Yelemiya 2:8 - Luganuzi Luswanu Kuli Wanhu Wose 2002

⁸ Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Yelemiya 2:8 Referans Kwoze

Habakuki 2:18

Hambi cihwani cina cambuzici? Nha cinhu du cono cinozigwe no munhu, kanyhi hamba si cosuma kukulonjela cinji co cose, langa wulambi du. Hamba hasina nghani yono cico cihwani, cimutendelaga munya kucisesa ho cisume kwitumbilwa, hambi cihwani, nha si mulungu, hamba si cosuma no kulonga yaye!

Yelemiya 10:21

Nane nghapitula nghatya, “Nye! I watonji wetu, nha weza wasina mahala, hamba si wasakaga no kuwuza wutonji yaye kuli Muwaha Mulungu. Na yiyi yo soko yono yikuleka sunga ne milimo yawalemela, sunga ne wanhu wetu luno, wakondya kwiyagala ako na ako.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo, mo cikwiwicilila mu wulamuzi we viselinji vye wanhu, hali Mulungu.

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Yohana 8:55

Nanye hamba si mumumanyile ng'o, ane langa nimumanyile. Na hono nitye si nimumanyile, nowa mulambi nha nyenye. Ninga alu nimumanyile, ne nghani yakwe niyibataga.

Luka 11:52

“Woyi he mo wejizi wo Wulajilize! Hambi nha mwawuhundika wufunguwo wo mulango we mahala, nyenye mo weneco si mwenjila, na wono wenjilaga mwawemila walece kwinjila.”

Matayo 16:26

langa u munhu mono kowajiliza u wumi wakwe ku soko yangu, ale yuyo langa yo kowutuga. Alu mbi u munhu ho kotuga cambuzici, hamba yawutuje u wugoli wose wa mononze, na akuno ho yawajilize u wumi wakwe?

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 12:10

Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.

Yelemiya 7:8

“Alu lanje! Mukwitumbila zinghani zo wulambi.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Yelemiya 2:11

Vyono hasina hamba likungugo linji lyo lyose, lyono lyakondya kuyikawaniza milungu yalyo muli lyene, hamba yiwe milungu yiyo si ya mbeka yaye. Ninga i wanhu wangu wakondya kundeka'ne, no Mulungu mono nawaletela lilumbo, wakayityatya i milungu yono si yosuma hamba kuwataza cinji yaye.

Yelemiya 2:6

Hamba si wenda no kunyhelelela yaye, hamba yiwe yo nene mono nawaponya ku wulawa ku yisi ya Misili nghawatonga mu mbago, mu yisi ye nyika ne manhimbwisa, mu yisi nghavu, yono yina mbali mbaha. Yisi yono si yikalagwa na munhu wo wose hamba hasina munhu wo wose mono kolo kola mu yisi yiyo.

Isaya 30:5

ninga i wanhu wa Yuda wolokalala vyono wali wetumbiye likungugo lyono si lyowaletela cambuzi, langa likuwagwisa du, hamba kuwapela wutazi nha vyono wali walanjiliye.”

Isaya 29:10

Hambi Muwaha Mulungu nha kamupelenyi nhongo ze lifwefwe, ho mugone hawaha. Kanyhi yali yiwanojeye wawizi wawe go meso ge wanhu, ninga Mulungu yakondya kuwabofuza meso gawo.

Isaya 28:7

Sunga ne wawizi, hamonga ne wakohani, wose wakupebesuka so ngholwe yo wujimbi. Hambi nha wang'wa muno wujimbi, nhondo sunga wakolwa, weza kwikobala hamba kumanya yaye. I wakohani wagalile muno muno, sunga luno, weza si wakuwumanya no wugubulilwe, wono Mulungu yakuwagubulila. Nawo wakohani nhavivyo, weza wang'wela muno wo wujimbi, sunga nhondo weza kulemwa no kulamula vyalo vyono wakuletelwa.

1 Watemi 18:40

Hobaho Eliya yakawatya, “Ale, muwebate wawizi wose wa Baali, mulece kumuleceleza hamba yumonga yatije!” Nawo wanhu wakawebata wose, nayo Eliya yakawategula sunga ko kwi'kolongo lya Kishoni, yakawawulajila kuko wose.

1 Watemi 18:29

Nawo wakajendelela du kuzoza no kwinoza kotya wamangha lukwale, sunga mu mapango ge makumbiko ge cinyamihe. Ninga hamba nhavivyo, hasina hamba lipitulo lyolyose lyono walituga, hamba lizi bwete kuhulikwa.

1 Watemi 18:22

Hanyuma Eliya yakatya, “Ane yo nene du muwizi wo Muwaha Mulungu mono sigaye, ninga howali wawizi magana mane na makumi mahano wa Baali.

1 Samwili 12:21

Mulecele lukulu kuyityatya milungu yo wulambi, hambi nha yisina wutazi wo wose, hamba si yosuma kumuponyenyi yaye, hambi nha si milungu ye mbeka.

1 Samwili 2:12

Ale, i wana we cilume wa Eli, wakawa wanhu wono wali wali caka caka du, wakawa wasina cogopo hamba cidodo hali Muwaha Mulungu.

Wukumbucize wo Wulajilize 33:10

Nawo wowejiza ne wanhu wako webate Lilajilizo lyako. Wokulavizya ne makumbiko mu cikumbicilo cako.

Yelemiya 9:14

Wakawa wajendeleye ne lizeze lyawo du lyo kuhemba vihwani vya Baali, na vyono wafundwa ne wasogo zawo.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Ezekiyeli 22:26

Nawo i wakohani, wakondya kubena lilajilizo lyangu, sunga nalu, hamba si wakuvicelelela kanyhi i vinhu vyono vyelile yaye. Hamba si wakusuma kuwika wisimajile we vinhu vyono vyelile, ne vinhu vyono si vyelile. Hamba si wakusuma kwijiza wanhu, ho wasume kutemanula i vinhu vyono vyavufywe, ne vinhu vyono si vyavufywe. Na kanyhi wayibedegala ne Sabato. Na yiyi yo yikuleka sunga ne wanhu wa Isilayeli hamba si wanyogopile 'ne yaye.

Ezekiyeli 34:2

“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye.

Jobu 35:10

Ninga hamba nhavivyo, si wamuwuyilaga Mulungu mono yawawumba, mono kawapelaga witumbilo mu mapango ge citi.