakwe, yakutya nhavi, “Alu lanje, hamba si mukuwadima wanhu wangu yaye, langa mwaweyagaza no kuwawinjila kutali. Holeka nane ku soko yiyo, nomulipicizenyi ku soko yo wubi wono mwetuma.

Yelemiya 23:2 Referans Kwoze

Mika 7:4

Sunga no munhu muswanu muli wene, yakuwa yasina cambuzi nhe maselegwa. Ninga lizuwa lyakondya kuza, lyono Mulungu kowalipiciza wanhu, nha vyono yawasugula mu nzila ye walindilizi wawo ne wawizi wakwe, ku wulawa katali. Alu weza wali mu mahwele.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Wutuluce 32:34

Ninga aluno, hodu wubite wukawatonje wanhu sunga hanhu hono nghulonjeye. Ninga lanje, malayika wangu kokulongolela. Hamba nhavivyo, nane mwi'zuwa lyono nolomuzizenyi, ale, nolowalipiciza ku soko yo wubi wawo.”

Yelemiya 23:34

Na hono munhu wo wose wa muli wanhu wangu, hamba muwizi, hamba mukohani, hono yetumamile nghani yo wutya, ‘U mutegulo wuli hayi wo Muwaha Mulungu.’ Nane nomulipiciza u munhu yuyo, hamonga na wa mu nyumba yakwe wose.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Matayo 25:43

Nali mujenzi, hamba si mwambocela, nali nhamigwe, kanyhi nali mu jela, ninga hamba si mwaza kunanga.’

Hoseya 2:13

Nolomulipiciza ku soko ye cipango cono yakasemwa 'ne, lono yafusaga wuvumba kuli Baali, no kuvwala wihambo wo wuguzi wukamu, no kuwatyatya wendece wakwe. Vyo yakutya Muwaha Mulungu.

Yelemiya 13:21

Alu ho kotya wule, lono i wanhu kanyhi wawo, wono wehwesaga vyono wo wayago, alu wakusuma no kukutema? Na mbeka kohulika wusungu muno, nho mucekulu mono yali mu nghunga yo lusawo.

Yelemiya 11:22

Ale! Nayo u Muwaha Mulungu we mihanga yakatya, “Ale, heya, nowalipiciza! I wazelelo wawo, wowulajilwa ku wulugu, nawo i wana wawo, i wahinza ne wazelelo, wofwa ne nzala.

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Yelemiya 5:29

“Ninga nane, ane no Muwaha Mulungu, mbeka, nowalipiciza du ku soko ye zinghani zawo zizo. Na mbeka, nowalipiciza du likungugo lili.

Yelemiya 5:9

Alu nane hongo, ho ndece kuwalipiciza ku soko ye zinghani zizo? Hamba ma! I nhumbula yangu yilece kwilipiciza simbili mu nghungugo yono yinha yiyi?

Matayo 25:36

nali sawuce, anye mukamvwika, kanyhi nali nhamigwe, mukaza kunanga, nali nili mu jela, nanye mukaza kunamusa.’

Yelemiya 10:21

Nane nghapitula nghatya, “Nye! I watonji wetu, nha weza wasina mahala, hamba si wasakaga no kuwuza wutonji yaye kuli Muwaha Mulungu. Na yiyi yo soko yono yikuleka sunga ne milimo yawalemela, sunga ne wanhu wetu luno, wakondya kwiyagala ako na ako.

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Yelemiya 13:20

Ale lu Yelusalemi, winule meso gako wulanje! I walugu wako nha weza kukuziza wakulawilila ku lubavu lwa kusumuka! Ku lubavu lwe wanhu wono wali wakwitumbiye muno u wudimi wako, i wanhu wono nagwe wedunhumulilaga muno.

Yelemiya 44:22

Kanyhi mulanje nha vyono, ne yisi yenyu yakondya kuwa matongo, hasina hamba munhu mono yekaye mumo. Hambi nha ceza cinhu ca kogofya muno. Sunga ne wanhu weza kulitumamila litagwa lyayo nha wulijitwe. Hambi u Muwaha Mulungu, nha si kosuma kujendelela kuwukangalila u wubi wenyu, hamonga ne mabi genyu gono mukwituma.

Ezekiyeli 34:5

Alu, zingholo vyono zali zeza zisina mudimi, zikeyagala caka, ne malimu ga mu mbago gakaziwulaga no kuzilya.

Zakaliya 11:16

Hambi nha nakondya kumuwika u mudimi we litewa lyangu. Ninga mwene hamba si yakusuma kuzitaza zingholo zono zibenece migulu, hamba kuzilondola yaye zono zajiliye, hamba kuziwopela zono zifyonghoye, hamba kuzilisa zono zina miwili miswanu. Langa mwene, kolya du nyama ye zingholo zono cijinile, no kugapandulanga ne mabangho gazo.

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Zakaliya 10:3

U Muwaha Mulungu yakutya, “Nghuwawonela yikuwo, i wajenzi wose wono wawatemile wanhu wangu. Holeka nane nowalipiciza wose, hambi i wanhu wa Yuda, nha wangu. Nane no Muwaha Mulungu we mihanga, nowadima wanhu wangu. Kanyhi nowanoza wawe nha fwalasi zangu zo wulugu.