Yelemiya 17:3 - Luganuzi Luswanu Kuli Wanhu Wose 2002

³ sunga na mu matunda gono gali mu'si mwi'hala. Alu nane nowanoza i walugu wenyu waze wayisole sawo yenyu yose, hamonga no wugoli wenyu, ku soko yo wubi wono mwetuma mu yisi yenyu yose.

Yelemiya 17:3 Referans Kwoze

Yelemiya 15:13

Kanyhi u Muwaha Mulungu yakanonjela yakatya, “Kanyhi nolowaleta walugu, waze wazisole zisawo ze wanhu wangu hamonga no wugoli wawo wose, wawalipicize ku soko yo wubi wono wetumile mu yisi yose.

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

2 Watemi 24:13

Yakavisola viwutwa vyose vya mu Nyumba yo Mulungu, na vya mwi'kulu, yakavitegula ku Babiloni. Nebukadineza yakavidumulanga viya vyose vye zahabu, vyono vyetumamilwaga mu Nyumba yo Mulungu, vyono yavinoza mutemi Solomona, nha vyono Muwaha Mulungu yalonga.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Ezekiyeli 16:39

Nghutajile mu miwoko yawo, nawo wahakumulanjile lukulu, i hanhu hako hose ha wuhembelo, hono kwitumamilaga so wusenyha wako, no kuhemba vihwani. Nawo wolokusolela myenda yako yose, hamonga ne vibwe vyo wuguzi wukamu, waze wakulece baho wuli cipwi.

Ezekiyeli 6:3

Wugalonjelaje matunda ga Isilayeli vyono ganojeye gazihulice zinghani zo Muwaha Mulungu. Gahulice zono ane no Muwaha Mulungu, nghugalonjela matunda, ne vigongo, hamonga ne makolongo, ne malolo. Vyono ane nohongomeza no mumaje hanhu baha hose hono wanhu wakuvihembela vihwani.

I Cililo 1:10

Ne walugu wakwe wakamuhiziza sawo yakwe yose. Nayo yakawawona ne meso gakwe mweneco, vyono wakwinjila mu Nyumba yo Mulungu, mono Muwaha Mulungu yali yawalemeze we makungugo walece kwinjila.

Yelemiya 12:12

Ne wanhu wakulawa mu yisi yose yono yili mu matunda, mu nyika, wakuza kuyiteka yisi yangu. Holeka nane luno, nayiletela wulugu wuyongomeze yisi yose. Na howa hasina hamba monga mono kokwikala yapolile.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Walawi 26:30

Nane nohahodanga sunga ne hanhu henyu ho kuhembela mucanyha ye matunda, nogatulanjiza ne makumbicilo genyu go kufusiza wuvumba, noyigumila ne mivimba yenyu, mucanyha ye vihwani vyenyu vye milungu, vyono vigwiye hasi, no mutima wangu womusulenyi.

Zabuli 78:58

Wamukalaza Mulungu, mu wuhemba milungu yinji mu wuhembi wawo, holeka wamunoza Mulungu yawe, no wivu ku soko ye makumbicilo ge milungu yawo, ye vihwani.

Yelemiya 20:5

Kanyhi nowaleka i walugu wawo, waze wayisole ne sawo yose ya mwi'kaya lili, wavisole ne vinhu vyayo vyose, hamonga ne viwutwa vye watemi wose wa Yuda, wavitegule ku Babiloni.

Zefaniya 1:13

U wugoli wawo wolosolwa, ne zikaya zawo zolohodangwa. Hamba si wolosumila lukulu kanyhi, kwikala mu zikaya zawo zono wakuzenga, hamba kung'wa divayi mu wulawa mu migunda yawo ye zabibu yono walimile.”

Yelemiya 21:13

Nagwe Yelusalemi, mono wikaye wijeye hacanyha ye malolo, mono wihwanile nhe litalawe lyono lilawiliciye mu yisi yo wuhihi. Agwe mono wukwiyitya, nha vyono hasina munhu wo wose mono kokuhoma, hamba kugakumula magomawakali gako.

Ezekiyeli 23:46

Azi kanyhi zo yakulonga u Muwaha Mulungu yakutya, “Langa, ta, nane noleta lipuga lye wanhu, waze wawahungucile, no kuwaboka vinhu vyawo.