Yelemiya 19:3 - Luganuzi Luswanu Kuli Wanhu Wose 2002

³ Hanyuma yakanonjela mbite nghatye nhavi, “Anye nyo watemi wa Yuda, hamonga ne wanyawusi wa Yelusalemi, ale muhulicize ta, zono ane no Muwaha Mulungu, u Mulungu wa Isilayeli nghusaka kuzilonga. Ane nohaletela wongomele wuwaha muno i hanhu baha, u wongomele wono munhu wo wose kolo yakuzihulika, zinghani zizi, mbeka kocelewala.

Yelemiya 19:3 Referans Kwoze

1 Samwili 3:11

Muwaha Mulungu yakamulonjela yakatya, “Lanje, ta Samwili, ane nokwituma nghani muli wanhu wa Isilayeli, nghani ya kogofya, yono munhu wo wose mono koyihulika, yomucelewaza.

Yelemiya 17:20

Na mumo mose, wuwalonjele watemi, hamonga ne wanhu wose wa Yuda, sunga na wose wono wekaye mu Yelusalemi, no kwinjila mu milango yiyi, vyono yiwanojeye wose wazihulice zono ane nghulonga.

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Isaya 28:19

Lyolomuzizenyi kali kenji nhondo zose hakali mitondo. Nanye mowa munojeye muwe no wukangalizi misi ne cilo. Ne nghani yo yose yono yolawa kuli Mulungu, yowa no wogofye wuwaha!

Wugubule 2:29

Mono yena makutu go kuhulicila, yazihulikaje zono u Muhe yakugalonjela i makanisa!”

Matayo 10:18

Kanyhi motegulwa kuli wawaha ne watemi, ku soko yangu, ho musume kuluganula u Luganuzi Luswanu kuli wene na kuli wanhu wono si Wayahudi.

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Zabuli 110:5

U Muwaha Mulungu yali lubavu lwako lo kulume, nayo kolo yakukolwa likuwo, kowapondanjiza watemi.

Zabuli 102:15

Nago makungugo, gomogopa Muwaha Mulungu, ne watemi nawo, wose wolwogopa lukumyo lwakwe.

Zabuli 2:10

Holeka 'lu anye nyo watemi, mwitumamilaje mahala, hulicizenyi uwukagwe wuno, anye mo wawaha we yinze.

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”

Yelemiya 35:17

Holeka ku soko yiyo, alu mowona! Ane no Muwaha Mulungu, u Mulungu wa Isilayeli, nomuletelenyi anye nyo wanhu wa Yuda na Yelusalemi, i magazo gose gono nehuwiza. Nomutendelenyi nhavivyo, vyono anye si mukusaka kuwa ne cihuliko kuli 'ne, nghamucemenyi, nanye hamba kumhitula yaye.”

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 25:29

Nane nowanza u mulimo wangu wo kongomeza, nowanziza mwi'kaya lyangu no mweneco. Alo wene wakwihwesa nha vyono si wolipicizwa lo? Ng'o yaye, langa wolipicizwa du. Hambi 'ne, nha nowaletela wulugu i wanhu wose wono wali mono'nze. Vyo nghutya ane no Muwaha Mulungu, we Mihanga.

Yelemiya 44:3

vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

Ezekiyeli 7:5

Kanyhi azi zo Muwaha Mulungu yakulonga yakutya, “Alu wulanje! Magazo mawaha gokuziza gakwilecela linji ne liyagwe.