Yelemiya 13:10 - Luganuzi Luswanu Kuli Wanhu Wose 2002

¹⁰ Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Yelemiya 13:10 Referans Kwoze

Yelemiya 16:12

Anye nanye luno mwetuma vibi muno kuciza ne walezi wenyu. Nanye wose, mweza musina hamba cihuliko, kanyhi mweza muli wanhu wabi muno, hamba si mukusaka kuwa na cihuliko kuli'ne yaye.

Yelemiya 9:14

Wakawa wajendeleye ne lizeze lyawo du lyo kuhemba vihwani vya Baali, na vyono wafundwa ne wasogo zawo.

Wuwale 14:11

Muwaha Mulungu yakamulonjela Musa yakatya, “Alu mwene, i wanhu wawa wojendelela kumbedegala sunga nili? Hamba wojendelela kulema kunyitumbila 'ne sunga nili, hamba niwe netuma mapoto menji hali wene?

Metumo ge Watumwa 7:51

“Anye mo wakamu ku wuhulice! Izinhumbula ne makutu genyu vinha vye wanhu we makungugo. Anye mwinha i wakuku zenyu. Nhondo zose mumwimilaga u Muhe Mono Yelile.

Yelemiya 13:7

Ale, nane nghawa kubita, nali neza kuhawona i hanhu hono nayihundika kaputula yiyo, nghayagana yakondya kuhodanjika, hamba si yokwila kanyhi cinji co cose.

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Yelemiya 11:18

U Muwaha Mulungu, yakamanyiza zo wuhile wubi wono wakumumbila i walugu wangu.

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 5:23

Ninga anye nyo wanhu, mbeka muli zeze, kanyhi muliwabezi, hambi nha mwakondya kundeka 'ne, no kupatucila kunji.

Isaya 3:24

No munungho mubi, wolohomela ha wibaka vye mhunjile swanu. Woleka wuvwala misipi miswanu, langa wovwala milejehe. No wuwe wo kuwa na mvwili swanu mu mitwe yawo, alu wowa na mikulungu. Nawo mu wuvwala myenda yo wulenzi, alu wovwala masambi-sambi du. No wuswanu wawo wose ku wulangwe, wogaluka cevu!

Muganuzi 11:9

Gwe go muzelelo wusangalalile wudodo wako, nhumbula yako yiwusangalalile wuzelelo wako, witume nghani yo yose yono wendile kwituma, wutyatye wuhile we nhumbula yako, ninga akuno wukumbucile vyono Mulungu kokuling'aniza, mu nghango ya zizo zose.

Zabuli 78:8

Walece kuwa nha vyono wali i walezi wawo, wono wali wabedegazi kanyhi wafyuzi, lulelo lono lusina wulunji we nyikala, wono wukamile, u lulelo lono lusina wihuwilwa kuli Mulungu.

Yelemiya 7:6

Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

Yelemiya 9:6

Wajendelelaga du kwituma zo wubi awu na awo, ne metumo gawo go wulambi, nago vyo getyatiliye du. Nayo u Muwaha Mulungu yakutya, vyono i wanhu wakwe wakondya kumulema.

Yelemiya 11:10

Alu nha wawuwuyila u wubi we walezi wawo, wono walemaga kwituma zono nawalonjelaga, wene wakayihemba milungu yinji. Holeka ku soko yiyo, wawa wose, Isilayeli na Yuda, wakondya kucibena cilagane cangu cono nacinoza ne walezi wawo.

Yelemiya 20:4

Nayo u Muwaha Mulungu, mweneco yo yalonga nha vyono, ‘Nokunoza wuwe munhu wa nghakamo gwegwe mweneco, na kuli wayago wanji. Nagwe kolowawona wose wakuwulagwa ko mumaje we walugu wawo. Nane nowatajila i wanhu wose wa Yuda, mu miwoko yo mutemi wa Babiloni. Nayo kowasola wanji nha wafungwa, yawategule kutali ku yisi yakwe, na wanji nawo kowawulaga.

Yelemiya 22:21

Hambi u Muwaha Mulungu, nha yalongana nagwe, lono wali wukali wina no wumoteswe, ninga agwe wukalema kumuhuliciza, Nagwe wukawa wusina cihuliko mu mikalile yako yose, hamba si wasacila lukulu kumuhulika Muwaha Mulungu.

Yelemiya 23:17

Wene wakuwalonjela i wanhu wono wasina cihuliko kuli'ne, nha vyono zose zowawela swanu du. Na kanyhi wakuwalonjela wose wono wasina cihuliko, nha vyono magayo go gose si gowagana yaye.”

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 44:5

Ninga 'nye si mwasacila lukulu kuzihulika hamba kuzicelelela yaye. Hamba si mwasaka ho mugalece gago metumo genyu mabi go kuyikumbika milungu yinji.

Yelemiya 44:16

“Gwe Yelemiya, ase cayilemela lukulu nghani yono wacilonjela, mwi'tagwa lyo Muwaha Mulungu.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Yelemiya 9:13

Nayo Muwaha Mulungu yakamhitula yakatya, “Zizi zijela, vyono i wanhu wangu wakondya kugaleka i mejizo gangu gono nawejiza. Weza wasina hamba cihuliko kuli'ne, hamba kwituma zono nawalonjela wetume.