Yelemiya 22:2 - Luganuzi Luswanu Kuli Wanhu Wose 2002

² Nghamulonjele u mutemi ne wetumami wakwe wose, hamonga ne wanhu wose wa Yelusalemi, wayihulicize nghani yono yakulonga u Muwaha Mulungu, yakutya,

Yelemiya 22:2 Referans Kwoze

Luka 1:32

Mwene kowa Muwaha, nayo kocemwa mwana wo Mulungu Mono Yalawiliciye, no Muwaha Mulungu, komupela ligoda lyo sogwe Dawudi;

Yelemiya 22:4

Na hono mwitume nha vyono nghumulajilizenyi, ale, no lulelo lwa Dawudi lojendelela kuwa watemi. Kanyhi wene, hamonga ne wetumami wawo, ne wanhu wawo, wojendelela kukola mu milango ye kaya yiyi yo wutemi, hamonga ne mituka yawo yo wulugu, ne zifwalasi zawo.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Amosi 7:16

Holeka alu, wuhulicize vyono Muwaha Mulungu yakutya. Agwe wukunyitya vyono ndece kulavya wuwizi hamba kuganula kuli Waisilayeli.

Ezekiyeli 34:7

“Holeka anye nyo wadimi, muhulicize lu zono ane no Muwaha Mulungu nghumulonjelenyi, nghutya nhavi,

Yelemiya 36:30

Ale nane luno, ane no Muwaha Mulungu, nghukulonjela nha vyono, agwe mutemi Yehoyakimu, holowa hasina kanyhi hamba monga wa muli wanago, mono kolotema mu wutemi wa Dawudi. Sunga no muvimba wako, si wolozikwa yaye, langa wolotagwa du mwi'hala caka wutowe ne lizuwa, mwi'pango lye misi, na mu cilo namo, wuputwe ne mbeho nghali.

Yelemiya 29:20

Holeka muhulice nghani yo Muwaha Mulungu, anye wose mono namulecelenyi musolwe ku wulawa ku Yelusalemi, mutegulwe ku Babiloni ku wuhamywe.’

Yelemiya 19:3

Hanyuma yakanonjela mbite nghatye nhavi, “Anye nyo watemi wa Yuda, hamonga ne wanyawusi wa Yelusalemi, ale muhulicize ta, zono ane no Muwaha Mulungu, u Mulungu wa Isilayeli nghusaka kuzilonga. Ane nohaletela wongomele wuwaha muno i hanhu baha, u wongomele wono munhu wo wose kolo yakuzihulika, zinghani zizi, mbeka kocelewala.

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Yelemiya 7:2

sunga ho ha mulango we Nyumba yo Mulungu, hono i wanhu wa Yuda wenjililaga, ho wamuhembe Mulungu. Yakanonjela nime baho ha mulango, niwalonjele i wanhu wa Yuda, zono u Muwaha Mulungu u Mudaha vyose, u Mulungu wa Isilayeli yakusaka yawalonjele. Nane nghawalonjela nghatya, “Hulicizenyi Nghani yo Muwaha Mulungu anye nyo wanhu wa Yuda, mono mwinjilaga mumu ho mumu hembe Muwaha Mulungu.

Isaya 28:14

Ale ta, muhulicize zono Muwaha Mulungu yakumulonjelenyi, anye nyo wanhu wedunhumuzi, mono muwatemile wanhu wangu mu Yelusalemi.

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Yelemiya 22:1

U Muwaha Mulungu yakanonjela kanyhi yakatya, mbite ku kaya yo wutemi, yo mutemi wa Yuda, wo lulelo lwa Dawudi.

Yelemiya 34:2

U Muwaha Mulungu, u Mulungu wa Isilayeli, yanonjela mbite kuli Zedekiya u mutemi wa Yuda, nghamulonjele nitye nhavi, “Ane no Muwaha Mulungu, nomupela mutemi wa Babiloni likaya lili, nayo kolikongoga no moto.