Yelemiya 16:4 - Luganuzi Luswanu Kuli Wanhu Wose 2002

⁴ Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Yelemiya 16:4 Referans Kwoze

Yelemiya 25:33

Na mwi'zuwa lilyo, i miwili ya wono wolowulagwa no Muwaha Mulungu, yolowa yiyagaye caka ku wulawilila ku mhelo ayino ye 'nze, sunga ko ku mhelo nzagwe. Na holowa hasina munhu wo wose mono kolowalilila, hamba si wolowuswa baho hono wowa wagwiye no kuzikwa yaye. Langa wolowa walabalaye baho hasi du, nhe malundo ge mboleya.

Zabuli 83:10

wono wawongomeza ku Endoli, sunga ne miwili yawo yikawa mboleya ya yisi.

Yelemiya 9:22

Nalu, i mivimba yokwiyagala caka hanhu hose yihwane nhe malundo ge mboleya yono yili mu migunda. Hamba maso go wuhemba gono gadudulwa, hanyuma kanyhi gawa kulekwa no mududuzi gagwiye hasi. I maso gono gowa gasina mono yakugalundika hamonga. Ale, zizi zo Muwaha Mulungu kanhuma nimulonjelenyi.”

Zefaniya 1:17

Muwaha Mulungu yakutya, “Ane noleta wugaye muli wanhu, ne wanhu wose wowa kujenda nha wali cibofu. Hambi nha wose wasutizye kuli'ne. Holeka sakami yawo yokwitika nha malenga, ne mivimba ye miwili yawo yolowa minji mu'si.”

Yelemiya 34:20

Ane nowatajila mu miwoko ye walugu wawo, wono wakuwalondola wawawulaje. Ne mivimba yawo yololigwa ne zindeje, ne malimu ga mu mbago.

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

Isaya 18:6

Ne mivimba ye wasilikale wawo, yolekwa yiligwe ne zindeje hamonga ne malimu ga mu mbago. Mwi'pango lye cibahu, zindeje zowalya, na mu cipango ce cifuku woligwa ne malimu.”

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Yelemiya 44:27

Nane nolanjilila ta, hono motuga wumoteswe. Ninga hamba si momoteswa ng'o, langa mokongomezwa wose du. Wose molofwa du, wanji wolofwa ko wulugu, na wanji wolofwa so nzala, hasina hamba monga wa muli'nye, mono kolosigala yaye.

Yelemiya 36:30

Ale nane luno, ane no Muwaha Mulungu, nghukulonjela nha vyono, agwe mutemi Yehoyakimu, holowa hasina kanyhi hamba monga wa muli wanago, mono kolotema mu wutemi wa Dawudi. Sunga no muvimba wako, si wolozikwa yaye, langa wolotagwa du mwi'hala caka wutowe ne lizuwa, mwi'pango lye misi, na mu cilo namo, wuputwe ne mbeho nghali.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Isaya 5:25

Alu u Muwaha Mulungu, yakondya kuwakolelwa likuwo wanhu, wakwe, nalu yagoloye muwoko wakwe ho yawalipicize. Matunda golosinjisika, ne miwili ya wono wafwiye, yololekwa yipinile mu zinzila nha takataka. Ninga hamba nhavivyo, i likuwo lyo Muwaha Mulungu, hamba si lyolomalika yaye, u muwoko wakwe vyo wowa wugoloywe du, ho yajendelele kulavya wulipicizwe.

Zabuli 78:64

I wakohani wawo nawo, wakawulagwa wose, ne i wacekulu zawo, si wakombolwa ho wawalilile yaye.

2 Watemi 9:10

Nayo Yezebeli, u muwili wakwe si wozikwa yaye, langa woligwa du ne zimbwa mu yisi ya Yezeleli.’ ” Nayo muwizi we cizelelo, yali yeza kukondya kuzilonga zizo, hodu yakawuka lwa kamonga mu cinyumba, yakatiza.

Yelemiya 44:12

Awo nawo i wanhu wa Yuda, wono wasigaye, wono nawo wejelela, wakawa kubita kwikala mu yisi ya Misili, nane nolanjilila sunga niwongomeze wose. Nawo wose, i wawaha ne wadodo wofwila wose kuko du ku Misili, wofwa so nzala, hamba wofwila mu wulugu. Nawo wolowa cinhu ca kogofya muno, sunga ne wanhu wololitumamila litagwa lyawo nha wulijitwe ne cevu.

Wukumbucize wo Wulajilize 28:26

Na kolo mweza kufwa, zindeje hamonga ne zinimu za mu mbago, zokuza zilye miwili yenyu. Na howa hasina hamba munhu mono koziwinga yaye.

Yelemiya 19:7

Ne hanhu bahano, ho nologewajiziza i mahweso ge wanhu wa Yuda, hamonga ne wanyawusi wa Yelusalemi. Nolowaleta i walugu wawo, waze wawasume, no kuwawulajila ku wulugu. Ne mivimba yawo, nolozipela zindeje ziyilye, hamonga ne malimu ga mu mbago.

I Cililo 4:9

Na wono wafwila mu wulugu nha wali ciba, si nha wono wakafwa munyuma yayo, wono wafwizaga mhola mhola so nzala, wono wali wasina ndigwa yo kulya.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Wukumbucize wo Wulajilize 28:22

Muwaha Mulungu komutowenyi ne matamwa go kwileceza, hamonga ne mapu, ne mhungo. Kanyhi komuletelenyi cibahu ciwaha muno, hamonga ne libeho yiwaha lyono lyohodanga vilimwa vyenyu vyose. Ne magazo gago gomutyatililenyi du sunga, kolo wose mwafwila lukulu.

Yelemiya 21:6

Nane nowawulaga wose wono wekaye mumo mwi'kaya, i wanhu, hamonga ne zimitugo, vyose vyofwa ko wutamwa wubi muno.