Yelemiya 21:11 - Luganuzi Luswanu Kuli Wanhu Wose 2002

¹¹ U Muwaha Mulungu, yakanonjela, niwalonjele we nyumba yo wutemi wa Yuda, wo lulelo lwa Dawudi zinghani azi, nitye, “Ale, muhulicize zono ane no Muwaha Mulungu nghumutyenyi.

Yelemiya 21:11 Referans Kwoze

Yelemiya 17:20

Na mumo mose, wuwalonjele watemi, hamonga ne wanhu wose wa Yuda, sunga na wose wono wekaye mu Yelusalemi, no kwinjila mu milango yiyi, vyono yiwanojeye wose wazihulice zono ane nghulonga.

Mika 3:1

Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 22:1

U Muwaha Mulungu yakanonjela kanyhi yakatya, mbite ku kaya yo wutemi, yo mutemi wa Yuda, wo lulelo lwa Dawudi.

Yelemiya 22:18

Holeka u Muwaha Mulungu yakulonga za kuli Yehoyakimu u mwana wa Yosiya u mutemi wa Yuda, yakutya nhavi, “Hasina hamba munhu monga mono kolocililila cifo cakwe, hamba kucilonga-longa kose yawe kutya, ‘Ka, nye! Mhola ndugu yangu si!’ Hamba hasina munhu mono kolomulilila hamba kwikunguza yawe kutya, ‘Mhola mulongola wangu! Mutemi wangu!’