Yelemiya 21:2 - Luganuzi Luswanu Kuli Wanhu Wose 2002

² “U mutemi Zedekiya yakutya, vyono, wucilombele ase kuli Muwaha Mulungu. Hambi Nebukadineza u mutemi wa Babiloni, hamonga ne lipuga lyakwe lye wasilikale, nha walipilima likaya yacihome. Lunji u Muwaha Mulungu, kosuma kucinozeza nghani monga yo wizine, yamuwinje Nebukadineza yacilece.”

Yelemiya 21:2 Referans Kwoze

Yelemiya 37:3

Mutemi Zedekiya yakamutuma Yehukali u mwana wa Shelemiya, hamonga na Zefaniya mukohani, u mwana wa Maseya, waze wanonjele nimulombe Muwaha Mulungu, u Mulungu wetu, ku soko ye nghungugo yetu.

Yelemiya 37:7

mbite nghamulonjele Zedekiya nimutye nhavi, “Alu 'gwe Zedekiya, i wasilikale we Cimisili, wakuza kukutaziliza, ninga hamba nhavivyo, wolowuya kanyhi kwawo.

1 Samwili 28:15

Samwili yakamuwuza Sawuli yakatya, “Alu nhawule wukungaza? Hamba nhawule kunyibusa sunga kono canyha?” Sawuli yakamutya, “Ane nili mu wugazice wuwaha muno muno! Hambi i Wafilisiti nha wakwihoma nane, nayo Mulungu, yakondya kundeka. Hamba si yakusaka no kumhitula yaye mu nzila ye wawizi, hamba mu ndoto. Ayi yo yilecile ane nghucema ho wunonjele vyono noze.”

1 Samwili 28:6

Holeka yakawa kumulomba Muwaha Mulungu yamumanyize vyono konoza. Ninga Muwaha Mulungu si yamupitula hamba hadodo, mu ndoto, hamba mu nzila ya Ulimu na Tumimu, hamba mu wawizi.

Yelemiya 32:24

“Sunga nalu, wulanje vyono Wababiloni wakondya kusita nghambi zawo, wapilime likaya, ho walihome no kulisola. Nawo wulugu ne nzala, hamonga ne matamwa, golinoza likaya lisolwe nawo. Kanyhi kosuma kuwona nha vyono, zose zono walonga, alu zakondya kuficilicila nha vyono walonga gwegwe.

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

2 Zinghomo 32:21

Nayo Muwaha Mulungu yakawuhulika wulombe wawo, yakawa kumutuma malayika wakwe, yakabita yakawa kuwawulaga wasilikale wose we Ciashuli, hamonga ne walongola wawaha wose we lipuga lye wasilikale. Hodu, u mutemi wa Ashuli, yakawa kuwuya ku Ashuli ne cevu ciwaha. Na mwi'zuwa linji, lono yali yali mugati mu wuhembelo we milungu yakwe, i wanagwe we cilume wakenjila, wakawa kumuwulaga ne mimaje yawo.

2 Watemi 1:3

Ninga malayika wo Muwaha Mulungu, yakamutuma muwizi Eliya, wa ku Tishibi, yabite viketang'anile ne wanhu wono watumigwe no mutemi Ahaziya, yakawawuze yatye, “Alu 'nye! Nhawulenyi lu mukubita mukawuze kuli Baalizebubu u mulungu we wanhu wa Ekiloni? Hamba mukwihwesa 'nye hasina Mulungu mu Isilayeli lo?

1 Samwili 10:22

hodu wakawa kumuwuza Muwaha Mulungu wakutya, “Wule, yuyu mono yahaguywe yali hayi lo?” Nayo Muwaha Mulungu yakapitula yakatya, “Sawuli mono mukumulondola, ayulya ahalya, yehundice ha mitegulo.”

Walamuzi 20:27

Ne lisanduku lye cilagane lyo Muwaha Mulungu, lyekalaga ha Beteli mu vilo vivyo.

Mwamulizo 10:10

U mwamulizo wo wutemi wakwe Nimulodi, wali Babiloni na Eleki na Akadi, mu yisi ya Shinali.

Wutuluce 9:28

Holeka mumulombe Muwaha Mulungu! Hambi mvula ye mabwe hamonga ne mabalalusi gayo, nha vyacila muno! Nane nghwihuwiza vyono, nomukombolenyi mubite, hamba si mojendelela kanyhi kwikala bahano.”

2 Watemi 17:24

U mutemi wa Ashuli, yakawasola wanhu ku wulawa mu makaya ga Babiloni na Kuti, na Iva, na Hamati, na Sefalivayimu, yakawenjiza mu makaya ga Samaliya wekale mumo, wagahalile makaya ge Waisilayeli wono yawahamizya ku Ashuli. Nawo wanhu wawo, wakagasola makaya gago ga Samaliya, gakawa gawo weneco, wakekala mumo.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Yelemiya 15:11

Gwe go Muwaha Mulungu, nane nghutya, hono niwe ane si nakwitumamila viswanu, ale malijito gawo lece ganyizize, na hono niwe si nakunena, ku soko ye walugu wangu, lono wali wali mu wugaye, hamonga no wusungu wuwaha.

Yelemiya 21:3

Nayo Muwaha Mulungu yakalongana nane, baho nane nghawa kuwalonjela i wanhu wawalya, wono watumwa kuli'ne,

Yelemiya 37:17

Ninga hanyuma yayo, u mutemi Zedekiya, yakatuma wanhu waze wasole, wanhegule kuli mwene kwi 'kulu. Na kuko kwi'kulu, u mutemi yakambuza cinyele yakutya, “Wule, ho yili nghani yo yose yono yilawile kuli Muwaha Mulungu?” Nane nghamutya, “Heya ho yili. Agwe Zedekiya, kotajilwa mu miwoko yo mutemi wa Babiloni.”

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Yelemiya 34:1

U Muwaha Mulungu, yakanonjela kanyhi, mu mapango lono Nebukadineza u mutemi wa Babiloni, ne wasilikale wakwe wose, no wutemi wose wa mono'nze, lono wali wuli mu vilungo vyakwe, hamonga ne makungugo gose, wehomaga na Yelusalemi ne vikaya vyayo vyose vye behi behi.