Yelemiya 15:1 - Luganuzi Luswanu Kuli Wanhu Wose 2002

¹ Hanyuma u Muwaha Mulungu yakanonjela yakatya nhavi, “Gwe Yelemiya, hamba yali yaze Musa na Samwili, wawe wemile bahano izuwali, wakuneneleza 'ne, nane hamba si nali niwawonele lusungu wanhu wawa ng'o. Holeka wuwawuse wabite, wawuce ha meso gangu.

Yelemiya 15:1 Referans Kwoze

Ezekiyeli 14:14

Hamba i wanhu wawa wadatu nha cinji Noha, Danyeli, na Jobu, wali wawe wakali wekaye baho, u wuswanu wawo si wali wutaze cinji co cose, langa wuswanu wawo wali wuwaponye wumi wawo weneco du. Vyo yakutya u Muwaha Mulungu.

Yelemiya 14:11

U Muwaha Mulungu, yakanonjela yakatya nhavi, “Alu, wulece kuwalombela kuli'ne wanhu wawa, ho niwaponye.

Yelemiya 11:14

Holeka ku soko yiyo, 'gwe Yelemiya, wulece kuwalombela wanhu wawa kuli'ne, hamba kuneneleza 'ne ku soko yawo. Hambi lono wali mu magayo, na kolo wakundilila ho niwapele wutazi, nane si nowahuliciza hamba hadodo ng'o.”

Zabuli 106:23

Mulungu nayo yakasaka yawongomeze, ninga Musa, muhagulwa wakwe, yakema hagati yakalimila likuwo lyo Mulungu, ho yalece kuwongomeza.

Zabuli 99:6

Nawo Musa na Haluni wo wali wakohani wakwe, nayo Samwili yali yali mu mhuga, ya wono wamulililaga Muwaha Mulungu, nayo yakacihulika cililo cawo.

1 Samwili 12:23

Ninga ane ku lubavu lwangu, nghulomba ndece kumusutizya Muwaha Mulungu so wuleka kumulombelenyi. Ninga nomwijizenyi ziswanu zose na ze ling'ani, zono ziwanojeye mwitume.

2 Watemi 17:20

Muwaha Mulungu yakawa kuwaleka Waisilayeli, yakawalipiciza, yakawaleka wasolwe ne walugu wono wowatajila mu magayo, na hanyuma yakawa kuwawusiza lukulu ha meso gakwe.

1 Samwili 7:9

Nayo Samwili yakasola nyana ye ngholo ndodo, yakayiwulaga, yakawa kuyilavya yikumbiko yinyanye kuli Muwaha Mulungu. Hanyuma ho yakawa kumulomba Muwaha Mulungu, yawapele wutazi Waisilayeli. Nayo Muwaha Mulungu yakawubocela wulombe wakwe.

Yelemiya 52:3

Nayo u Muwaha Mulungu, yakawakolelwa muno likuwo i wanhu wa Yelusalemi na Yuda, hobaho yakawa kuwawusa walece kuwa ha mwande ye meso gakwe. Zedekiya yakalemela lukulu kumuhulika Nebukadineza u mutemi wa Babiloni.

Yelemiya 23:39

vyono, ane nowasemwela lukulu, niwagumile kutali muno muno, i wanhu weneco, hamonga ne likaya lyono nali nawapela, hamonga ne walezi wawo.

Yelemiya 18:20

Alo 'mbi u wuswanu, wukuwa kulipwa i zimbi? Hambi nha wakondya kuhimbila likombo, ane ho ngwile mumo. Ninga wukumbucile nha vyono, nakuziza nghalongana nagwe ku soko ya wene, nghukunena, nha vyono wulece kuwatendela mwi'kuwo lyako.

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Zimbazi 14:35

I watemi nawo, wendezwaga ne wetumami wono wakwituma no wizuce. Ninga wakuwa kuwalipiciza wono milimo yikuwafutila.

Wahebelaniya 9:24

Hambi Kilisito nha si yenjila i hanhu Hono Helile hono hazenjigwe ne miwoko ye wanhu, hono henha hwani du ya acilya ce mbeka. Langa u Mwene yenjila ku wulanga du kweneco kono aluno yemile hali u Mulungu ku soko yetu.

Yelemiya 35:19

Holeka luno, ane nane no Muwaha Mulungu, u Mudaha vyose, u Mulungu wa Isilayeli, ku soko yiyo, nghwihuwiza nha vyono Yonadabu u mwana wa Lekabu, vilo vyose kowa na mwana mu mhuga yakwe, mono kowa kunyitumamila.”

Walamuzi 5:9

Mutima wangu wukawa homanga ne walongola wo wulugu wa muli Waisilayeli. Hamonga na wono welavya weneco kwe mitima yawo so wanhu. Muwaha Mulungu yalumbwe!

Mwamulizo 19:27

Hakali mitondo muno muno, Abulahamu yakabita hanhu hono vyaduwana no Mulungu.

Zakaliya 3:3

Ale, Yoshuwa yali yemile baho ha mwande ya malayika yavwalile myenda yono yitipiye.

Wukumbucize wo Wulajilize 9:26

Nane nghawa kulomba nghatya, ‘Gwe go Muwaha Mulungu, wulece kuwongomeza wanhu wako, i wanhu wono wawaponya no kuwawusa ku yisi ya Misili kwe vilungo viwaha, na ko wusume wuwaha.

1 Samwili 12:19

Nawo wakamulonjela Samwili, wakatya, “Gwe Samwili, dedede, wumulombe Muwaha Mulungu, u Mulungu wako, ase cilece kufwa. Alu langa ho cakondya kumanya vyono, hamonga no wubi wose wono cetuma, ninga wubi wuwaha wono cetuma, vyono casaka cipegwe mutemi.”

Yelemiya 9:19

Ale, ta muhulicize cililo cono cikulawa ku Sayuni cono wakutya, “Alu langa congomela! Cakozwa cevu muno muno! Nalu yicinojeye ciyilece yisi yetu hambi zikaya zetu nha zamwagulwanga.”

Yelemiya 10:18

Hambi u Muwaha Mulungu, nha yakuza yamuwusenyi mu muno mono yisi yiyi, yamugumilenyi kutali, komutajilenyi mu magayo mawaha, hamba holowa hasina kanyhi yunji mono kolosigala mu yisi yiyi. Vyo yakutya u Muwaha Mulungu.

Yelemiya 16:5

“Nagwe, yikunojeye wulecele lukulu kwinjila mu kaya yo yose yono yina cililo. Kanyhi nagwe wulece kumulilila hamba munhu monga. Nane hamba si nowamotya wanhu wangu no mulamu yaye, hamba si nowalajila zo wendo wangu, hamba si nowawonela lusungu yaye.

Yelemiya 16:13

Ku soko yiyo, nane nomuwusenyi mono yisi yiyi, nimutegulenyi ku yisi yono anye si muyimanyile yaye, yono ne walezi wenyu wali si wayimanyile ng'o. Nanye kuko, molowa kuyitumamila i milungu yinji misi ne cilo, nane hamba si nolomuwonelenyi lusungu ng'o.’ ”

Yelemiya 22:28

Nane nghatya, “Alo mutemi yuyu Yehoyakimu, yehwana njilo ye malenga yono yakondya kutulika, yakondya kutagwa kunze, hambi nha yeza yisina cambuzi lo? Hamba yiyi yo soko yono yikaleka mwene, hamonga ne wanagwe wose, wakahamywa, wakategulwa ku yisi yono si wayimanyile yaye lo?”

Ezekiyeli 22:30

Nane nghalanga-langa, ho nhuje munhu muli wene mono kosuma kulizenga lijinji, na mono kosuma kwima i hanhu hono majinji gamwaguce, ho yasume kuyitaza yisi, lono nane neza kuyongomeza yisi kwe likuwo lyangu. Ninga si namutuga yaye hamba monga.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Hoseya 9:15

Muwaha Mulungu yakutya, “Metumo gawo gose mabi, ganziza ku Giligali. Baho nane ho nanziza kuwasula. Na ku soko yo wubi wono wetuma, nane nowawusa mu'si yangu. Hamba sinowenda kanyhi yaye. Hambi nha sunga ne walongola wawo wose, wakondya kumbedegala.