Yelemiya 23:18 - Luganuzi Luswanu Kuli Wanhu Wose 2002

¹⁸ Nane nghatya nhavi, “Muli wawizi wawo wose, hasina hamba muwizi monga, mono yasuma kugamanya, i mahweso ge cinyele go Muwaha Mulungu. Kanyhi hasina hamba monga muli wene, mono yayihulika nghani yakwe, yakayizuka, hamba kuyimanya kose, hamba kwenda kuyihulika kose, hamba kucelelela kose, kuli zono Muwaha Mulungu yakuzilonga.

Yelemiya 23:18 Referans Kwoze

Yelemiya 23:22

Ninga mbeka hono wali wawe wagamanyile mahweso gangu ge cinyele, baho langa, ho wali wasume kuyiganula nghani yangu kuli wanhu wangu, no kuwanoza wasume kugaleka i metumo gawo mabi, gono wetumaga hamonga ne zinzila zawo zimbi.

1 Wakolinto 2:16

Nago i Mandiko Gono Gelile gakutya, “Yo nani mbi mono kosuma kugamanya i mahala go Muwaha? Yo nani 'mbi mono kosuma kumulanjiza?” Ninga ase, cina i lihala lya Kilisito.

Yohana 15:15

Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, ku soko vyono nimulonjelenyi zose zono nazihulika kulawa kuli Baba.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Zabuli 25:14

U Muwaha Mulungu, yawendile wose wono wakumuhulika, nayo kawamanyizaga ze cilagane cakwe nhondo zose.

2 Zinghomo 18:23

Hobaho muwizi Zedekiya, yakamuzumhila Mikaya, yakamutowa kofi mu wusu wakwe, akuno yakumutya, “Alu 'gwe Mikaya, ku wulawa na nili, muhe wo Muwaha Mulungu lono wukandeka 'ne, ho wulongane nagwe?”

1 Watemi 22:24

Hobaho muwizi Zedekiya yakamuzumhila Mikaya yakamutowa kofi mu wusu wakwe, akuno yakumutya, “Alu, 'gwe Mikaya, ku wulawa na nili muhe wo Muwaha Mulungu lono wukandeka, ho wulongane nagwe?”

Jobu 33:31

Holeka Jobu, alu wuhulicizaje zono nghulonga, alu wituzaje wuhulicize.

Jobu 21:22

Hambi munhu kosuma kumwijiza Mulungu mono kaling'anizaga, sunga na wose wono wena lilumbo liwaha?