Yelemiya 2:2 - Luganuzi Luswanu Kuli Wanhu Wose 2002

² niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Yelemiya 2:2 Referans Kwoze

Ezekiyeli 16:60

Ninga ane nocikumbucila cilagane cono nacinoza nanye, lono mwali mukali wadodo. Na kanyhi nonoza cilagane nanye, cono cokwikala cibitilila.

Ezekiyeli 16:8

“Ninga nali neza kukola lwe kejete, nghawona nha vyono, alu cipango cakondya kufika, co kukwenda. Hobaho nghawugubika muwili wako ne likoti lyangu, nghakwihuwiza, nghanoza cilagane nagwe nha vyono nokutola, nagwe ku wulawilila baho, wukawa wuli wangu.” Azi zo Muwaha Mulungu yakutya.

Yelemiya 11:6

Nayo Muwaha Mulungu yakanonjela yakatya, “Alu, wubite mu makaya gose ge yisi ya Yuda, hamonga na mu zinzila zose za mwi'kaya lya Yelusalemi. Wubite wukayiganule nghani yangu kuko, wuwalonjele wanhu vyono, yiwanojeye wazihulice zinghani ze cilagane no kuzitumama.

Yelemiya 7:2

sunga ho ha mulango we Nyumba yo Mulungu, hono i wanhu wa Yuda wenjililaga, ho wamuhembe Mulungu. Yakanonjela nime baho ha mulango, niwalonjele i wanhu wa Yuda, zono u Muwaha Mulungu u Mudaha vyose, u Mulungu wa Isilayeli yakusaka yawalonjele. Nane nghawalonjela nghatya, “Hulicizenyi Nghani yo Muwaha Mulungu anye nyo wanhu wa Yuda, mono mwinjilaga mumu ho mumu hembe Muwaha Mulungu.

Wukumbucize wo Wulajilize 2:7

“Ninga mukumbucile vyono Muwaha Mulungu u Mulungu wenyu yamulugutizenyi mu milimo yenyu yose, yono mwakondya kwituma. Kanyhi na vyono yamukamisenyi lono mwapilimagapilimaga mu nyika yiyi. Na vyono yali yali hamonga nanye mu myaka yiyi makumi mane, kanyhi yakamupelenyi na vyose vyono mwasakaga.

Hoseya 2:15

Na ku wulawa kuko, nomupela kanyhi migunda ye mizabibu yono yali yena, no kulinoza lilolo lyo wugazwe, liwe mulango wo witumbilo. Nayo kohulika 'ne, nha vyono yahulikaga mu vilo vyo wudodo wakwe, lono yaziza ku wulawa Misili.

Yelemiya 2:6

Hamba si wenda no kunyhelelela yaye, hamba yiwe yo nene mono nawaponya ku wulawa ku yisi ya Misili nghawatonga mu mbago, mu yisi ye nyika ne manhimbwisa, mu yisi nghavu, yono yina mbali mbaha. Yisi yono si yikalagwa na munhu wo wose hamba hasina munhu wo wose mono kolo kola mu yisi yiyo.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Wutuluce 14:31

Nawo Waisilayeli wali weza kuliwona litumo lilyo lyo wizine, lyono yetumile Muwaha Mulungu kuli Wamisili, nhondo nawo wakawa na cogopo kuli Muwaha Mulungu. Wakamwihuwila Muwaha Mulungu, hamonga na Musa mwitumami wakwe.

Matayo 11:15

Ale muhulice, hono mwina makutu!

Luka 12:13

Munhu yunji wa mwipuga lye wanhu, yakamutya, “Mwijizi, wumulonjele muwaha wangu cigawane zisawo zono yacilecela sogo yetu.”

Yona 1:2

Yikutya, “Wubite ku Ninawi, kwi'kaya alilya liwaha, wukalilonjele nha vyono, nakondya kuwumanya u wubi we wanhu wayo vyono winha.”

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Ezekiyeli 23:19

Nayo yakacila muno konjeza zo wusenyha wakwe, yakakumbucila vilo vyo wuhinza wakwe, lono yetumaga metumo go wumalaya mu yisi ya Misili.

Ezekiyeli 23:8

Nayo yajendelela no wumalaya wakwe, nha vyono yali yenha du kuko ku Misili, kono yawucila no wunyacipale wakwe. Hambi nha ku wulawa mu wuhinza wakwe, i walume nha wagonaga nayo, wakamutendela nhe wacekulu wamalaya.

Ezekiyeli 23:3

Nawo lono wali wakali wadodo, wekalaga ku Misili. Wakawuhodanga wunyacipale wawo, wakawa malaya.

Ezekiyeli 16:22

Na mu mapango gako gose ge mikalile yako, ye cevu yo wusenyha, hamba si wayikumbucilila lukulu i mikalile yako ya ha wudodo, nha vyono wali wuli cipwi, wukwigalagaza mu sakami yako.”

Yelemiya 19:2

hanyuma ngholele ku mulango wa Potishedi, mbite sunga ko kwi'lolo lyo mwana wa Hinomu. Nghaganule kuko zinghani zono kononjela.

Isaya 58:1

Muwaha Mulungu yakutya nhavi, “Alu wuzoze kwe lizi yiwaha munghango vyono kosuma! Wuwalonjele wanhu wangu Isilayeli zo wubi wawo!

Lwimbo Luswanu muno 3:11

Nye nyo wacekulu wa mu Sayuni, muze ta, mumuwone mutemi Solomona. Mwene yavwalile mukumbo, wono nyina yamuvwika mu mutwe wakwe, mwi'zuwa lye halusi yakwe. Mwi'zuwa lyakwe lye nyemo no wusangalale.

Zimbazi 1:20

Alu wuhulicize! Mahala gakucemeleza mu zinzila na mu zi sokoni,

Wutuluce 16:8

Musa yakatya kanyhi, “Muwaha Mulungu, i cinyamihe, komupelenyi nyama, na hakali mitondo komupelenyi mikate ho mulye mwigute, hambi mwene Muwaha Mulungu nha kakondya kuwuhulika wung'ung'ulice wenyu, wono mukumung'ung'ulicila. Ase 'mbi cili wanani ho mucing'ung'ulicile? Hono mukucing'ung'ulicila ase, mumanye vyono mukumung'ung'ulicila Muwaha Mulungu.”

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Wugubule 2:4

Ninga hamba nhavivyo, nina nghani monga du kuli'gwe, vyono agwe alu si wunyendile kanyhi nha ha mwamulizo.

Zabuli 129:1

Isilayeli yakutya, “Walugu wangu, wakuwa kungaza kali kenji, ku wulawilila wuzelelo wangu!”

Yelemiya 2:1

U Muwaha Mulungu yakanonjela,

Yelemiya 3:4

“Na kanyhi vyo wukali du kunyitya, ‘Agwe wuli Baba, hambi nha wali wunyendile 'ne ku wulawa wudodo wangu.

Hoseya 2:7

Nayo kowamanyhilila wendece wakwe, ninga hamba si kowatuga yaye. Kowalondola, ninga hamba si kowawona. Hanyuma kotya, “Alu neza kuwuya kuli mulume wangu u mulongozi, hambi u wuwe wangu wulongozi, nha wali wuwe wuswanu muno, si nha wuwe wono nina nawo aluno.”

Wukumbucize wo Wulajilize 33:3

Na mbeka Muwaha Mulungu yawendile wanhu wakwe, kanyhi mwene kawadimaga i wakwe. Holeka cinojele cimufugamile, cigebate na malajilizo gakwe.

Lwimbo Luswanu muno 3:6

Alo cicici cono cikuza cikulawilila ku nyika, cihwanile lisumbili lye lyosi, cono cina mhunjile swanu yo wuvumba, hamonga ne manemane, no wuvumba wono wukuwa kuguzwa ne wasuluza?

Hoseya 2:17

Nane nolowusiza lukulu matagwa ge zi Baali, si nolomuleka kanyhi yagatambule matagwa gawo.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Hoseya 11:1

Muwaha Mulungu yakutya, “Lono Isilayeli yali mudodo, nali nimwendile, nghamucema mwanangu yawuce ku Misili.