Yelemiya 16:12 - Luganuzi Luswanu Kuli Wanhu Wose 2002

¹² Anye nanye luno mwetuma vibi muno kuciza ne walezi wenyu. Nanye wose, mweza musina hamba cihuliko, kanyhi mweza muli wanhu wabi muno, hamba si mukusaka kuwa na cihuliko kuli'ne yaye.

Yelemiya 16:12 Referans Kwoze

Yelemiya 13:10

Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Yelemiya 9:14

Wakawa wajendeleye ne lizeze lyawo du lyo kuhemba vihwani vya Baali, na vyono wafundwa ne wasogo zawo.

Muganuzi 9:3

Nayo ayi yo nghani yono 'mbi muno muli zose zono zili mononze, vyono, wose wena mudumo monga du. Kanyhi na vyono wanhu mu mikalile yawo yose, wekalaga wamemile wavu no wulele mu zinhumbula zawo, na hanyuma yayo wawa kufwa.

Maluko 7:21

Hambi mugati, mu zinhumbula ze wanhu nha mo galawaga mahweso mabi, gono gakuleta wusenyha, wuhizi, wuwulaji,

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

1 Samwili 15:23

Hambi u wula cihuliko kuli mwene, nha nghani 'mbi muno muno, yihwanile no wubi wo wuhawi. Na yo wuhemba vihwani, nayo yo nghani 'mbi muno muno yihwanile no wubi wo wusenyha. Holeka agwe lu vyono wakondya kulibedegala lilajilizo lyo Muwaha Mulungu, ale, nayo kakondya kukulema wulece kujendelela kuwa mutemi.”

Walamuzi 2:19

Ninga lono mulongola yakufwa du, hodu nawo walekaga kumwitumamila Muwaha Mulungu no kuziwuyila kanyhi zinzila ze katali. No kwituma u wubi wono walajila mu vipango vivyo, vyono wali wucizize muno kuciza na wo lulelo lono lupulute. Wayihembaga no kuyitumamila milungu yinji. Wakajendelela du ne metumo gawo mabi.

Wahebelaniya 3:12

Holeka wandugu zangu, mwilanjililaje, halece kuwa na yunji muli nyenye, mono yena i nhumbula yimbi nhavivyo, mono si yehuwiye no kumuleka u Mulungu mumi.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

Wukumbucize wo Wulajilize 29:19

Kanyhi mulanjilile, halece kuwa na yunji wa muli nyenye zuwali, mono yakuzihulika zizi zo wilahize na vyono yikusakwa, kanyhi mwene ho yezivye, no kwihwesa vyono hamba yalece kuzityatya, zose zomuwela swanu du, hanyuma mwene yawe kubita na zakwe. Mumanye vyono nghani yiyo, yomongomezenyi nyenye wose i wabi ne waswanu.

Wukumbucize wo Wulajilize 9:27

Kanyhi nghukulomba wuwakumbucilaje i wetumami wako, Abulahamu, na Isaka na Yakobo. Holeka go Muwaha Mulungu, wulece kuwulanga wubedegazi wawo, no wubi wawo ne masutya ge wanhu wawa.

Mwamulizo 8:21

Ne mhunjile swanu ye vilavywa vivyo, yikamwendeza muno u Muwaha Mulungu, nayo Muwaha Mulungu yakatya mu nhumbula yakwe, “Hodu, hamba si nilayihodanjila lukulu yinze kanyhi, ku soko yo munhu, hambi nha nakondya kumanya vyono i mahweso go munhu, nha mabi du ku wulawa wudodo wakwe. Hamba si novyongomezeza lukulu kanyhi i viwumbwa vyose, nha vyono nozize.

Mwamulizo 6:5

Nayo u Muwaha Mulungu, yaza kuwuwona u wubi we wanhu mono'nze, na vyono i lihala lye mahweso ga mu zinhumbula zawo, likalaga yibi du nhondo zose,

Yelemiya 18:12

Ninga wene wokupitula watye nhavi, ‘Aa, ng'o! Ase calema! Langa 'se, cojendelela du kugatyatya mahweso getu co weneco, no kwituma munhu no wuhile wakwe mweneco, nha vyono yakusaka mu nhumbula yakwe.’ ”

I Cililo 5:7

Walezi wetu, heya wasutya, ninga aluno wakondya kufwa, ninga ase luno, ceza kugaya ku soko yo wubi wawo.

Ezekiyeli 20:30

Holeka luno, wuwalonjele Waisilayeli zono nghulonga ane nene Muwaha Mulungu, nghutya, alu nhawulenyi nanye mukwituma u wubi wuwulya du, wono sunga ne walezi wenyu wetumaga, no kuvihemba vihwani vyawo?

Amosi 2:4

Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

Malaki 3:7

Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’

Yelemiya 22:28

Nane nghatya, “Alo mutemi yuyu Yehoyakimu, yehwana njilo ye malenga yono yakondya kutulika, yakondya kutagwa kunze, hambi nha yeza yisina cambuzi lo? Hamba yiyi yo soko yono yikaleka mwene, hamonga ne wanagwe wose, wakahamywa, wakategulwa ku yisi yono si wayimanyile yaye lo?”