Yelemiya 21:7 - Luganuzi Luswanu Kuli Wanhu Wose 2002

⁷ Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 21:7 Referans Kwoze

Yelemiya 37:17

Ninga hanyuma yayo, u mutemi Zedekiya, yakatuma wanhu waze wasole, wanhegule kuli mwene kwi 'kulu. Na kuko kwi'kulu, u mutemi yakambuza cinyele yakutya, “Wule, ho yili nghani yo yose yono yilawile kuli Muwaha Mulungu?” Nane nghamutya, “Heya ho yili. Agwe Zedekiya, kotajilwa mu miwoko yo mutemi wa Babiloni.”

Ezekiyeli 7:9

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwetumaga. Nanye baho nhondo ho molomanyila vyono ane yo nene no Muwaha Mulungu, na vyono yo nene mono nghumulipicizenyi.”

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Wukumbucize wo Wulajilize 28:50

“Wanhu wawo wakali, hamba si wolosuma kumuwonela lusungu munhu wo wose, mukombi hamba muzelelo.

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Yelemiya 15:5

U Muwaha Mulungu yakutya nhavi, “Alu nye nyo wanhu wa Yelusalemi, alo nani mbi mono komuwonelenyi lusungu, hamba nani lo, mono komulililenyi? Hamba nani lo mono komuzizenyi yamuwuzenyi zo wuwe wenyu?

Yelemiya 15:9

No nyina yo munhu mono yawajilize i wanagwe mupunghati, yakondya kuzilika, yakuhangawa no wehele. No wuzelu wakwe we lizuwa, alu wapituka wawa wutitu, nalu yakolwa cevu no kuwa no wusungu wuwaha mu nhumbula yakwe. Nane nowaleta walugu wenyu, wawawulaje wose wa muli nyenye wono wakali womi. Vyo nghutya ane no Muwaha Mulungu.”

Yelemiya 22:25

nghuwice mu miwoko ye wanhu wono agwe wuwogopile muno, i wanhu wono wakusaka wakuwulaje. Nokuwika mu miwoko ya Nebukadineza u mutemi wa Babiloni, hamonga ne wasilikale wakwe.

Yelemiya 27:6

Kanyhi yo nene mono nagawika makungugo gaga gose mu miwoko yo mwitumami wangu Nebukadineza, u mutemi wa Babiloni. Nghavinoza ne vilimu vyose vya mu mbago vimwitumamile mwene.

Yelemiya 34:3

Nagwe hamba si kololekwa yaye, langa kolotekwa no kusolwa no mwene. Nagwe kolokwiwona nayo cagalanze no kulongana nayo. Hanyuma wuwe kutegulwa ku Babiloni.

Ezekiyeli 23:28

Azi kanyhi zo Muwaha Mulungu yakulonga yakutya, “Ane nokulavya kuli wanhu wono wuwasulile, kanyhi wono mwakondya kwileka nawo.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Yelemiya 19:7

Ne hanhu bahano, ho nologewajiziza i mahweso ge wanhu wa Yuda, hamonga ne wanyawusi wa Yelusalemi. Nolowaleta i walugu wawo, waze wawasume, no kuwawulajila ku wulugu. Ne mivimba yawo, nolozipela zindeje ziyilye, hamonga ne malimu ga mu mbago.

Yelemiya 20:4

Nayo u Muwaha Mulungu, mweneco yo yalonga nha vyono, ‘Nokunoza wuwe munhu wa nghakamo gwegwe mweneco, na kuli wayago wanji. Nagwe kolowawona wose wakuwulagwa ko mumaje we walugu wawo. Nane nowatajila i wanhu wose wa Yuda, mu miwoko yo mutemi wa Babiloni. Nayo kowasola wanji nha wafungwa, yawategule kutali ku yisi yakwe, na wanji nawo kowawulaga.

Yelemiya 32:4

nayo u mutemi Zedekiya, si kololekwa yaye. Langa nayo kolotekwa nhavivyo, kolosolwa no mutemi wa Babiloni. Wolokwiwona nayo cagalanze, no kulongana nayo.

Yelemiya 36:29

U Muwaha Mulungu yakanhuma mbite nghamulonjele mutemi Yehoyakimu nimutye nhavi, ‘Alu Yehoyakimu, vyono wakondya kuyiticimiza mu moto ayilya kalatasi mhalinje ye ligolo-golo, na kanyhi kuwa kumuwuza Yelemiya wukutya, ku sokoci kandika, nha vyono u mutemi wa Babiloni kolo kuza yayihodanje yisi yiyi, yawawulaje ne wanhu wayo wose, hamonga ne zimitugo zayo.

Yelemiya 50:17

U Muwaha Mulungu yakutya nhavi, “I wanhu wa Isilayeli, wenha zingholo zono zawingwa ne simba, no kwiyagazwa ako na ako. Hambi ha lulongozi, nha wakahomwa no mutemi wa Ashuli, hanyuma yayo kanyhi, wakahomwa na Nebukadineza, u mutemi wa Babiloni, yakawabenanga mafupa gawo.

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 2:22

Wukawalalika walugu wangu ku sikukuu, ho woga wangu wijele mbavu zose. Hasina hamba mono kolopona mwi'zuwa lilyo lye likuwo lyako. Hambi nha wawawulaga wanangu wono nawawilusa no kuwenda.