Yelemiya 2:6 - Luganuzi Luswanu Kuli Wanhu Wose 2002

⁶ Hamba si wenda no kunyhelelela yaye, hamba yiwe yo nene mono nawaponya ku wulawa ku yisi ya Misili nghawatonga mu mbago, mu yisi ye nyika ne manhimbwisa, mu yisi nghavu, yono yina mbali mbaha. Yisi yono si yikalagwa na munhu wo wose hamba hasina munhu wo wose mono kolo kola mu yisi yiyo.

Yelemiya 2:6 Referans Kwoze

Wukumbucize wo Wulajilize 32:10

“Yawawona lono wayumbayumbaga mu nyika kunhu kubi, kumemile mavulavumbi gose, ninga mwene yawacitila no kuwadima nha vyono yadahile kwidima mweneco.

Hoseya 13:4

Muwaha Mulungu yakutya, “Ane yo nene Muwaha Mulungu wenyu, mono namuwusenyi Misili. Musina Mulungu yunji langa nene du.” Ane yo nene du mono nili muponyi wenyu.

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Hoseya 12:13

Nayo Muwaha Mulungu yakatuma muwizi yawaponye wanhu wa Isilayeli ku wulawa mu wuwanda ku Misili, ho yawadime.

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Zabuli 77:5

Niwa kwihwesa sunga ne vilo vye katali, nghumbucila sunga ne myaka yono yapuluta.

Zabuli 23:4

Holeka hamba nghole mwi'lolo lyo mwenzenze we lifwa, sinokogopa cinji, hambi 'gwe, agwe go Muwaha Mulungu, nha wuli hamonga nane, ne nghome yako, hamonga ne shale yako, vikundima.

Jobu 35:10

Ninga hamba nhavivyo, si wamuwuyilaga Mulungu mono yawawumba, mono kawapelaga witumbilo mu mapango ge citi.

Jobu 3:5

Wulinoze lizuwa lilyo wuwe wutitu, liwe wutitu tuku. Wuligubice ne mavunde, lizuwa lilece kulimulika.

2 Watemi 2:14

Yakagatowa malenga ne likoti lya Eliya akuno yakulonga yakutya, “Alu Muwaha Mulungu yali hayi mwene, u Mulungu wa Eliya?” Hanyuma kanyhi yakagatowa malenga lwe kejete, nago malenga gaketemanula cinya ha lulongozi, nayo yakawa kulowoka likolongo hakavu.

Walamuzi 6:13

Gideyoni yakamutya “Gwe go muwaha wangu, hone yiwe mbeka Muwaha Mulungu yali hamonga na sese, alu nhawule zose azi zikucijelela nhavivi? Alu ne mezino gakwe gose gali hayi, gono walezi wetu wacilonjela zono Muwaha Mulungu yetuma, na vyono yawawusa ku yisi ye Misili? Alu lanje! Muwaha Mulungu yacileka, kanyhi yacinjiza mu miwoko ye Wamidiyani.”

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wukumbucize wo Wulajilize 1:19

“Nase ciketuma nha vyono Muwaha Mulungu, u Mulungu wetu, yali yacilajilize. Cikawuka he 'tunda lya Holebu lyono likucemwa Sinayi, cikajendelela no muhinzo wetu, cikakolela mu nyika yiyilya mbaha yo kogofya, cikajendelela, sunga cikafika mu yisi ye matunda yisi ye Waamoli. Nase cali ceza kufika ha Kadeshi-balineya, nghamulonjelenyi nghatya,

Yelemiya 13:16

Mogopenyi u Muwaha Mulungu, u Mulungu wenyu, lono yakali si naleta wutitu, wono wosuma kumwambuzenyi mwikobale mu matunda, mu madaha go wutitu, ne madaha gono mukulanjilila wuzelu, u wuzelu wono mwali muwitumbiye.

Yelemiya 51:43

Ne makaya gayo geza gakogofya, gehwana ne nyika yono yisina malenga, hono hasina munhu wowose mono yekaye mumo, hamba mono yakukola mumo kanyhi.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Yelemiya 5:12

I wanhu wo Muwaha Mulungu wakondya kumulema Mulungu wawo, akuno wakutya, “Hambi nha si kosuma kwituma cinji. Nase hamba si cosuma kutuga magaziko yaye, hamba si cosuma kuwa no wihomi, hamba kutuga nzala yaye.”

Amosi 2:10

Nane nghamuwusenyi mu yisi ye Misili, nghamutonjenyi mu nyika myaka makumi mane, kanyhi nghawa kumupelenyi ne yisi ya Waamoli yiwe yisi yenyu.