Yelemiya 2:11 - Luganuzi Luswanu Kuli Wanhu Wose 2002

¹¹ Vyono hasina hamba likungugo linji lyo lyose, lyono lyakondya kuyikawaniza milungu yalyo muli lyene, hamba yiwe milungu yiyo si ya mbeka yaye. Ninga i wanhu wangu wakondya kundeka'ne, no Mulungu mono nawaletela lilumbo, wakayityatya i milungu yono si yosuma hamba kuwataza cinji yaye.

Yelemiya 2:11 Referans Kwoze

Walumi 1:23

Wakuleka kumuhemba u Mulungu mono kekalaga cibitilila, wene wakuhemba ivihwani vyono vina futa yo munhu mono kafwizaga, na ye zindeje, na ye vilimu, hamba nzoka.

Isaya 37:19

Wakayikongoga ne milungu yawo, yono na mbeka si yali milungu yaye, langa gali vihwani vye mabici masese na vye mabwe, yono minoze ne miwoko ye wanhu.

Yelemiya 16:20

Alu mwene, mbeka u munhu kosuma kwinozeza mweneco milungu yakwe hongo? Na mbeka hamba si kosuma yaye. Na hono yayisese, ayo hamba si yowa milungu ye mbeka yaye.”

Zabuli 106:20

wakalukawaniziza lukumyo lo Mulungu, ku cihwani ce nimu 'ndya mahanze.

Mika 4:5

Likungugo ne kungugo lihembaga no kogopa u mulungu walyo, ninga mu vilo vivyo, colomuhemba no kumogopa Muwaha Mulungu wetu cibitilila na cibitilila.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Yelemiya 2:5

U Muwaha Mulungu yakutya nhavi, “Alu i walezi wenyu wambona nina lisutyaci? Hamba nghani yono yikaleka wene wakundeka 'ne? Hambi wene nha wakahemba vihwani viseswe vyono visina cambuzi, na weneco wakawa wasina cambuzi.

Zabuli 115:4

I milungu yawo nha ya fweza na zahabu du, yono yinozigwe ne miwoko ye wanhu.

Zabuli 3:3

Ninga agwe go Muwaha Mulungu, wuli ngula yangu, nane nghwilumba no kutuga wuluwuce ku soko yako.

Wukumbucize wo Wulajilize 33:29

Alu muli wamoti 'nye nyo Isilayeli, hambi nani kanyhi mono yehwanile nyenye, nyo nghungugo yono yakondya kuponywa no Muwaha Mulungu. Nayo Muwaha Mulungu, yo ngula yenyu no mumaje wenyu, ho yamudimenyi no kumupelenyi wusume. Iwalugu wenyu womuzizenyi wamulombenyi wakusaka muwawonele lusungu. Nanye baho ho mowakanyanjilila lukulu ho hasi.

1 Petelo 1:18

Hambi nha mumanyile vyono, anye mwakombozwa mu mikalile yenyu mibi, yono mwalecezwa kulawa ku wasenyu, si ne vinhu vyono vihodanjikaga, zipesa ne zizahabu,

Wagalatiya 4:8

I katali vyono mwali si mumumanyile u Mulungu, holeka mwayitumamilaga milungu yono si milungu ye mbeka.

1 Samwili 4:21

Nayo yakamucemela mwanagwe litagwa lyakwe Ikabodi, nhunizo yayo, “Lukumyo lwo Muwaha Mulungu lwawaleka Waisilayeli.” Yakawa kutuniliza wusolwe we Lisanduku lye Cilagane co Muwaha Mulungu, hamonga no wufwe wo mulume wakwe hamonga no mukwewe Eli.

2 Zinghomo 13:9

Mukawawinga i wakohani wo Muwaha Mulungu, i wana wa Haluni, kanyhi mukawawinga ne Walawi. Nanye mukawawika wakohani wanji nha vyono wakunoza we zinghungugo zinji, ho wahalile hanhu hawo. Kanyhi no munhu wo wose hono koleta ndama, hamba nduwilu mupunghati, ayo langa kosuma kwisiwanula yawe mukohani we milungu yenyu.

Yelemiya 5:7

Nayo u Muwaha Mulungu yakatya, “Alu mwene, ho nosuma wule kuwanenela wanhu wangu u wubi wawo lo? Hambi wene nha wakondya kundeka'ne nalu wakuyihemba i milungu yo wulambi. Ninga ane ho nawalisa wanhu wangu sunga wakeguta, ninga hamba nhavivyo, wene wakeyinjiza mu wusenyha, wakawa kwikala mu zinyumba hamonga ne wasenyha.

Yelemiya 18:13

U Muwaha Mulungu yakutya nhavi, “Ale ta, wuwawuzaje we makungugo gose, hono ku wulawa na katali, yejela nghani yono yinha yiyi. Nye! I wanhu wa Isilayeli, mbeka wetuma nghani yo wizine!

Ezekiyeli 5:7

Holeka anye wa mwi'kaya lya Yelusalemi, alu muhulicize zono nghulonga, ane no Muwaha Mulungu. Alu vyono mwakondya kugabedegala malajilizo gangu, hamba kuwibata yaye no wulajilize wangu, alu, mweyambalila nyenye nyo weneco, mweyinjiza mu magayo, si nhe makungugo go gose gono gamupilimenyi. Hambi nha mwayityatya myoto ye makungugo ganji.

Ezekiyeli 14:5

Ninga vihwani vivyo, hamba viwe vyakondya kuwanoza Waisilayeli ho wandece 'ne, ninga nitumbiye nha vyono lipitulo lyangu lyowanoza Waisilayeli wawe ne cogopo kanyhi kuli'ne.

Wukumbucize wo Wulajilize 32:16

Wakamupela Muwaha Mulungu wivu so milungu yawo mijenzi, no wubi wawo wono wetuma, wukamukoza Muwaha Mulungu likuwo.

Wukumbucize wo Wulajilize 32:21

Wanghoza likuwo ku soko ye milungu yawo mijenzi, nane hamba si nghwendezwa yaye ne milungu yawo yiyo, milungu yono mbeka hamba si milungu yaye. Holeka nane notuma likungugo linji liwakoze nawo likuwo. Nowanoza nawo wawone wivu ne likungugo lyo wulele.

1 Watemi 11:33

Nane nghwituma zizi, vyono Solomona yakondya kunema 'ne, alu yakuhemba milungu yinji, ye Asitalite, u mulungu mucekulu wa wanya Sidoni, hamonga no mulungu Cemoshi, u mulungu we Wamowabi, na Moleki u mulungu we Waamoni. Alu Solomona yakondya kungaluka, yetuma vibi, kanyhi hamba si yawibate no wulajilize wangu, hamonga ne malajilizo gangu, nha vyono u sogwe Dawudi yali yagebate.

2 Watemi 1:3

Ninga malayika wo Muwaha Mulungu, yakamutuma muwizi Eliya, wa ku Tishibi, yabite viketang'anile ne wanhu wono watumigwe no mutemi Ahaziya, yakawawuze yatye, “Alu 'nye! Nhawulenyi lu mukubita mukawuze kuli Baalizebubu u mulungu we wanhu wa Ekiloni? Hamba mukwihwesa 'nye hasina Mulungu mu Isilayeli lo?