Biblia Todo Logo
Bib sou entènèt

- Piblisite -




Yelemiya 20:4 - Luganuzi Luswanu Kuli Wanhu Wose 2002

4 Nayo u Muwaha Mulungu, mweneco yo yalonga nha vyono, ‘Nokunoza wuwe munhu wa nghakamo gwegwe mweneco, na kuli wayago wanji. Nagwe kolowawona wose wakuwulagwa ko mumaje we walugu wawo. Nane nowatajila i wanhu wose wa Yuda, mu miwoko yo mutemi wa Babiloni. Nayo kowasola wanji nha wafungwa, yawategule kutali ku yisi yakwe, na wanji nawo kowawulaga.

Gade chapit la Kopi




Yelemiya 20:4
22 Referans Kwoze  

“U Muwaha Mulungu, we mihanga, u Mulungu wa Isilayeli, kuli zinghani za Ahabu mwana wa Kolaya, na Zedekiya mwana wa Maseya, wono wakumulonjelenyi zinghani zo wulambi mwi'tagwa lyakwe, yakutya nhavi, Nowatajila mu miwoko ya Nebukadineza u mutemi wa Babiloni, nayo yawawulajile ha meso genyu.


‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.


mu yisi ya Hamati. Nayo mutemi Nebukadineza, yakawabocela, yakawatowanga, yakawawulaga wose. Hanyuma i wanhu wa Yuda, wakasolwa, wakahamywa mu yisi yawo,


nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”


Sunga nase nhondo, ceza kogopa muno muno ku wubita mu mawimbi, hamba kujenda-jenda du mu zinzila, hambi i walugu wetu nha wewikanize, kanyhi wacipilime mbavu zose ho wacihome.”


Wakongomezwa nhinicizo, no kupatilwa kutali ko wogofye.


Wakawawulajila i wana wa Zedekiya ha meso gakwe. Mwene nayo, Zedekiya wakamukopozola meso gakwe, wakamuwopa ne manyolo, wakawa kumutegula nha mufungwa ku Babiloni.


Ninga hamba nhavivyo, nolomusigaza munhu monga wa muli wanago, yekale mumi, nayo yo kolonyitumamila mu mulimo wo wukohani. Ninga hanyuma kolobofula, yawe yasina kanyhi witumbilo. Ne wanago wanji wose wolofwila mu magazo mawaha muno.


Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.


Hambi i makaya ga Yuda, gono gali ku lubavu lwa kutakama ge yisi ya Yuda, nha gakondya kupilimwa no wulugu, hamba hasina munhu wo wose mono kosuma kwinjila mu makaya gago kanyhi. Ne wanhu wose wa Yuda nha wakondya kusolwa, wategulwa ku wuhamywe.”


Sunga na gwegwe Pashuli, hamonga na we mhuga yako, wose molotekwa mutegulwe ku Babiloni. Nagwe Pashuli, kolofwila kuko, wakuzice kuko, hamonga ne wayago wono wali wuwendile, wono wawalonjelaga nghani nyinji zo wulambi.’ ”


Kanyhi u Muwaha Mulungu yakuwuza yakutya, “Alu, yo nghanici kanyhi yiyi yono nghuyiwona?” “Lanje ta! Weza kuwuya ne nyuma so woga. Ne wasilikale wawo weza kuwingwa, wakondya kusumwa so woga, nalu wakutiza wamanyhile muno muno. Hamba si wakwilenga kanyhi kunyuma.


Hamonga na zizo, yuyo Nebuzaladani, u muwaha we wasilikale walindilizi, yakawasola nha wafungwa, Selaya u mukohani muwaha, na Zefaniya u mukohani mutazi, hamonga na wanji wadatu, i wetumami wawaha wa mu Nyumba yo Mulungu.


Swiv nou:

Piblisite


Piblisite