Yelemiya 21:1 - Luganuzi Luswanu Kuli Wanhu Wose 2002

¹ Zedekiya u mutemi wa Yuda, yakamutuma Pashuli u mwana wa Malikiya, hamonga no mukohani Zefaniya, u mwana wa Maseya, waze wanonjele nha vyono,

Yelemiya 21:1 Referans Kwoze

Yelemiya 37:3

Mutemi Zedekiya yakamutuma Yehukali u mwana wa Shelemiya, hamonga na Zefaniya mukohani, u mwana wa Maseya, waze wanonjele nimulombe Muwaha Mulungu, u Mulungu wetu, ku soko ye nghungugo yetu.

Yelemiya 29:25

ho nimulonjele Shemaya munya Nehelamu, mono yandika baluwa mwi 'tagwa lyakwe mweneco, kuli wanhu wose wa mu Yelusalemi, na kuli Zefaniya mukohani, u mwana wa Maseya, sunga na kuli wakohani wanji wose. Na mu baluwa yiyo, Shemaya yamwandicila Zefaniya yakutya nhavi.

Yelemiya 52:24

Hamonga na zizo, yuyo Nebuzaladani, u muwaha we wasilikale walindilizi, yakawasola nha wafungwa, Selaya u mukohani muwaha, na Zefaniya u mukohani mutazi, hamonga na wanji wadatu, i wetumami wawaha wa mu Nyumba yo Mulungu.

Yelemiya 38:1

Nayo Shefatiya, u mwana wa Matani, na Gedaliya u mwana wa Pashuli, na Yehukali u mwana wa Shelemiya, hamonga na Pashuli, u mwana wa Malikiya, wahulika zono nawalonjelaga wanhu,

Yelemiya 37:1

Nebukadineza u mutemi wa Babiloni, yakamutemya Zedekiya u mwana wa Yosiya, yawe mutemi wa Yuda, yakahalila hanhu ha Yehoyakimu u mwana wa Yehoyakimu.

1 Zinghomo 9:12

Adaya u mwana wa Yelohamu, mono ne walezi wakwe wali Pashuli, na Malikiya. Masayi u mwana wa Adiyeli mono ne walezi wakwe wali Yahizela, na Meshulamu, na Meshilemiti, na Imeli.

Nehemiya 11:12

Liwalo lyawo, wali waficile magana munana na makumi mejete na wejete, wono wetumaga mu Nyumba yo Mulungu. Na Adaya u mwana wa Yelohamu, u mwizukulu kwa Pelaya. Hamonga ne walezi wawo, na Amuzi, na Pashuli na Malikiya.

1 Zinghomo 3:15

Nayo Yosiya yali yena wana wane, Yohanani, Yehoyakimu, Zedekiya na Salumu.

2 Zinghomo 36:17

Na ku soko yiyo, u Muwaha Mulungu, yakawa kumutegula mutemi wa Babiloni yabite yakawahome. Nayo mutemi yakawawulaga wazelelo wose wa Yuda, sunga na wono wali mu Nyumba yo Mulungu. Yali yasina lusungu kuli munhu wo wose we cilume hamba kuli we cicekulu, hamba kuli wazelelo ne wahinza, hamba kuli wono wali watamigwe hamba wono wali waswanu. Nayo Mulungu yakawatajila wanhu wakwe mu miwoko ya Nebukadineza.

Yelemiya 29:29

Nayo Zefaniya yakasomela baluwa yiyo,

Yelemiya 37:7

mbite nghamulonjele Zedekiya nimutye nhavi, “Alu 'gwe Zedekiya, i wasilikale we Cimisili, wakuza kukutaziliza, ninga hamba nhavivyo, wolowuya kanyhi kwawo.

Yelemiya 37:17

Ninga hanyuma yayo, u mutemi Zedekiya, yakatuma wanhu waze wasole, wanhegule kuli mwene kwi 'kulu. Na kuko kwi'kulu, u mutemi yakambuza cinyele yakutya, “Wule, ho yili nghani yo yose yono yilawile kuli Muwaha Mulungu?” Nane nghamutya, “Heya ho yili. Agwe Zedekiya, kotajilwa mu miwoko yo mutemi wa Babiloni.”

Yelemiya 38:14

Hanyuma kanyhi u mutemi Zedekiya, yakatuma wanhu waze wanyheme mbite kwakwe, lono yali yali ha mulango we kadatu we Nyumba yo Mulungu. Yakanonjela yakutya nhavi, “Alu Yelemiya, ane nghusaka nghuwuze nghani, nane nghukusaka wunonjele ze mbeka zose.”

2 Watemi 22:13

“Alu mubite mukambuzize kuli Muwaha Mulungu, ku soko yangu, na kuli wanhu wose wa Yuda, ze mejizo gono gandicigwe mu citabu cici. Hambi Muwaha Mulungu nha yacikoleywe likuwo muno, hambi i walezi wetu, nha siwasuma kuzituma zinghani zono zili mu citabu cici zono zali ziwanojeye wetume.”

Yelemiya 35:4

nghawa kuwaleta ku Nyumba yo Mulungu. Nghawa kuwenjiza mu cinyumba ce wana wa Hanani, mwana wa Igidaliya, u munhu wo Mulungu. Ne cinyumba cico, cali cili mucanyha ye cinyumba ca Maseya u mwana wa Shalumu, u mwitumami mulongola wa mu Nyumba yo Mulungu, behi ne vinyumba vye wetumami wanji.