Yelemiya 19:7 - Luganuzi Luswanu Kuli Wanhu Wose 2002

⁷ Ne hanhu bahano, ho nologewajiziza i mahweso ge wanhu wa Yuda, hamonga ne wanyawusi wa Yelusalemi. Nolowaleta i walugu wawo, waze wawasume, no kuwawulajila ku wulugu. Ne mivimba yawo, nolozipela zindeje ziyilye, hamonga ne malimu ga mu mbago.

Yelemiya 19:7 Referans Kwoze

Walawi 26:17

Nane nomulecenyi, walugu wenyu wamusumizenyi, na wono wakumusulenyi, wo wolotema muli'nye. Nanye molokogofywa muno muno, sunga muwe manghanga caka, na lono hasina munhu mono yakumuwinjenyi.

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Yelemiya 34:20

Ane nowatajila mu miwoko ye walugu wawo, wono wakuwalondola wawawulaje. Ne mivimba yawo yololigwa ne zindeje, ne malimu ga mu mbago.

Yelemiya 15:9

No nyina yo munhu mono yawajilize i wanagwe mupunghati, yakondya kuzilika, yakuhangawa no wehele. No wuzelu wakwe we lizuwa, alu wapituka wawa wutitu, nalu yakolwa cevu no kuwa no wusungu wuwaha mu nhumbula yakwe. Nane nowaleta walugu wenyu, wawawulaje wose wa muli nyenye wono wakali womi. Vyo nghutya ane no Muwaha Mulungu.”

Yelemiya 15:2

Nawo kolo wakukuwuza vyono wabite hayi lo, nagwe wuwalonjele zono ane nonjile, nitya, Woyi hee, hambi wanji nha wofwa ne matamwa, na kuko ko wobita! Woyi hee, wanji wofwila ku wulugu, na kuko ko wobita! Woyi hee, wanji wofwa ne lizala, na kuko ko wobita! Woyi hee, nawo wanji wosolwa wategulwe kutali nha wafungwa, nawo kuko ko wobita!

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

Walumi 4:14

Hambi hono yiwe wono wopegwa u wihuwizo wo Mulungu wo wawo du wono wakuwituma u Wulajilize, alu haco u wihuwilo waweza wusina cambuzi co cose, hamba no wihuwizo wo Mulungu, waweza si cinji kanyhi.

Walumi 3:31

Alu cikuwitumamila u Wihuwilo ho ciwuwembule u Wulajilize? Aa, ng'o, langa cikuwukamya u Wulajilize.

I Cililo 3:37

U wuhile wo Muwaha Mulungu du, wo wunojeye wuwe kwitumwa nhondo zose.

Yelemiya 46:26

niwawice mu miwoko ya wono wakuhila kuwawulaga, nha cinji, kuli Nebukadineza, u mutemi wa Babiloni, ne wasilikale wakwe. Ninga hanyuma yayo, i wanhu wolowuya wekale mu yisi ya Misili kanyhi, nha vyono wanoza mu vilo vyono vipulute. Vyo nghutya, ane no Muwaha Mulungu.”

Yelemiya 22:25

nghuwice mu miwoko ye wanhu wono agwe wuwogopile muno, i wanhu wono wakusaka wakuwulaje. Nokuwika mu miwoko ya Nebukadineza u mutemi wa Babiloni, hamonga ne wasilikale wakwe.

Yelemiya 22:19

Nayo kolozikwa nha vyono ndogowe yizikwaga, nha cinji, kolokwegwa, yawe kugumilwa du, kunze ye milango ya Yelusalemi.”

Yelemiya 18:21

Ninga aluno 'gwe go Muwaha Mulungu, wuwalekaje wana wawo wafwe ne nzala, nawo wawulajilwe ku wulugu. Nawo i wacekulu, wawajilize i walume zawo, hamonga ne wana wawo. Nawo i walume matamwa gawawulaje, ne wazelelo nawo wafwile ku wulugu.

Yelemiya 8:2

Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Isaya 8:10

Mwihehaje! Ninga hamba si mokwambulila cinji yaye. Anye mulonje du mu nghango yenyu! Ninga yowa nghani ya bwete du. Hambi ase, Mulungu nha yali hamonga nase.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Yelemiya 8:8

Alu hono muli nhavivyo, ho mosuma wule kulonga mutye, mwina mahala, kanyhi mugamanyile ne malajilizo gangu? Ninga mulanje vyono i wejizi wo wulajilize wawukawaniza wulajilize so wu wula cihuliko wawo.

Yelemiya 8:9

Ne wanhu wenyu we mahala wakozwa cevu, nalu watimanjila, wegwiza weneco mu mutego. Hambi nha wayilema nghani yangu, alu zili hayi 'mbi, zono wakwiyitya 'ti wena mahala?

Yelemiya 32:28

Nalu wulanje! Nomupela Nebukadineza u mutemi wa Babiloni hamonga ne wasilikale wakwe likaya lili, walisole,

Walawi 26:25

Nane noleta wulugu muli'nye, ho nimulipicizenyi so wubena cilagane wenyu. Na kolo mukwikongholela mu makaya genyu, ho mutuje mulamu, nane noleta matamwa gono gasina miti, gono si gosumika na ku wulagulwe yaye. Nanye baho ho modindimizizwa mwikombole kuli walugu wenyu.

1 Samwili 17:46

Nagwe izuwalili du, u Muwaha Mulungu kokutajila mu miwoko yangu, ane nokusumiza nghudumule no mutwe wako. Kanyhi noyisola miwili ye wasilikale we Wafilisiti nizipele zindeje hamonga ne zinimu za mu mbago ziyilye. Ne yinze yose yimanye vyono kumbe Isilayeli wena Mulungu,

2 Watemi 21:14

Kanyhi nowalecela lukulu, sunga ne wanhu wono wowa wakali wasigaye, niwakumhile kuli walugu wawo, wasumwe ne walugu wawo, wayisole ne yisi yawo.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”