Yelemiya 21:10 - Luganuzi Luswanu Kuli Wanhu Wose 2002

¹⁰ Hambi 'ne nha nakondya kudumula nghani, nha vyono si nolileka yaye likaya lili, langa nolyongomeza du. Nolikombola lisolwe no mutemi wa Babiloni, yalipembele moto likongojele. Vyo nghutya ane no Muwaha Mulungu.”

Yelemiya 21:10 Referans Kwoze

Yelemiya 44:11

“Holeka aluno nane, ane no Muwaha Mulungu, we mihanga, Mulungu wa Isilayeli, nomulecenyi, niyongomeze yisi yose ya Yuda.

Amosi 9:4

Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”

Yelemiya 44:27

Nane nolanjilila ta, hono motuga wumoteswe. Ninga hamba si momoteswa ng'o, langa mokongomezwa wose du. Wose molofwa du, wanji wolofwa ko wulugu, na wanji wolofwa so nzala, hasina hamba monga wa muli'nye, mono kolosigala yaye.

Ezekiyeli 15:7

niwalipicize. Wene wakondya kwiponya mu wulawa mu moto, ninga luno, moto wowongomezeza lukulu. Nane kolo nghuwalipiciza, nagwe baho nhondo, ho kolomanyila nha vyono yo nene Muwaha Mulungu.

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.

Yelemiya 39:8

Nawo i wasilikale we Cibabiloni, kono nyuma, wakawa kulikongoga likulu, hamonga ne zikaya ze wanhu wose, wakawa kugakumulanga ne majinji ge likaya lya Yelusalemi.

Yelemiya 38:18

Ninga hono wijelele du wulece kwitegula go mweneco, ale, wumanye nha vyono likaya lili, lyotajilwa mu miwoko ye Wababiloni, nawo woliticimiza no moto, nagwe go mweneco, hamba si kopona yaye.”

Yelemiya 38:3

Nawalonjela kanyhi nha vyono Muwaha Mulungu yalonga yakatya, “Nolitajila likaya lili mu miwoko ye wasilikale we Cibabiloni nawo wolisola.”

Yelemiya 34:2

U Muwaha Mulungu, u Mulungu wa Isilayeli, yanonjela mbite kuli Zedekiya u mutemi wa Yuda, nghamulonjele nitye nhavi, “Ane no Muwaha Mulungu, nomupela mutemi wa Babiloni likaya lili, nayo kolikongoga no moto.

2 Zinghomo 36:19

Yakayinyanya Nyumba yo Mulungu, hamonga ne likaya lyose lya Yelusalemi, hamonga ne vinhu vyose vyono vyali vili mumo, yakagakumulanga ne majinji gose ge likaya.

Yelemiya 38:23

Hanyuma kanyhi nghajendelela nghatya, “I wagolece zako wose, hamonga ne wana, wose wolosolwa wategulwe ku Babiloni, nagwe go mweneco hamba si kolokwiponya yaye hali wene. Nagwe kolosolwa no mutemi wa Babiloni wuli muwopwe. Ne likaya lili lyoloticimizwa no moto.”

Zabuli 34:16

Ninga iwetuma zimbi kawasininghalilaga, nawo kolo wafwiza, si wakukumbucilwa kanyhi yaye.

Walawi 26:17

Nane nomulecenyi, walugu wenyu wamusumizenyi, na wono wakumusulenyi, wo wolotema muli'nye. Nanye molokogofywa muno muno, sunga muwe manghanga caka, na lono hasina munhu mono yakumuwinjenyi.

Walawi 17:10

Na hono Mwiisilayeli wo wose, hamba mujenzi mono wekalane, hono yalye nyama hamonga ne sakami yayo, hodu Muwaha Mulungu komuleka, si kowalilizwa kanyhi hamonga ne wanhu wo Mulungu.

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Yelemiya 34:22

Nowalajiliza nawo wokuza kanyhi mwi'kaya lili. Wololihoma, walisole, no kulikongoga. Nane noganoza makaya ga Yuda, gawe nhe nyika, hawe hanhu hono hamba wanhu wo wose si wosuma kwikala mumo. Vyo nghutya ane no Muwaha Mulungu.”

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 33:5

Wanji wolokwihoma ne Wababiloni, wono wolozimevya zinyumba ne mivimba ye wanhu, wono nolowawulajila nene mwi'kuwo lyangu. Nane nakondya kulileka likaya lili, ku soko ye makani mabi, gono wakwituma wanhu wayo.

Yelemiya 39:16

vyono mbite nghamulonjele Ebedimeleki u Muetiyopiya, nha vyono yalonjile u Muwaha Mulungu, we mihanga, u Mulungu wa Isilayeli. Nghawa kumubitila Ebedimeleki nghawa kumulonjela nghatya vyono, u Muwaha Mulungu katya nhavi, “Lanje! Ane nolilipiciza likaya lili nha vyono nalonga, hamba si nolimotya yaye. Na kolo zizi zikwijela, nagwe go mweneco koloziwona kwe meso gako.

Ezekiyeli 24:11

Hanyuma wuyijelece mu moto yiyo sufuliya ye shaba, yono yisina cinji mugati yayo, wuyilece yipye sunga yidunghuwale. Nawo wavufwe wayo, hamonga ne nghangaga yayo, vyowa vyakondya kukongojela, nayo yowa yezwa kanyhi,

Amosi 2:5

Holeka nane notegula moto kuli Yuda, no kuganyanya makaya ga Yelusalemi.

Yelemiya 38:17

Hodu, nane nghawa kumulonjela zono yalonjile u Muwaha Mulungu, u Mudaha vyose, u Mulungu wa Isilayeli, nghamutya, “Hono witegule go mweneco kuli wetumami wo mutemi wa Babiloni, koponya wumi wako, sunga ne likaya lili hamba si lyoticimizwa no moto yaye. Agwe hamonga na we mhuga yako wose mopona.