Yelemiya 14:2 - Luganuzi Luswanu Kuli Wanhu Wose 2002

² “Alu Yuda yeza yili mu cililo, hambi i makaya gayo nha geza kufwa, ne wanhu wayo, wagonile hasi du so wukalale, nayo Yelusalemi, yikulilila wutazi.

Yelemiya 14:2 Referans Kwoze

Isaya 3:26

Nayo milango ye likaya, yokalala no kulila. Ne likaya lyokwihwana no mucekulu mulekwa mono yekaye hasi mu manghundi.

Yelemiya 8:21

Mbeka, ane Yelemiya, nhumbula yangu yikuzizidika muno, ku soko ye wanhu wangu wono wena wusungu mu zinhumbula zawo. Nane nghulila, no wucelewale wunyibate muno.

1 Samwili 5:12

Hambi nha sunga na wose wono si wafwa, wakatowa ne mapu. Ne wanhu wose wakawa wakulila, wakuyililila milungu yawo wakulondola wutazi.

Zakaliya 7:13

Alu vyono siwahuliciza zangu, holeka nane sinawapitula no wulombe wawo.

Yelemiya 11:11

Holeka sunga nalu, ane no Muwaha Mulungu, nghali kuwasugula du, nha vyono nowaletela wongomele wuwaha muno, wono si wosuma hamba kuwilega yaye. Nawo kolo wakundilila wakusaka wutazi, nane hamba si nowahuliciza yaye.

Yoweli 2:6

Na vyono zikucila kusejelela behi, wusu we wanhu wose wukusininghala so woga.

Yoweli 1:10

Hambi migunda nha yeza yisina cinji. Yisi nayo, yikulila ku soko wuhemba nha wahodangwa, sunga ne divayi yawula, ne mafuta geza sigakwijela.

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

I Cililo 5:10

Ne nzala nayo yacinoza zinghuli zetu zawawuka ne zimhungo, sunga ne miwili yetu nayo, yeza yili moto kotya mafigwa.

I Cililo 2:9

Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

Yelemiya 18:22

Wuwategulile ciwumbi ca wanhu, wakazitece zikaya zawo nhinicizo. Wuwalece walile muno ko woga wuwaha, hambi nha wakondya kuhimbila likombo, ane ho ngwile mumo, kanyhi wanhejile no mutego ho wangwize.

Yelemiya 12:4

Alo yisi yetu yijendelele kuwa yinyalile, hamonga ne mahanze ga mu mawimbi gose sunga nili lo? Sunga nalu, i vilimu, hamonga ne zindeje zose nha zakondya kongomezwa, ku soko yo wubi we wanhu wetu, i wanhu wono watezaga “Hambi u Mulungu nha si yakuziwona yaye zono citumaga.”

Yelemiya 4:28

Yisi yololila, no wulanga wolotukuwala U Muwaha Mulungu vyo yakutya. Nayo hamba si kolowukawaniziza lukulu u wuhile wakwe. Mwene vyono yakondya kuzilonga, hodu yazilonga du, hamba si kokawaniza kanyhi wulonje wakwe.

Isaya 33:9

Alu yisi yakondya kulekwa, nayo yikusocela. Ne mbago mbaha ya Lebanoni, yanyala. Sunga ne lilolo lya Shaloni lyo moso mwinji, nalyo lyeza nha nyika. Namo mu Bashani na mwi'tunda lya Kalimeli, nhondo ne mahamha geza kukung'unhika mu mabici gayo.

Isaya 24:7

Ne migunda ye mizabibu yeza kunyala, ne divayi nayo yikuwa nyhefu. Ne wanhu wose wono wali wasangalaye alu wasina nyemo kanyhi.

Isaya 24:4

Yinze yikukalala no kunyala, ne yinze yose yikutimba, yinze hamonga no wulanga, vyose vikusakala.

Isaya 15:5

Nane nhumbula yangu yikuyikalalila muno Mowabu! Hambi wanhu wayo nha wakondya kutiziza ku cikaya ca Zowali, na ku Egilati-shelishiya. Wanji watiziza ku Luhiti, akuno wakujenda wakulila. Wanji watiziza ku Holonayimu wakulila wazozize.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Jobu 34:28

Wakuwanoza waciwa sunga wamulilile Mulungu nayo Mulungu yakucihulika cililo cawo co kulondola wutazi.

1 Samwili 9:16

“I mitondo, mu mapango gono genha gaga, ane nokuletela munhu yakulawa mu mulango wa Benyamini, holeka nhondo mwitile mafuta munhu yuyo, yawe mutemi muli wanhu wangu Waisilayeli. Mwene yo kowaponya mu miwoko ye Wafilisiti. Hambi nha nakondya kuwuwona wugaye we wanhu wangu. Kanyhi nakondya kucihulika ne cililo cawo, vyono wakusaka wutazi.”

Wutuluce 2:24

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo.

Zabuli 144:14

Nazo zing'ombe zetu, zeze zina miwili miswanu. Kanyhi zili vilungo, ho zilele viswanu, kanyhi halece kuwa na cililo, co wugazwe mu wikalo wetu.

Isaya 24:11

Ne wanhu nawo wakulila mu zinzila, vyono heza hasina kanyhi divayi. Ne nyemo yawo yawucila lukulu, no wusangalale wakondya kuwuswa mu'si.

Yelemiya 12:11

Wayinoza yawa mbago, nalu yawa wambuce du hali'ne. Ne yisi yose yakondya kuwa nyika na hasina hamba yunji mono yakuyitondowoza yaye.

Yelemiya 46:12

Nago makungugo nha gazihulika ze cevu cenyu, ne wanhu wose wakondya kuhulika vyono mukulila. Ne wasilikale wakwikobaza munhu na muyagwe, nawo wawa kugwizana hasi wose.

I Cililo 2:8

Muwaha Mulungu yali yasimbiliye, vyono majinji ga Sayuni ganojeye gakumulangwe du. Yakamula kuwalanga, ho yawaletele wuhodanjice wono wuwakwiliye. Majinji hamonga ne minala yayo, vyose vigwiye, nalu gawa matongo.

Hagayi 1:11

Nane nghayimila mvula yilece kutonya mu yisi, na mu matunda gayo, na mu migunda yo wuhemba, na mu migunda ye zabibu, na mu migunda ye mibici yono yilelaga mikalo, muli vilimwa vyose vyono yisi yilavyaga, na muli wanhu, ne zinimu, na muli vyose vyono mukuhila kuviwilusa.”

Yoweli 1:11

Ale, mukolwe cevu anye nyo walima migunda, nanye nyo walindilizi we migunda ye mizabibu, mulile ku soko yo wuhemba ne shayili, heya, hambi vilimwa vyose nha vyahodangwa.

Yoweli 1:14

Mwiyezeze mu nzila yo wuleka kulya, mucemeleze wanhu waze ku wuhembi, muwakongholaje walongola, hamonga ne wanhu wose we yisi ya Yuda, wenjile mu Nyumba yo Muwaha Mulungu wenyu, mumulilile Mulungu.