Yelemiya 23:1 - Luganuzi Luswanu Kuli Wanhu Wose 2002

¹ Ninga u Muwaha Mulungu, kolowalipiciza wulipicizwe wuwaha muno, i walongola wono wakuwahodanga, no kuweyagaza wanhu wakwe!

Yelemiya 23:1 Referans Kwoze

Yelemiya 10:21

Nane nghapitula nghatya, “Nye! I watonji wetu, nha weza wasina mahala, hamba si wasakaga no kuwuza wutonji yaye kuli Muwaha Mulungu. Na yiyi yo soko yono yikuleka sunga ne milimo yawalemela, sunga ne wanhu wetu luno, wakondya kwiyagala ako na ako.

Ezekiyeli 13:3

Wuwalonjele kanyhi, wamanye nha vyono Muwaha Mulungu yakutya, “Woyi he, kuli wawo i wawizi walele! Hambi nha wawilaga za mu mahweso gawo weneco du, na kumbe hamba si wagubuliywe nghani yo yose yaye.

Matayo 9:36

Yaza kuwawona iwanhu mapuga na mapuga, yakawawonela lusungu muno, ku soko wali wakataye muno, akuno wehweleye kotya zingholo zono zisina mudimi.

Yelemiya 22:22

Holeka i walongola wako, wolopemhelusizwa kutali ne mbeho, ne wendece wako nawo wolosolwa nha wafungwa mu wulugu, ne likaya lyako, nalyo mbeka lyolokozwa cevu no kupuwa. Ku soko yo wubi wose wono wetuma.

Yelemiya 12:10

Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.

Yelemiya 50:6

“I wanhu wangu wehwanile zingholo zono u mudimi wazo yazajiliza mu matunda. Nalu wakuyega-yega nhe zingholo, wakwitananhiza mu matunda, wakondya kusemwa no kwawo kwihi.

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Yohana 10:12

U munhu mono yakudima ku soko yo kulipwa musahala, yuyo si mudimi, hamba ne zingholo si sawo yakwe, kolo yakuwona liminzi likuza, yakuzileka zingholo, yakutiza. Nalyo liminzi likuzibata no kuziyagaza.

Yohana 10:10

U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Yelemiya 23:2

Azi zo yakulonga u Muwaha Mulungu, u Mulungu wa Isilayeli, kuli ze walongola wono wo wanojeye kuwadima wanhu wakwe, yakutya nhavi, “Alu lanje, hamba si mukuwadima wanhu wangu yaye, langa mwaweyagaza no kuwawinjila kutali. Holeka nane ku soko yiyo, nomulipicizenyi ku soko yo wubi wono mwetuma.

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Ezekiyeli 34:31

Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.

Ezekiyeli 34:21

Hambi nye nha mwazikoma zingholo zono zitamigwe, mukaziwinjila kutali ne litewa.

Yelemiya 2:26

U Muwaha Mulungu yakutya nhavi, “Ninga nha vyono u muhizi kakolwaga cevu lono yebatwa, ale na nyenye nhavivyo nyo wanhu wa Isilayeli, nanye molokolwa cevu, hamonga ne watemi wenyu, ne wawaha wenyu, ne wakohani wenyu, hamonga ne wawizi.

Yohana 10:8

Na wose wono walongola kuza, lono ane nali nghali si naza, wawo wo wahizi, kanyhi waboci, nawo hamba ne zingholo si zawahulika.

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Ezekiyeli 36:38

Ne makaya nago gono gali geza matongo, nhondo golomema wanhu, nha vyono Yelusalemi baho katali, yali yimemile zingholo, zono wazilavyaga makumbiko mu vilo vye zisikukuu. Nhondo nawo ho wolomanyila vyono ane yo nene Muwaha Mulungu.”

Ezekiyeli 34:1

Muwaha Mulungu yakanonjela yakatya nhavi,

Zakaliya 10:3

U Muwaha Mulungu yakutya, “Nghuwawonela yikuwo, i wajenzi wose wono wawatemile wanhu wangu. Holeka nane nowalipiciza wose, hambi i wanhu wa Yuda, nha wangu. Nane no Muwaha Mulungu we mihanga, nowadima wanhu wangu. Kanyhi nowanoza wawe nha fwalasi zangu zo wulugu.