Yelemiya 13:11 - Luganuzi Luswanu Kuli Wanhu Wose 2002

¹¹ Ale, nha vyono kaputula yikamaga nzii mu ciwino, nane nali nitumbiye nha vyono i wanhu wose wa Isilayeli na Yuda, wowa wenamatiye nane hamba kundeka yaye. Nane nazinoza zizi, i wene ho wawe wanhu wangu, ho wasume kulikumya no kulipela lilumbo litagwa lyangu. Ninga wene si wakasaka kuhulika 'ne hamba nhavi.”

Yelemiya 13:11 Referans Kwoze

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

Isaya 43:21

Hambi wawa nha wo wanhu wono nenozeza nene no mweneco, nawo wowa kwimba zo lukumyo lwangu!”

Zabuli 81:11

“Ninga woyi hee! Wanhu wangu hamba si wasaka kuhulika 'ne, Isilayeli wakambedegala.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Yelemiya 32:20

Hambi i katali, nha wetuma metumo mawaha go wizine ku yisi ya Misili, ninga sunga nalu, vyo wukali wujendeleye kugetuma du. Wukugetuma mu Isilayeli, sunga na mu makungugo ganji, holeka sunga nalu agwe wumanyice hanhu hose.

Yelemiya 13:10

Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Yelemiya 6:17

Hanyuma u Muwaha Mulungu yakawika walindilizi, ho wahulicize i lizi lye ndulele lyono likuwasugula. Ninga hamba nhavivyo, wene wakatya, “Ase si cikusaka hamba no kuhuliciza ng'o.”

Isaya 62:12

Nanye lulo molocemwa “Wanhu wo Mulungu mono Yelile. I wanhu wono Muwaha Mulungu yawakomboze.” Nayo Yelusalemi yolocemwa, “Likaya lyono Mulungu yalyendile. Likaya lyono Mulungu si yalileka yaye.”

Zabuli 147:20

Ninga hamba si yawanozeza, makungugo ganji zono zinha zizi, holeka makungugo ganji, hamba si wazimanyile ze malajilizo gakwe. Mumulumbe Muwaha Mulungu!

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

Wukumbucize wo Wulajilize 26:18

Nayo Muwaha Mulungu, izuwali kakondya kumubocelenyi, mweza muli wanhu wakwe, nha vyono yamwihuwizenyi. Holeka nayo aluno yakumukong'onhezenyi muno, mugebate malajilizo gakwe gose.

Wukumbucize wo Wulajilize 4:7

“Na hasina likungugo linji lyolyose, hamba liwe yikungugo yiwaha nha vyono lyowa linha, lyono lyowa lina mulungu mono yali behi nawo, lono wakuhila cinji co cose kuli mwene. Ninga ase, Muwaha Mulungu, u Mulungu wetu, yali hamonga nase. Kanyhi kacipitulaga wulombe wetu lono cikumulomba wutazi wakwe.

Luka 10:11

‘Sunga ne manghundi ga mwi'kaya lyenyu gono gacinamatiye mu magulu getu, cikumukung'unhilenyi nyenye, ho yiwe suguzi kuli'nye. Ninga mumanye vyono wutemi wo Mulungu wakondya kumusejelelenyi.’

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

Yelemiya 13:1

U Muwaha Mulungu yakanonjela mbite nghegulile kaputula ya bafuta, niyivwale. Ninga yakatya vyono, ndece kuyiloweka mu malenga yaye.

Yelemiya 13:12

U Muwaha Mulungu yakanonjela kanyhi yakatya nhavi, “Gwe Yelemiya, ale wuwalonjelaje wanhu wa Isilayeli nha vyono, njilo zose zomema divayi. Ninga wene wokupitula watye, nawo heya wamanyile nha vyono njilo zose zomema divayi.

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Wukumbucize wo Wulajilize 26:19

Nayo komunozenyi muwe yikungugo yiwaha muno, kuciza makungugo ganji gose gono yagawumba, nanye molikumya no kulitogoza litagwa lyakwe. Kanyhi mowa wanhu wakwe nha vyono yehuwiza.”

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”