Yelemiya 22:3 - Luganuzi Luswanu Kuli Wanhu Wose 2002

³ “Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 22:3 Referans Kwoze

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Yoweli 3:19

“Misili yolowa nyika nghavu, na Edomu yolohodangwa no wongomezwe, vyono wayihoma yisi ya Yuda, no kuwawulaga wanhu wono wasina masutya.

Yelemiya 9:24

Langa mono yakwikumya, yekumyaje ku soko vyono yakondya kumanya'ne, hamonga no kunyizuka. Hambi u wendo wangu nha si wupitukaga yaye, nane nitumaga ze ling'ani na zo mugoloka. Na zizi zo nghani du zono zinyendezaga. Vyo nghutya ane no Muwaha Mulungu.”

Yelemiya 5:28

Nalu lanjeta, vyono wajinile, wakung'alala nhavivi ku soko wasina wiyimile mu wituma zimbi. Kanyhi hamba si wakusuma no kuwanozeza ling'ani i wana wono wasina walezi wawo, hamba kulajila ling'ani yaye, kuli wono wakwiwonelwa.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Zimbazi 23:10

Wulece kuwusa citanjilo co mupaka we katali wo mugunda, hamba kusola migunda ye wana wono wasina walezi.

Zabuli 68:5

Mulungu mono yekaye hono helile hakwe, mwene yo Sogo ye wana wono wasina walezi, kanyhi yo mudimi we wafwile.

2 Watemi 24:4

Na ko muno, ku soko vyono yawawulaga i wanhu wono wasina masutya. Nayo Muwaha Mulungu hamba si yamunenela Manase mu nghani yiyi.

Wukumbucize wo Wulajilize 24:7

“Munhu wo wose mono komuhiza nduguye Mwiisilayeli, no kumunoza yawe mwitumami wakwe, hamba kumuguza ku wuwanda, munhu yuyo yanojeye yawulagwe. Na mu nzila yiyo, vyo kowuwusa wubi we liwala lilino.

Yelemiya 26:16

Ale, i walongola hamonga ne wanhu, wakawa kuwalonjela i wakohani hamonga ne wawizi wakatya, “Nye, u munhu yuyu, kacilonjela zizo zose mwi'tagwa lyo Muwaha Mulungu, u Mulungu wetu, holeka hamba si yanojeye yawulagwe yaye.”

Zimbazi 6:17

Meso go widunhumuzi. Lulimi lono lulongaga zo wulambi. Miwoko yono yiwawulagaga wanhu we ling'ani.

Zabuli 94:21

Wene wawo welumbanizizaga mu zinzila, zo kuwongomezeza wanhu we ling'ani, no kuwaling'aniza wufwe, wanhu wono wasina wusutye.

Zabuli 94:6

Wakuwawulaga i wacekulu wafwile, hamonga ne wajenzi, wakuwawulaga ne wana wono wasina walezi!

Jobu 24:9

I wanhu wabi wakuwa kusola i wana wono wasina walezi, wawa kuwanoza wawanda wawo, wakuwasola ne wana wo munhu muciwa, wakuwetumya milimo yawo, ninga hamba si kuwalipa musahala wawo hamba kamonga yaye.

Jobu 22:9

Na kanyhi si vyono walema du kuwapela wutazi i wacekulu wafwile, ninga kanyhi, wukawahiziza no kuwatendela vibi, i wana wono wasina walezi wawo.

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

Wukumbucize wo Wulajilize 27:19

“Malijito go Mulungu, geze muli munhu wo wose mono yakuyiweyanga ling'ani ye wajenzi, hamba ye wana wono wasina walezi, hamba ye wacekulu wafwile. “Nawo wanhu wapitule wose hamonga watye, ‘Heya.’

Wukumbucize wo Wulajilize 25:1

“Na hono Waisilayeli wejete wawe wakwisoka nghani, nawo kolo wakubita mu mahakama, na kuko yunji yejele yena masutya, no muyagwe yejele vyono yasina masutya.

Wukumbucize wo Wulajilize 10:18

Mwene yendile kuwona i wana wono wasina walezi, hamonga ne wacekulu wafwile, wose wakutendelwa ling'ani. Kanyhi yawendile sunga ne wajenzi, wono wekalane hamonga ne wanhu wetu. Mwene kawapelaga zindigwa ne vivwalo.

Walawi 19:15

“Weze mwihuwilwa, kanyhi wuli ling'ani, lono wukulamula mu vyalo. Wulece kuhijila mbejele kuli muciwa, hamba kumuwonela cevu munhu mugoli.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Wutuluce 22:22

Kanyhi mulece kumwiwonela mufwile, hamba mwana mono yasina walezi.

Matayo 23:23

Woyi he kuli'nye mo wejizi wo Wulajilize ne Wafalisayo mo wakoci! Mono muwalifyaga iwanhu, zaka sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono iling'ani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Wutuluce 22:21

Mulece kumwiwonela hamba kumukunhulanga munhu wo wose mujenzi, mweze kukumbucila vyono nanye mwali muli wajenzi mu yisi ya Misili.

Isaya 58:6

“Ninga u wuleka kulya wono nyendile'ne wowu: Muwusize lukulu manyolo go wiwonela wanji, hamonga no wu wula ling'ani wenyu. Muwalecele wawe welecele wono wakwiwonelwa.

Isaya 58:7

Muwagawile zindigwa wono wali nzala, muwalete ku zikaya zenyu i waciwa wono wasina wikalo. Muwagawile vivwalo wono wasina co kuvwala. Na kanyhi mweze wahidimbazi kuwataza wandugu zenyu.

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Yelemiya 19:4

Nane nozituma zizi, vyono i wanhu wangu wakondya kundeka, no kuhavufya i hanhu baha, so wulavya makumbiko kuli milungu yinji, i milungu yono weneco, hamba i walezi wawo, hamba i watemi wa Yuda, wali si wayimanyile yaye. Nawo wakondya kuhamemya hanhu bahano, ne sakami ye wanhu wono wasina masutya.

I Cililo 3:36

Ne ling'ani lono si yikwitumwa mu mahakama, mwene yamanyile du.

Ezekiyeli 18:12

Kanyhi yendile kuwakonya i waciwa, akuno muhizi, no kuwaboka wanhu sawo yawo kwe vilungo, hamba kugomola cono munhu yunji yacipinjice kuli mwene. Kanyhi, yawe yendile kubita ku wuhembelo we wanhu wono si wamumanyile Mulungu, no kuhemba vihwani vye mawifyo.

Ezekiyeli 45:9

U Muwaha Mulungu yakutya nhavi, “Nha mwanza katali mukwituma wubi, anye mo watemi wa Isilayeli! Ninga aluno, muwulekaje wugazi wenyu, hamonga ne mawonezi genyu kuli wanhu. Alu mwitumaje ze ling'ani na ze mbeka. Mulecele lukulu kuwawusa kanyhi wanhu wangu mu yisi yawo. Ane vyo nghumutyenyi, ane no Muwaha Mulungu.

Amosi 5:24

Langa muwulece wiling'ano wuhulume kotya muvwilo, ne ling'ani kotya likolongo lyono silinyalaga.

Wukumbucize wo Wulajilize 24:17

Mulece kuhodanga ling'ani ye wajenzi, hamba ye wana wono wasina walezi, hamba mulece kusola myenda ye wacekulu wafwile, yiwe nha cipingo so wukope wono yakopile.

Zabuli 82:4

Waponyenyi wono wasoceye hamonga ne waciwa, muwakomboze mu miwoko ya wono wakuwewonela.”

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.