Yelemiya 2:7 - Luganuzi Luswanu Kuli Wanhu Wose 2002

⁷ Nane nghawaleta sunga ku yisi yono yina moso muno, ho wayisangalalile mikalo yayo, hamonga ne vinhu vinji viswanu vyono vili mumo. Ninga wene wakayihodanga yisi yiyo, wakayavufya i yisi yono nawapela.

Yelemiya 2:7 Referans Kwoze

Yelemiya 16:18

Nane nowalipiciza nghanghulo nyejete, ku soko yo wubi wawo, ne metumo gawo mabi. Hambi nha wayavufya yisi yangu ku soko ye milungu miseswe, yono yisina wumi, yihwanile ne mivimba du. No kuyimemya yisi yangu ne milungu yawo yo wulambi.”

Wuwale 13:27

Wakamulonjela Musa wakutya, “Ciyipilima yisi yose, ciyiwona vyono yinha, ayino hano ne mikalo yono yikulimwa mu yisi yiyo.

Ezekiyeli 36:17

“Gwe go munhu, lono Waisilayeli wali wakali wekaye mu yisi yawo, wene wakeyavufya mu nzila ye metumo gawo. Nghagawona metumo gawo gali mavufywe nho mucekulu mono yali mu vilo vyakwe vyo mwezi.

Yelemiya 3:9

akuno yasina ne cevu yaye. Yakayavufya yisi, yakasenyha mu nzila yo wuhemba mabwe ne mibici.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Mika 2:10

Muwuce mubite, hambi ahano nha hasina kanyhi wuceho. Hambi u wubi wenyu, nha wahaletela wufwe hanhu baha, hamonga no wongomezwe.

Ezekiyeli 20:6

Na mwi'daha lilyo, lyo nehuwiziza nha vyono nowawusa ku wulawa mu yisi ya Misili, niwategule ku yisi yono nawahagulila, yisi ndezi yono yina moso mwinji muno, yisi swanu kuciza zi'si zose.

Nehemiya 9:25

Wanhu wako wakatema ne makaya gono gali mazenjelwe magomawakali, ne yisi yo moso, ne zikaya zono zali zina sawo, hamonga ne masima, ne mibici ye mizeyituni, ne mibici ye mikalo miswanu, hamonga ne Mizabibu. Wakalya vyose vyono wasakaga, wakajina muno, wakendezwa ne vinhu vyose viswanu vyono wawapela.

Wukumbucize wo Wulajilize 21:23

muwili wuwo wulece kwikala cilo cose mumo mucanyha mwibici, langa wunojeye wuzikwe mwi'zuwa lilyo du. Hambi mono yakutumbikwa, nhe lijito lyo Mulungu. Holeka yinojeye muwuzice muwili wuwo ho wulece kuyavufya yisi yono Muwaha Mulungu, u Mulungu wenyu, yakumupelenyi.”

Wukumbucize wo Wulajilize 6:18

Kanyhi mweze kwituma zono Muwaha Mulungu yakuzilajiza, iziswanu na zo mugoloka. Na holeka mosuma kumoteswa muli zenyu zose, no kuyisola yisi yiwe yenyu, i yisi yono yina moso, yisi yono Muwaha Mulungu yawehuwiza i walezi wenyu.

Yelemiya 3:2

Alu wugalamile ta wulanje mu matunda mucanyha, wule, ho hali hanhu hanji hono agwe si wetuma nha munhu musenyha? Hambi agwe nha wekalaga ha mhelo ye zinzila wuwalindiye wendece wako, wukawa wehwana u mwalabu mono kehundikaga mu nyika, ho yawatendele vibi i wakola nzila. Nagwe Isilayeli wakondya kuyavufya yisi, ku soko yo wusenyha wako.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 32:30

Ninga wumanye nha vyono, ku wulawilila katali na katali, i wanhu wa Isilayeli ne wanhu wa Yuda, si wanyendezaga 'ne hamba hadodo, kanyhi wakanghoza muno likuwo, ku soko ye metumo gawo mabi.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Hoseya 9:3

Ne Waisilayeli siwokwikala mu'si yo Muwaha Mulungu, langa wowuya ku Misili, nawo wowa kulya ndigwa yono si swanu kuko ku Ashuli.

Wukumbucize wo Wulajilize 32:9

Ninga yakehagulila we ndelo ya Yakobo wawe wanhu wakwe.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Isaya 19:25

Nayo Muwaha Mulungu we Mihanga kolowalugutiza, yakutya, “Nomulugutizenyi anye nyo Wamisili nyo wanhu wangu, nanye nyo Waashuli, mono namuwumbenyi, hamonga nanye Isilayeli, nyo wanhu wangu wahagulwa.”

Ezekiyeli 20:24

Nane netuma zizi, vyono wene wagalema malajilizo gangu, wakawubena no wulajilize wangu, wazavufya sunga ne zisabato zangu. Wakahemba vihwani vivilya vyono i walezi wawo wavihembaga.

Ezekiyeli 23:35

Azi nazo zo Muwaha Mulungu yakulonga yakutya, “Alu vyono agwe wakondya kusemwa'ne, wanhumbila mugongo, nagwe lu kotuga magazo ku soko yo wusulumizi wako hamonga no wumalaya wako.”