Yelemiya 21:6 - Luganuzi Luswanu Kuli Wanhu Wose 2002

⁶ Nane nowawulaga wose wono wekaye mumo mwi'kaya, i wanhu, hamonga ne zimitugo, vyose vyofwa ko wutamwa wubi muno.

Yelemiya 21:6 Referans Kwoze

Zefaniya 1:3

nowongomeza wanhu wose hamonga ne zinimu, ne zindeje ne zisomba. Ne wabi nowongomezeza lukulu. Kanyhi nowongomeza wanhu wose, hamba hasina cinhu cumi co cose cono colosigala. Ane no Muwaha Mulungu vyo nghutya.

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Ezekiyeli 14:21

Na zino, zo Muwaha Mulungu yakulonga yakutya, “Noloyiletela Yelusalemi ndipiciza zangu yine, zinzito muno. Yinongozi, wulugu, ye kejete, nzala, ye kadatu, malimu makali ga mu mbago, na ye kane, litamwa, vize viwongomeze wanhu hamonga ne mitugo yose.

Ezekiyeli 14:19

“Na hono nali ndete wutamwa wa tawuni, mu yisi yose, niwawulajile wanhu ne mitugo mwi'kuwo lyangu.

Ezekiyeli 14:17

“Hamba lunji nosuma kuleta wulugu mu yisi yiyo, hamonga ne vitwalo vyono vyongomezaga, ho viwamale i wanhu wose, hamonga ne mitugo zose.

Ezekiyeli 14:13

“Hono yisi yinozeze wubi, no kuwa si nyihuwilwa kuli'ne, ale, nane nowugolola muwoko wangu, niyiwusize witumbilo wayo we zindigwa, niyiletele nzala, niwawulaje wanhu, hamonga ne mitugo.

Yelemiya 33:12

U Muwaha Mulungu yakutya nhavi, “Na mu yisi yiyi, yono yihwanile nyika, hono ne wanhu hamba malimu si wekaye mumo yaye, ninga hanyuma, holowa kanyhi hanhu ha wudimilo, hono i wanhu wolowa kudimila kanyhi zingholo zawo.

Yelemiya 32:24

“Sunga nalu, wulanje vyono Wababiloni wakondya kusita nghambi zawo, wapilime likaya, ho walihome no kulisola. Nawo wulugu ne nzala, hamonga ne matamwa, golinoza likaya lisolwe nawo. Kanyhi kosuma kuwona nha vyono, zose zono walonga, alu zakondya kuficilicila nha vyono walonga gwegwe.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Ezekiyeli 33:29

Nane kolo nakondya kuwalipiciza i wanhu so wubi wawo, no kuyinoza yisi yiwe wambuce, baho nawo nhondo, ho wolomanyila nha vyono, ane yo nene Muwaha Mulungu.”

Ezekiyeli 33:27

“Ninga wuwalonjelaje nha vyono, ane no Muwaha Mulungu, mono nili Mulungu mumi, nghuwasugula nha vyono mbeka, i wanhu wose wono wekaye mu matongo ge makaya gose, wose wowulagwa. Nawo wono wekaye mwi'hala, wololigwa ne zinimu za mu mbago. Nawo wono wehundice mu matunda na mu mapango, wolowulagwa ne matamwa.

Ezekiyeli 12:16

Ninga si nolowawulaga wose mu wulugu, hamba mu nzala, hamba mu matamwa, langa nolowasigaza wanji wa muli wene, lono wali kuko mu makungugo, ho wanzalice nha vyono zinghani ze mawifyo zono wetumaga, zali nghani 'mbi muno. Kanyhi ho waze wamanye vyono ane yo nene Muwaha Mulungu.”

Ezekiyeli 7:15

Kunze kolowa wihomi mu zinzila. Namo mu zikaya molowa matamwa ne lizala. No munhu wo wose mono kolowa mu mawimbi mwi'daha lilyo, ayo kolofwila mu wihomi. Nayo mono kolowa mwi'kaya mwi'daha lilyo, nayo kolofwa so matamwa ne lizala.

Yelemiya 42:22

Holeka ku soko yiyo, mumanye nha vyono, anye wose molofwila mu wulugu, hamba mu nzala, hamba mu matamwa, ku yisi yiyo yono mukusaka mubite mukekale.”

Yelemiya 36:29

U Muwaha Mulungu yakanhuma mbite nghamulonjele mutemi Yehoyakimu nimutye nhavi, ‘Alu Yehoyakimu, vyono wakondya kuyiticimiza mu moto ayilya kalatasi mhalinje ye ligolo-golo, na kanyhi kuwa kumuwuza Yelemiya wukutya, ku sokoci kandika, nha vyono u mutemi wa Babiloni kolo kuza yayihodanje yisi yiyi, yawawulaje ne wanhu wayo wose, hamonga ne zimitugo zayo.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Yelemiya 7:20

Holeka lu, ane no Muwaha Mulungu, nane nolijidila likuwo lyangu mumu mu Nyumba yangu. Hamonga na zizo, nolijidila sunga na muli wanhu, na muli vilimu, na mu mabici gose, sunga na mu vilimwa. Ne likuwo lyangu, lyowa lihwanile moto mukali, wono howa hasina munhu wo wose, mono kosuma kuwuzimya yaye.

Mwamulizo 6:7

Holeka yakatya, “Hodu, nomuwusiza lukulu mono'nze, u munhu mono namuwumba, ne vilimu, ne vitambala hasi, hamonga ne zindeje za mu mbago. Nghukalala muno muno no kwihwesa vyono, ku sokoci nawawumba no kuwawika mono'nze.”

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Yelemiya 20:4

Nayo u Muwaha Mulungu, mweneco yo yalonga nha vyono, ‘Nokunoza wuwe munhu wa nghakamo gwegwe mweneco, na kuli wayago wanji. Nagwe kolowawona wose wakuwulagwa ko mumaje we walugu wawo. Nane nowatajila i wanhu wose wa Yuda, mu miwoko yo mutemi wa Babiloni. Nayo kowasola wanji nha wafungwa, yawategule kutali ku yisi yakwe, na wanji nawo kowawulaga.