Yelemiya 19:4 - Luganuzi Luswanu Kuli Wanhu Wose 2002

⁴ Nane nozituma zizi, vyono i wanhu wangu wakondya kundeka, no kuhavufya i hanhu baha, so wulavya makumbiko kuli milungu yinji, i milungu yono weneco, hamba i walezi wawo, hamba i watemi wa Yuda, wali si wayimanyile yaye. Nawo wakondya kuhamemya hanhu bahano, ne sakami ye wanhu wono wasina masutya.

Yelemiya 19:4 Referans Kwoze

Yelemiya 2:34

Sunga ne vivwalo vyenyu vikwilile sakami ye waciwa, wono wasina masutya, hamba si sakami ye wahizi yaye, i wabena zikaya za wanhu. ‘Ninga hamonga na zizi,’

Isaya 65:11

“Ninga holowa no wisimajile kuli'nye mono mukundeka, no kuyibedegala Sayuni, i litunda lyangu lisiwanulwe, muwa kumuhemba Gadi na Meni, i milungu yono yisina cambuzi co cose, yono yiwiciywe wongomele.

2 Watemi 21:16

Mutemi Manase mu vilo vyo wutemi wake, yawulaga wanhu wenji wono wasina wubi, ne sakami yawo yikahuluma mu zi nzila za mwi'kaya lya Yelusalemi. Hamonga na zizo, kanyhi, yakawanoza wanhu wa Yuda wahembe vihwani. Na mu nzila yiyo, wakamusutizya muno Muwaha Mulungu.

Wukumbucize wo Wulajilize 28:20

“Na hono mwitume zimbi du, no kumuleka Muwaha Mulungu, nayo komuletelenyi wulijitwe, no wongomele, hamonga no wulemwe mu milimo yenyu yose, sunga kolo mwokondya kongomelela lukulu musunho.

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 17:13

Gwe go Muwaha Mulungu, agwe yo gwegwe go witumbilo wa Isilayeli, no munhu wo wose mono kokuleka 'gwe, kokwikoza cevu mweneco. Hambi nha wolokwajilila wose, nhe litagwa lyono lyandicigwe mu manghundi. Ku soko vyono wakuleka gwegwe go Muwaha Mulungu, go muvwilo we malenga momi.

Yelemiya 11:13

Kanyhi, wumanye nha vyono i wanhu wa Yuda, wena milungu minji muno muno, nha vyono winha u winji we makaya gawo. Nawo i wanhu wa Yelusalemi, wazenjile makumbicilo menji muno, gehwanile no winji we zinzila zawo za mwi'kaya go kumufusiza wuvumba mulungu we cevu Baali.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

2 Watemi 24:4

Na ko muno, ku soko vyono yawawulaga i wanhu wono wasina masutya. Nayo Muwaha Mulungu hamba si yamunenela Manase mu nghani yiyi.

Wugubule 16:6

Hambi nha wayimwaga sakami ye wanhu wako, sunga na ye wawizi, holeka nagwe kuwapela i sakami waying'we, na mbeka vyo yiwanojeye!”

Luka 11:50

Ho zisakwe muli lulelo lulu, zisakami ze wawizi wose zono zetika, vyono kwalawa mwamulizo we yinze;

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

Yelemiya 26:23

Nawo wakabita, wakamuleta Uliya kuli mutemi Yehoyakimu, nayo mutemi Yehoyakimu yakawa kumuwulaga, yakawa kuwuzika muwili wakwe mu vitenjelo vye wanhu wose.)

Yelemiya 26:15

Ninga hamba nhavivyo mweze mumanyiye lukulu, nha vyono, hono mumbulaje, nyenye hamonga ne wanhu wose wa mwi'kaya lili, mowa mwenjila mu masutya so kumuwulaga munhu, mono yasina lisutya lyo lyose. Hambi 'ne nha Muwaha Mulungu du mweneco, yo yanhumile nize nimusugulenyi muli zizi.”

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Yelemiya 18:15

Ninga i wanhu wangu wakondya kusemwa 'ne nalu wakuvifusiza wuvumba i vihwani. Nawo wekobaza mu zinzila zawo, hamba si wakusuma kuzityatya kanyhi zinzila ze katali, alu weza kukola mu zinzila zono si nozelezwe yaye.

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Wukumbucize wo Wulajilize 28:64

“Nayo Muwaha Mulungu kolomwiyagazizenyi mu makungugo gose, ku wulawilila ndumo ayi ye yinze, sunga ko ku ndumo nzagwe kanyhi ye yinze. Na kuko, molowa kuhemba milungu miseswe ye mabici na ye mabwe, i milungu yono nyenye weneco hamba ne walezi wenyu mukali hamba nayihemba.

Wukumbucize wo Wulajilize 28:36

“Muwaha Mulungu komusolenyi hamonga no mutemi wenyu, yamutegulenyi ku yisi yo wujenzi, i hanhu hono nyenye hamba walezi wenyu wakali nekala yaye. Na kuko, anye mohemba no kuyitumamila milungu ye mabici maseswe, na ye mabwe.

Wukumbucize wo Wulajilize 13:13

‘Wenuka wanhu wanji we cakacaka muli nyenye, wono wakuwakwejeleza wanhu wa mu makaya gawo, wabite wayihembe milungu yono mukali si nayihemba ku wulawa katali.’

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

2 Watemi 23:10

Mutemi Yosiya, yakahavufya nhavivilya, i hanhu hono wahembelaga i milungu yo wulambi hono hacemwaga Tofeti, mwi'lolo lya Hinomu, ho halece kuwa no munhu wo wose mono kosuma kanyhi, kumulavya mwanagwe we cilume, hamba we cicekulu yawe yikumbiko lye cilavywa cinyanywe kuli mulungu Moleki.

Yelemiya 1:16

Nane, nowalipiciza i wanhu wangu, ku soko yo wubi wawo wono wetuma. Hambi nha wandeka 'ne, wakawa kuyilavizya makumbiko, i milungu yinji, kanyhi wakenozeza ne vihwani viseswe, no kuvihemba.

Yelemiya 7:6

Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

Yelemiya 17:20

Na mumo mose, wuwalonjele watemi, hamonga ne wanhu wose wa Yuda, sunga na wose wono wekaye mu Yelusalemi, no kwinjila mu milango yiyi, vyono yiwanojeye wose wazihulice zono ane nghulonga.

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 44:3

vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

Ezekiyeli 7:22

Nane hamba si nolowemila yaye wawo wahizi kolo weza kuyibena no kuyavufya Nyumba yangu.

Ezekiyeli 20:26

Hodu nghawa kuwaleka weyavufye weneco so vilavywa vyawo. Kanyhi nghawaleka wawalavye makumbiko, i wana wawo we cilume walongozi kulelwa. Na yiyi yali yo nzila yo kuwalipiciziza, no kuwalajila nha vyono ane yo nene Muwaha Mulungu.

Danyeli 11:31

Na wanji wa muli wasilikale wakwe, woloyavufya Nyumba yo Mulungu. Wolovimila vilavywa vye makumbiko, nawo wolowika I wifyo, mu Nyumba yo Mulungu.

Walamuzi 5:8

Lono Waisilayeli wehagulila milungu yinji mipya. Ale kukawa no wulugu mu yisi. Wule muli wanhu we cilume elufu makumi mane, ho yuli mono yebata ngula hamba mugoha?

Zabuli 106:38

Wakawawulaga wana wono wasina, hamba masutya bwete, no kuwalavya makumbiko kuli vihwani vya Kanani, sunga ne yisi yikatipizwa so wuwulaji wuwo.

Ezekiyeli 8:11

Nghawawona ne walongola makumi mupunghati we Waisilayeli wono wali wali baho, hamonga na Yazaniya u mwana wa Shafani. Nawo wawa wose wali webate viya vyo kufusiza wuvumba, munhu na cakwe mu miwoko yawo. Ne lyosi lyo wuvumba lyabitaga kucanyha.