Yelemiya 20:8 - Luganuzi Luswanu Kuli Wanhu Wose 2002

⁸ Na ho hose lono nghulonga, nghulila du nzozize, nghutya, “Wukali! No Wongomele.” Gwe go Muwaha Mulungu, alu'ne nha nghuhong'ongwa, hamonga no kusowa misi yose. Ku soko'ne vyono nghuyiganula nghani yako.

Yelemiya 20:8 Referans Kwoze

Yelemiya 6:10

Ninga nane nghamupitula nghatya, “Gwe go Muwaha Mulungu, alo nani mono kokwenda kuhulika 'ne waco, kolo neza kuwalonjela, nghuwasugula? Hambi nagwe nha wuwamanyile, vyono wo wanhu wono wasina cihuliko hamba hadodo, holeka hamba si wovumila yaye kuzihuliciza ne zinghani zako, woziwona nha nzwaji du, muli zose zono wukunhuma mbite nghawalonjele.

2 Zinghomo 36:16

Ninga wene wakawazwajiza i watumwa wo Mulungu, no kuzibedegala zinghani zakwe, no kuwasekanga wawizi wakwe, sunga nhondo likuwo lyo Muwaha Mulungu likawacila muno wanhu wakwe, na wakawa wasina nzila yinji kanyhi yo kwilega.

1 Petelo 4:14

Hambi nha muli wamoti, hono muli'gwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muli'nye.

Wahebelaniya 13:13

Ale nase cimubitile kuko kunze ye nghambi, akuno cidinghuye u wumondwe wakwe.

Wahebelaniya 11:26

Yakamanya vyono, ku wutuga magazo ku soko ya Kilisito, ko cili cambuzi ciwaha muno muno, si nho u wugoli wose wa mu Misili, hambi nha yali yalanjiliye u wuhumbilizwe wa hanyuma.

Luka 11:45

Na yunji wa mu wejizi wo Wulajilize yakapitula yakamutya, “Mwijizi, hono wukulonga zizi, wukucitovula na sese.”

Yelemiya 28:8

I wawizi wono wacilongolela katali na katali, lono agwe na ane cikali si nawa, wawila nha vyono, wulugu, ne nzala, hamonga ne matamwa, golowaziza we makungugo menji, gono gena wutemi we vilungo viwaha.

Yelemiya 20:7

Gwe go Muwaha Mulungu, kunghonga'ne, nane niwa kukongwa-kongwa. Hambi agwe nha wina vilungo wunyhizize'ne kumbusiza sunga ne vilungo vyangu, nalu wanhu wose wakusekanga, wakunzwajiza misi yose.

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Yelemiya 15:10

Alu nhondo, neza nili munhuci waco, mono sina hamba nyemo yose! Hamba socici lo yaya yandela? Hambi nha neza nili munhu wa wugombane no wisumaniza na wanhu wanji wa mono'si. Ane ninga ho nghali si namukopesha yunji pesa zangu, hamba kukopa kwa yunji yaye. Ninga hamba nhavivyo, i wanhu vyo wakali wakundijita du.

Yelemiya 15:15

Hanyuma nane Yelemiya, nghapitula nghatya, “Gwe go Muwaha Mulungu, agwe go mweneco wuzimanyile. Ninga langa wunghumbucilaje, wumhele wutazi. Nghukunena wundipicizize simbili yangu kuli wose wono wakumhela magayo. Wulece kuwakangalila wawo, ho walece kusuma kumbulaga. Kanyhi wukumbucile vyono ane nghutovulwa ku soko yako gwegwe.

Habakuki 1:3

Alu nhawule wukunoza 'ne nigawone magayo gono genha gaga? Hamba kosuma nhawule kujendelela ku wulanga wubi wono winha wuwu? Hambi wuhodangwe, ne vilungo, nha vyose vimhilime nene, kanyhi ko wuli wuma no wugombane hanhu hose.

2 Watemi 2:23

Hodu Elisha yakatuluka ku wulawa Yeliko, yakabita ku Beteli, na lono yali yakali yali mu nzila, wazelelo wanji wakamuziza wakulawa mumo mwi'kaya lya Beteli, wakamwizwajiza wakutya, “Wuwuce baha, agwe go munhu wo muhalu!”

Isaya 57:4

Alu mwene 'nye, muli wa nani nyenye lo, mono mukunoza nha nzwaji? Hamba 'lu muli nani mono mweza mwina lwedu no kukwamvya zinimi zenyu?