Yelemiya 15:3 - Luganuzi Luswanu Kuli Wanhu Wose 2002

³ Nane no Muwaha Mulungu, nakondya kudumula nghani, nha vyono zizo nghani mbaha yine, zo zowagana. Wowulagwa no wulugu, ne miwili yawo yokwegwa ne mabwa, ne zindeje zoyilya, i malimu ga mu mbago, nago golya cono cowa cikali cisigaye.

Yelemiya 15:3 Referans Kwoze

Wukumbucize wo Wulajilize 28:26

Na kolo mweza kufwa, zindeje hamonga ne zinimu za mu mbago, zokuza zilye miwili yenyu. Na howa hasina hamba munhu mono koziwinga yaye.

Walawi 26:22

Noleta malimu makali muli'nye, nago gowawulaga i wana wenyu, gohodanga ne mitugo zenyu, no kumusigazenyi muli wacefu, ne zinzila zenyu zowa zisina munya kuzitumamila.

Walawi 26:16

Mbeka molipicizwa. Ane noleta wongomezwe muli'nye. Noleta matamwa gono gasina miti, gono si gosumika no kuwulagulwe, hamonga ne mapungo gono gomunozenyi mubofule, no kumuwulajenyi. Kanyhi mohadika zimbeyu, ninga hamba si mokwambulila cinji, hambi walugu wenyu nha womusumizenyi, no kulya vyose vyono mwali mwalima.

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lya mono yali yali mucanyha yayo, yacemwaga Wufwe, no Wuninyina vityatizye nayo. Ale, wawo wakapegwa vilungo mu lobo monga ye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mono'nze.

Ezekiyeli 14:21

Na zino, zo Muwaha Mulungu yakulonga yakutya, “Noloyiletela Yelusalemi ndipiciza zangu yine, zinzito muno. Yinongozi, wulugu, ye kejete, nzala, ye kadatu, malimu makali ga mu mbago, na ye kane, litamwa, vize viwongomeze wanhu hamonga ne mitugo yose.

Walawi 26:25

Nane noleta wulugu muli'nye, ho nimulipicizenyi so wubena cilagane wenyu. Na kolo mukwikongholela mu makaya genyu, ho mutuje mulamu, nane noleta matamwa gono gasina miti, gono si gosumika na ku wulagulwe yaye. Nanye baho ho modindimizizwa mwikombole kuli walugu wenyu.

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

Isaya 18:6

Ne mivimba ye wasilikale wawo, yolekwa yiligwe ne zindeje hamonga ne malimu ga mu mbago. Mwi'pango lye cibahu, zindeje zowalya, na mu cipango ce cifuku woligwa ne malimu.”

Zabuli 68:23

Agwe ho wusume kukola mu zisakami zawo, sunga ne mabwa nago gayinamhe nha vyono gosuma.”

Yelemiya 12:9

Nalu i wanhu wangu, luno wehwana nhe ndeje, yono yipilimwe ne zindeje zinghali mbavu zose, zono zikucemeleza i malimu gose ga mu mbago, gaze vihanje kulya sikukuu yiyo!

Yelemiya 14:16

Ne wanhu wose wono wali kulonjelwa zizo, nawo wowulajilwa mu nzila yiyo du. Ne mivimba yawo yogumilwa caka caka mu zinzila za mwi'kaya lya Yelusalemi. Na holowa hasina munhu wo wose mono koloyizika i mivimba yiyo. Ne nghani yiyi, yolowaziza wene wose, hamonga ne wagolece zawo, ne wana wawo we cilume na we cicekulu. Nane nolowalipiciza mu nghango ye metumo gawo mabi vyono genha.”

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

I Cililo 3:11

Kanghundujiziza ha mhelo ye nzila, kanhemasha nha nili nyama, kawa kundeka baho.

Ezekiyeli 33:27

“Ninga wuwalonjelaje nha vyono, ane no Muwaha Mulungu, mono nili Mulungu mumi, nghuwasugula nha vyono mbeka, i wanhu wose wono wekaye mu matongo ge makaya gose, wose wowulagwa. Nawo wono wekaye mwi'hala, wololigwa ne zinimu za mu mbago. Nawo wono wehundice mu matunda na mu mapango, wolowulagwa ne matamwa.

Amosi 5:19

Yolowa nha munhu mono yakumangha yakutiza simba, no kwitang'anila ne dubu! Hamba yolowa nha munhu mono yakwinjila mukaya, no kwegamika muwoko mwijinji, nzoka yiwa muluma!

Wukumbucize wo Wulajilize 32:24

Nawo wofwa ku soko ye nzala ne mhungo, wofwa ku soko ye matamwa mabi. Noleta malimu ga mu mbago gawahawanje, ne mazoka gono gena sumu, gawalumanje.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”