Yelemiya 21:5 - Luganuzi Luswanu Kuli Wanhu Wose 2002

⁵ Nane nokwihoma nagwe kwe vilungo vyangu vyose, na kwe likuwo lyangu liwaha, hamonga na ko wukali wangu wose.

Yelemiya 21:5 Referans Kwoze

Isaya 63:10

ninga wene wakamubeza Mulungu, wakamukalaza muhe wakwe mono yelile. Holeka nayo Muwaha Mulungu yakawapitucila yakawa mulugu wawo, yakawahoma.

Isaya 5:25

Alu u Muwaha Mulungu, yakondya kuwakolelwa likuwo wanhu, wakwe, nalu yagoloye muwoko wakwe ho yawalipicize. Matunda golosinjisika, ne miwili ya wono wafwiye, yololekwa yipinile mu zinzila nha takataka. Ninga hamba nhavivyo, i likuwo lyo Muwaha Mulungu, hamba si lyolomalika yaye, u muwoko wakwe vyo wowa wugoloywe du, ho yajendelele kulavya wulipicizwe.

Wutuluce 6:6

Ale, wuwalonjele Waisilayeli vyono ane nghuwatya nhavi, ‘Ane yo nene Muwaha Mulungu, nane nomuponyenyi, kanyhi nomuwicenyi welecele, mu wulawa mu wuwanda we Wamisili. Nowinula muwoko wangu we vilungo, niwaletele wulipicizwe wo kogofya, nane nomuponyenyi.

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Yelemiya 6:12

Ne zikaya zawo, wolopegwa wanhu wanji, hamonga ne migunda yawo, ne wagolece zawo. Nane nhondo nowalipiciza i wanhu wose wa mu yisi yiyi.

Isaya 9:21

Nawo i wanhu wa Manase na wa Efulayimu, wokwihoma weneco wose. Ninga kanyhi hanyuma, wokwilunza wayihome Yuda. Ninga hamba nhavivyo, likuwo lyo Muwaha Mulungu si lyoduma, yakali yawugoloye muwoko wakwe du ho yalipicize.

Isaya 9:17

Holeka nayo Muwaha Mulungu, hamba si kowaleka wazelelo wapone yaye. Kanyhi hamba si kowawonela lusungu i wacekulu wafwile, hamonga ne wana wono wasina walezi wawo. Hambi i wanhu wose nha weza wahodanji kanyhi wabi. Sunga na zose zono walongaga, vyo 'mbi du. Hamba nhavivyo likuwo lyo Muwaha Mulungu si lyoduma yaye, ninga muwoko wakwe wowa wugoloywe du ho yalipicize.

Wutuluce 9:15

Na hono nali nitumamile vilungo vyangu vyose, nghutowe gwegwe, hamonga ne wanhu wako, mu nzila yo kukuletela nhamwa, mbeka wali wongomelele lukulu.

Yelemiya 32:37

Nowakongholeza wanhu wose, ku wulawa mu ma'si gose, kono naweyagaziza mwi'kuwo lyangu, niwagomole kanyhi hanhu baha, niwalece wekale bahano wapolile.

Isaya 10:4

Hambi wose nha mowulajilwa ku wulugu, hamba mosolwa nhe wafungwa. Ninga hamba nhavivyo, likuwo lyo Muwaha Mulungu, si lyoduma ng'o, langa kojendelela kuwugolola muwoko wakwe ho yalipicize.

Isaya 9:12

Nawo Waashuli kono lubavu lwa kucilima, ne Wafilisiti kumwezi, wose wahame milomo yawo, wawamele Waisilayeli. Ninga hamba nhavivyo likuwo lyo Muwaha Mulungu, si linadumuka yaye, nayo vyo yakali yagoloye du muwoko wakwe ho yalipicize.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 4:23

Holeka mwilanjilile, mulece kusemwa cilagane cono Muwaha Mulungu, u Mulungu wenyu yacinoza nanye. Kanyhi mweze ne cihuliko kuli ze lilajilizo lyakwe, mulecele lukulu kwinozeza nyo weneco cihwani co cose ciseswe.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 37:10

Hamba wutye wuwasumilize lipuga lyose lye wasilikale we Cibabiloni, wasigale wasilikale wono wena zinghomele, nawo wawe wagonile du mu mahema gawo, wumanye vyono, wanhu wawo wo wolokwinuka hanyuma, walipembele moto likaya lili lyongomelele lukulu.”

I Cililo 2:3

Na mwi'kuwo lyakwe, yavidumulanga vilungo vya Isilayeli. Yalema kucipela wutazi, lono walugu waciziza. Yacitakamiza nha vyono moto wutakamizaga vyose.

Ezekiyeli 5:8

Holeka luno ane no Muwaha Mulungu, nghumulonjelenyi vyono, ane nawa nili mulugu wenyu. Nomulipicizenyi ko wulipicizwe wono i wanhu we makungugo gose wowuwona calinze.

Ezekiyeli 39:3

Nane nowutoweza wupinde wakwe mu muwoko wakwe wo kucekulu wugwe hasi, ne zisonga zakwe, nozitoweza mu muwoko wakwe wo kulume, nazo zigwe hasi.