Yelemiya 19:11 - Luganuzi Luswanu Kuli Wanhu Wose 2002

¹¹ Niwalonjele nha vyono, u Muwaha Mulungu yakutya nhavi, “Ane nowabenanjiza i wanhu wawa, hamonga ne likaya lili, nawo wokwihwana ne nyungu yiyi ye lilongo, yono si yosumika kuyilunza hamonga kanyhi mazaye gayo. Nawo i wanhu, wolowa kuyizika mivimba ye wandugu zawo, sunga na kuko ku Tofeti, hambi nha holowa hasina kanyhi hanhu hanji ho hose ho kuwazika.

Yelemiya 19:11 Referans Kwoze

Zabuli 2:9

Nagwe kowapondanjiza ne nghome ya cuma, kanyhi kowatulanga nha nyungu yo muwumbi!’ ”

Isaya 30:14

Nanye motulanjika mwiyagale nhe nyungu yono yitulice vibi no kuzaganzika, hawe hasina hamba cizaye cidodo cono cosigala, cono cokwila hamba kupalila moto bwete, hamba kukupila kunze malenga gono gali mwi'kandilo.”

I Cililo 4:2

Ne wazelelo wa Sayuni, wali wo we cifo cikamu nha zahabu, ninga luno, wakutendelwa nha viya vye lilongo.

Wugubule 2:27

Heya, nowapela i vilungo vivilya vyono nane navibocela kulawa kuli Baba.

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Yelemiya 19:6

Holeka ku soko yiyo, i vilo vikuza, lono i hanhu bahano, si holocemwa kanyhi Tofeti, hamba Lilolo lyo mwana wa Hinomu. Langa lyolomanyika nhe Lilolo lyo Wuwulaji.

Metumo ge Watumwa 21:11

Nayo yakaza kuli'se, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu wono si Wayahudi!”

Zimbazi 6:15

Na ku soko yiyo, magazo gowaziza gasina suguzi, no wongomele wowagana.

Yelemiya 19:12

Nane nehuwiza nha vyono nolinozeza likaya lili, hamonga ne wekazi walyo wose, nha vyono nayinoza Tofeti.

Yelemiya 48:38

Ne cililo citandaye hanhu hose du mu matembe mucanyha, mu zikaya zose za Mowabu, sunga na mu zinzila zose. Hambi 'ne, nha nayitulanga Mowabu, yawa nha nyungu nhulanje, yono hamba yunji wo wose si koyenda kanyhi.

Yelemiya 51:63

Nagwe Selaya kolo wakondya kuzisoma hali wanhu, zose zono zili mu citabu cici, nhondo wuciwopelezaje ne libwe, wucigumile mwi'kolongo lya Efulata,

Yelemiya 25:34

Ale, mucenje lwanji, mulile anye nyo walongola, anye nyo wadimi we wanhu wangu. Mulile mwihindile muno muno! Mulile, mwigalagaze mu mavu. Hambi i vilo vyenyu vyo wuwulagwe wenyu, nha vyakondya kufika. Nanye mokasikwa nha nyama ya ngholo.