Yelemiya 2:5 - Luganuzi Luswanu Kuli Wanhu Wose 2002

⁵ U Muwaha Mulungu yakutya nhavi, “Alu i walezi wenyu wambona nina lisutyaci? Hamba nghani yono yikaleka wene wakundeka 'ne? Hambi wene nha wakahemba vihwani viseswe vyono visina cambuzi, na weneco wakawa wasina cambuzi.

Yelemiya 2:5 Referans Kwoze

2 Watemi 17:15

Wakalemela lukulu kugebata mejizo gakwe, hamba kucikamisa cilagane cono Muwaha Mulungu yacinoza ne walezi wawo, hamba kucelelela bwete, ze suguzi yono Muwaha Mulungu yawasugula. Wene wakahemba vihwani vye milungu yo wulambi, vyono visina cambuzi, wakahodanjika, wakatyatya myoto ye makungugo wono wali wawapilime, wakalibedegala lilajilizo lyo Muwaha Mulugu lyono yatya, “Mulecele lukulu kuwatyatya.”

Walumi 1:21

Ku soko hamba wawe wakondya kumanya vyono u Mulungu yali baho, ninga si wakumupela ililumbo lyono limunojeye, hamba si wamulumbaga. Langa wene waco, wehwesaga zo wulele du, ne mahala gawo vyono gasina cinji, gamemile wutitu.

Yona 2:8

Nawo wono wakuyihemba milungu ye vihwani yono yisina cambuzi, wakondya kuwuleka u wihuwilwa wawo kuli'gwe.

Zabuli 115:8

Holeka na wose wono wayitumbilaga milungu yiyo, nawo wehwanile nha yeneco, heya, sunga na wose wono wayihuwiye milungu yiyo.

Isaya 44:9

Nawo wanhu wono wakunoza vihwani viseswe, wose wapuwile, sunga ne vihwani vyawo vye milungu vyono wakuviguza ko wuguzi wukamu, navyo visina hamba cambuzi cidodo bwete. Nawo wanhu wawo wono wakuyihemba milungu ye vihwani viseswe, mbeka wabofu, kanyhi wasina wizuce hamba hadodo, kanyhi wokolwa cevu.

1 Samwili 12:21

Mulecele lukulu kuyityatya milungu yo wulambi, hambi nha yisina wutazi wo wose, hamba si yosuma kumuponyenyi yaye, hambi nha si milungu ye mbeka.

Wukumbucize wo Wulajilize 32:21

Wanghoza likuwo ku soko ye milungu yawo mijenzi, nane hamba si nghwendezwa yaye ne milungu yawo yiyo, milungu yono mbeka hamba si milungu yaye. Holeka nane notuma likungugo linji liwakoze nawo likuwo. Nowanoza nawo wawone wivu ne likungugo lyo wulele.

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Matayo 15:8

“U Mulungu yakutya, Iwanhu awa wakuwa kunumba kwe milomo yawo du. Ninga i zinhumbula zawo, zili kutali nane.

Ezekiyeli 11:15

“Gwe go munhu, i wanhu wono wekaye mu Yelusalemi, wakulonga i zako hamonga na ze wayago Waisilayeli wose wono wahamywa. Wakutya ti, ‘Alu i wanhu wose wono wahamywa, nha weza wali kutali muno, hamba si wosuma kanyhi kumuhemba Muwaha Mulungu. Holeka Muwaha Mulungu, yakondya kucipela yisi yiyi yose yiwe yetu sese.’

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Yelemiya 12:2

Alu wawahadika, nawo wahimbiza milela, weza kuwiluka, wakulavya mikalo. Na nhondo zose, walongaga zako, ninga walongaga kwe milomo yawo du, mu zinhumbula zawo, hamba si wakuceleleye bwete.

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Isaya 46:12

“Ale, muhulicizaje ta, anye nyo wanhu mono musina cihuliko, mono mwihwesaga nha vyono wiling'ano wuli kutali.

Yelemiya 2:4

Nye nyo lulelo lwa Yakobo, ale muhulicize ta, zono Muwaha Mulungu yakulonga, anye nyo we mhuga yose ya Isilayeli.

Yelemiya 8:19

Ale, hulicizenyi anye mono muli mu yisi yose. Hambi 'ne nha nghucihulika cililo ce wanhu wangu wakulila wakutya, “Alo mwene u Muwaha Mulungu yeza yali kusina kuko ku Sayuni? Hamba u mutemi we Sayuni, yeza yali kusina kuko?” Nayo u Muwaha Mulungu, u mutemi wawo yakupitula yakutya, “Nhawulenyi nanye mwanghoza likuwo, ku soko yo wuhemba vihwani wenyu, hamonga no winamila i milungu yenyu ye cijenzi, yono yisina wutazi wo wose?”

Ezekiyeli 14:5

Ninga vihwani vivyo, hamba viwe vyakondya kuwanoza Waisilayeli ho wandece 'ne, ninga nitumbiye nha vyono lipitulo lyangu lyowanoza Waisilayeli wawe ne cogopo kanyhi kuli'ne.