Yelemiya 13:16 - Luganuzi Luswanu Kuli Wanhu Wose 2002

¹⁶ Mogopenyi u Muwaha Mulungu, u Mulungu wenyu, lono yakali si naleta wutitu, wono wosuma kumwambuzenyi mwikobale mu matunda, mu madaha go wutitu, ne madaha gono mukulanjilila wuzelu, u wuzelu wono mwali muwitumbiye.

Yelemiya 13:16 Referans Kwoze

Isaya 59:9

Nawo wanhu wakupitula wakutya, “Alu nhondo camanya, kumbe yo soko yono yikuleka Mulungu nayo si yakuciponya nase kuli wanhu wono wakuciwonela. Nase citumbiye wuzelu ho cisume kujenda viswanu, ninga luno nha kutitu tuku du,

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Isaya 60:2

I makungugo ganji gogubikwa no wutitu, ninga agwe, u wuzelu wo Muwaha Mulungu wokubulilila, ne nhojo yakwe yowa muli'gwe.

Isaya 5:30

Ne lizuwa lilyo, kolo lyeza kuza, wolowakolomela Waisilayeli, nhe malenga ge lilenga vyono gabulaga. Na yunji hono yayilanje yisi, na langata, kolowona citi ne magayo! Wuzelu wakondya kumelwa no wutitu.

Zimbazi 4:19

Ninga nzila ye wanhu wabi, yina wutitu, yihwanile cilo. Nawo wakwikobaza hamba kumanya cono ciwakobaze yaye.

Yoshuwa 7:19

Yoshuwa yakamutya Akani, “Mwanangu Akani, wulonje ze mbeka lu hali Muwaha Mulungu, u Mulungu we Waisilayeli, kanyhi wunene wubi wuwo. Wunonjelaje lu ta cono witumile. Wulece kuhundicila 'ne nghani hamba monga.”

Yelemiya 23:12

Holeka ku soko ya zizo, zinzila zawo zono wakolile, zolowa na cinhelezi hamonga ne citi. Nane nolowanoza wekobale, wagwe, nowaletela magazo mawaha, ne lizuwa lyo wulipicizwe wawo nha likuza. Vyo nghutya ane no Muwaha Mulungu.

Yelemiya 4:23

Nane nali neza kuyilanga yisi, nghayiwona yina wambuce du, nako ku wulanga kwali kusina wuzelu.

Zabuli 44:19

Ninga hamba nhavivyo, wacileka cisina wutazi wo wose, mu malimu ga mu mbago, wacileka muciligati ye citi ciwaha.

1 Samwili 6:5

Ale, munoze vihwani vye mapu genyu, ne vihwani vye magule genyu, vyono vihodangaga yisi yenyu. Kanyhi mumupele Muwaha Mulungu we Waisilayeli cogopo. Holeka lunji nayo koleka kumulipicizenyi nyenye, ne milungu yenyu hamonga ne yisi yenyu.

Wutuluce 10:21

Muwaha Mulungu yakamulonjela Musa kanyhi yakatya, “Alu, wugolole muwoko wako kucanyha, naco citi cokuza, coyigubika yisi yose ya Misili.”

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, litalawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa ku wulawa mwamulizo.

Yohana 12:35

Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi. Ku soko mono yakujenda mu citi, si yamanyile na kono yakubita.

I Cililo 4:17

Nase cikalanjilila, lunji cotuga wutazi, ninga calanjilila sunga cikakatala, hamba kuwutuga yaye. Cikajela kanyhi kulindila, lunji cotuga wutazi ku wulawa mwi'kungugo linji, ninga hamba si cawutuga yaye.

Yelemiya 14:19

Gwe go Muwaha Mulungu, alu mwene hodu wamulemela lukulu Yuda? Alo wawasulila lukulu i wanhu wa ku Sayuni lo? Alu nha wacisuliliza muno, sunga ceza si cikusuma hamba no kuponywa yaye? Ase cali cilanjiliye kutuga mulamu, ninga hamba kuziwona ziswanu yaye. Cali citumbiye nha vyono coponywa, ninga cikatuga wogofywe wuwaha muno.

Yelemiya 8:15

Hambi ase nha calanjililaga mulamu, ne madaha go kuponywa, ninga ziswanu hamba si zejela yaye, langa wogofywe wo wukacila muno.

Muganuzi 11:8

Holeka, munhu hono yawe yena myaka minji yo wikale wakwe, yimunojeye yayisangalalile myaka yiyo yose, akuno yakukumbucila vyono, i vilo vibi, navyo vinji nhavivyo, na kanyhi, vyono zose zono zokwijela zowa za bwete du.

Jobu 3:5

Wulinoze lizuwa lilyo wuwe wutitu, liwe wutitu tuku. Wuligubice ne mavunde, lizuwa lilece kulimulika.

Zabuli 107:10

Wanji wakekala mu cinyhiwa na mu wutitu, akuno wawopwe ne magazo hamonga ne manyolo,

Zabuli 107:14

Yakawawusa mu cinyhiwa no wutitu, yakagabenanjiza ne manyolo gawo.

Yelemiya 2:6

Hamba si wenda no kunyhelelela yaye, hamba yiwe yo nene mono nawaponya ku wulawa ku yisi ya Misili nghawatonga mu mbago, mu yisi ye nyika ne manhimbwisa, mu yisi nghavu, yono yina mbali mbaha. Yisi yono si yikalagwa na munhu wo wose hamba hasina munhu wo wose mono kolo kola mu yisi yiyo.

Yelemiya 6:21

Nane nowanoza wanhu wawa, wekobaze, wagwe. I wasogo zo munhu, ne wana wawo we cilume, ne weyendi wayawo, hamonga ne wekalani wayawo, wose wolo kongomezwa.”

Yelemiya 50:6

“I wanhu wangu wehwanile zingholo zono u mudimi wazo yazajiliza mu matunda. Nalu wakuyega-yega nhe zingholo, wakwitananhiza mu matunda, wakondya kusemwa no kwawo kwihi.

Ezekiyeli 21:15

Wo mumaje wono wowanoza i wanhu wangu wawule vilungo no kwikobala. Nane nghugogofya i makaya gawo so mumaje wono wukung'alala nhe muli, wono wuwikanizwe ho wuwulaje.

Ezekiyeli 34:12

Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha.

Ezekiyeli 36:15

Ne yisi si yolohuliciza kanyhi zo wusekwa ne makungugo, hamba kuwawona wanhu wakuyizwajiza kanyhi yisi yenyu. Ne yisi hamba si yolohizizwa kanyhi i wana wayo. Vyo nghutya ane no Muwaha Mulungu.’ ”

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Zabuli 29:2

Likumyenyi litagwa lyo Muwaha Mulungu, mumuhembe Muwaha Mulungu lono yakwilajila.

Isaya 59:10

nase luno ceza kutunduwajila nha we cibofu. Hamba mu misi mugati, ase vyo cikwikobala du nha kotya cilo, kotya nha cili mu citi ce yisi ye wafu.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Malaki 2:2

Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.