Yelemiya 19:12 - Luganuzi Luswanu Kuli Wanhu Wose 2002

¹² Nane nehuwiza nha vyono nolinozeza likaya lili, hamonga ne wekazi walyo wose, nha vyono nayinoza Tofeti.

Yelemiya 19:12 Referans Kwoze

Yelemiya 11:5

Ale, nane ho nowufisiliza wihuwizo wangu, wono nawehuwiziza i walezi wawo, nha vyono nowapela yisi yono yina wugoli, hamonga no moso mwinji, yono wena nayo luno.” Nane nghapitula nghatya, “Heya vyo yiweze, gwe go Muwaha Mulungu.”

Yelemiya 10:13

Yakagalajiliza i malenga ga ku wulanga gakolome, kanyhi yo mweneco mono kagaletaga mavunde, ku wulawilila ku ndumo ye yinze. Kanyhi yo mweneco mono kaganozaga mamuli, gawe kumulika mu madaha ge mvula, kanyhi kayiletaga mbeho mbaha mu wulawa mu viwutwa vyakwe.

Yelemiya 19:11

Niwalonjele nha vyono, u Muwaha Mulungu yakutya nhavi, “Ane nowabenanjiza i wanhu wawa, hamonga ne likaya lili, nawo wokwihwana ne nyungu yiyi ye lilongo, yono si yosumika kuyilunza hamonga kanyhi mazaye gayo. Nawo i wanhu, wolowa kuyizika mivimba ye wandugu zawo, sunga na kuko ku Tofeti, hambi nha holowa hasina kanyhi hanhu hanji ho hose ho kuwazika.

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”