Yelemiya 19:5 - Luganuzi Luswanu Kuli Wanhu Wose 2002

⁵ Kanyhi wakondya kumuzenjela Baali vikumbicilo vinji, vyono wowa kuwanyanyila i wana wawo mu moto, wawe likumbiko linyanywe kuli Baali. Ne nghani yiyi, yo nghani yono ane si nawalajiliza yaye, yo nghani yono nghali nehwesa na mu nhumbula yangu.

Yelemiya 19:5 Referans Kwoze

Yelemiya 32:35

Kanyhi wazenga vikumbicilo vya Baali, mwi'lolo lyo mwana wa Hinomu, no kuwalavya mumo makumbiko, i wana wawo we cilume na we cicekulu, kuli mulungu Moleki. Kumbe nane, si nawakombola wetume zizo. Na kanyhi hamba si nali nihwesize nha vyono wosuma kwituma nghani zono zinha zizo, no kuwanoza wanhu wa Yuda wetume wubi.”

Wukumbucize wo Wulajilize 12:31

Mulece kumuhemba Muwaha Mulungu, u Mulungu wenyu, mu nzila yono wene wayihembaga milungu yawo yo wulambi. Hambi mu wuhemba milungu yawo, nha wetumaga nghani ze cikomaza zono Muwaha Mulungu si yazendile yaye. Sunga wakulavya ne wana wawo we cilume na we cicekulu wawa kuwakongoga mu moto mu vikumbicilo vyawo.

Walawi 18:21

“Kanyhi mulecele lukulu kuwalavya i wana wenyu we cicekulu, wetumamilwe mu wuhembi wo mulungu Moleki. Hambi nghani yiyo, nha yoliletela cevu litagwa lyo Muwaha Mulungu.

2 Watemi 17:17

Wakawalavya makumbiko i wana wawo we cilume na we cicekulu cilavywa cinyanywe, kuli milungu yo wulambi, kanyhi wakatowa visangu, waketuma zo wuhawi, wakelavya ku wituma zimbi hali Muwaha Mulungu. Na ku soko yiyo, wakamukoza likuwo Mulungu.

Danyeli 2:29

“Lono Gwe mutemi wali wugonile, walota za kumwande zono zokuziza. No Mulungu mono kagubulaga zihundikwe, yo yakulajiye zono zokwijela mu vilo vyono vikuza.

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Ezekiyeli 20:26

Hodu nghawa kuwaleka weyavufye weneco so vilavywa vyawo. Kanyhi nghawaleka wawalavye makumbiko, i wana wawo we cilume walongozi kulelwa. Na yiyi yali yo nzila yo kuwalipiciziza, no kuwalajila nha vyono ane yo nene Muwaha Mulungu.

2 Zinghomo 28:3

Yakawa yakufusa wuvumba mwi'lolo lyo mwana wa Hinomu, hamonga no kuwalavya wanagwe, wawe makumbiko ge cilavywa cinyanywe kuli vihwani. Yakawa yakwiga makani ge cevu, gono wetumaga wanhu wono Muwaha Mulungu yawawinga mu yisi, lono Waisilayeli wenjilaga.

Wuwale 22:41

Na mwi'zuwa lye kejete, Balaki yakawa kumusola Balamu, yakamutegula ko ku vigongo vya Bamoti-baali. Na kuko ko Balamu yasuma kuyiwonela nghango ndodo ye wanhu wa Isilayeli.

Ezekiyeli 16:36

Azi zo yakulonga Muwaha Mulungu, “Alu vyono kuyigubula myenda yako, kuwa kwikala cipwi so wusenyha wako, kuwa kwiyilavya go mweneco kuli wendece wako, na kuli vihwani vyako vyose vye cevu, na kanyhi kuwa kuwawulaga sunga ne wanago, kuwalavya makumbiko kuli vihwani.

2 Watemi 21:6

Yakamulavya mwanagwe, yawe cilavywa cinyanywe. Yakatowa cisangu, yakawa kunoza wuganga, yakawa mwilagulizi kuli we mawizi ge macisi ne wahawi. Yaketuma nyinji zimbi hali Muwaha Mulungu, yakamukoza likuwo yiwaha Muwaha Mulungu.