Yelemiya 16:5 - Luganuzi Luswanu Kuli Wanhu Wose 2002

⁵ “Nagwe, yikunojeye wulecele lukulu kwinjila mu kaya yo yose yono yina cililo. Kanyhi nagwe wulece kumulilila hamba munhu monga. Nane hamba si nowamotya wanhu wangu no mulamu yaye, hamba si nowalajila zo wendo wangu, hamba si nowawonela lusungu yaye.

Yelemiya 16:5 Referans Kwoze

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Wukumbucize wo Wulajilize 31:17

Na kolo zizi zikwijela, nane nowakolelwa likuwo, niwalece wongomele. Ne magazo menji go wizine gowaziza, nawo baho ho wolomanya vyono gago gose gakuwejelela, vyono ane no Muwaha Mulungu wawo, si nili hamonga nawo kanyhi.

Wugubule 6:4

Nane nali neza kulanga, kumbe kanyhi hakawa na fwalasi yinji ndunghu baho. Nayo mono yali yali mucanyha yayo, yakapegwa vilungo vyo kuleta wulugu mono'nze, wanhu wewulaje, kanyhi yakapegwa no mumaje muwaha muno.

Zakaliya 8:10

Na mbeka hono zizi zali zikali nejela, hasina yunji mono yasuma kumuhumbiliza muyagwe hamba mutugo, kanyhi hali hasina mono yali yena mulamu kuli walugu wakwe. Vyono ane nghawaleka ho wagombane munhu na muyagwe.

Zabuli 25:6

Gwe go Muwaha Mulungu, wukumbucile zo wuwaha wo wuswanu wako, wulukumbucilaje no lusungu lwako, hambi nha vikalaga cibitilila na cibitilila.

Yelemiya 12:12

Ne wanhu wakulawa mu yisi yose yono yili mu matunda, mu nyika, wakuza kuyiteka yisi yangu. Holeka nane luno, nayiletela wulugu wuyongomeze yisi yose. Na howa hasina hamba monga mono kokwikala yapolile.

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Yelemiya 16:13

Ku soko yiyo, nane nomuwusenyi mono yisi yiyi, nimutegulenyi ku yisi yono anye si muyimanyile yaye, yono ne walezi wenyu wali si wayimanyile ng'o. Nanye kuko, molowa kuyitumamila i milungu yinji misi ne cilo, nane hamba si nolomuwonelenyi lusungu ng'o.’ ”

I Cililo 3:17

Nane lu nakondya no kuvisemwa na vyono vinha, u wumoteswe, no mulamu, hamonga no wusangalale.