Yelemiya 12:9 - Luganuzi Luswanu Kuli Wanhu Wose 2002

⁹ Nalu i wanhu wangu, luno wehwana nhe ndeje, yono yipilimwe ne zindeje zinghali mbavu zose, zono zikucemeleza i malimu gose ga mu mbago, gaze vihanje kulya sikukuu yiyo!

Yelemiya 12:9 Referans Kwoze

Isaya 56:9

Muwaha Mulungu yawalonjela wanhu we makungugo ganji weze nhe malimu, wawamele wanhu wakwe.

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

2 Watemi 24:2

Muwaha Mulungu yakatuma cipuga ce Wababiloni ne Wasiliya, ne Wamowabi, hamonga ne Waamoni, wayongomeze yisi ya Yuda, nha vyono Muwaha Mulungu yalonjela muli wetumami wakwe wawizi, nha vyono kozinoza zizo.

Wugubule 17:16

Ne mahembe gagalya yikumi gono wugawene, hamonga ne lilimu lililya, vyose vyomusula yuyo musenyha. Nawo womusolela vinhu vyose vyono yena navyo, womuleka yali cipwi, kanyhi wololya nghuli yakwe no kumuticimiza mu moto.

Yelemiya 15:3

Nane no Muwaha Mulungu, nakondya kudumula nghani, nha vyono zizo nghani mbaha yine, zo zowagana. Wowulagwa no wulugu, ne miwili yawo yokwegwa ne mabwa, ne zindeje zoyilya, i malimu ga mu mbago, nago golya cono cowa cikali cisigaye.

Yelemiya 2:15

Alu lanje, wakumukolomela wenha simba. Ne yisi yakwe, wayinoza yawa nyika, ne vikaya vyayo, vyaweza matongo du, gono gagwiye hasi no kulekwa.

Yelemiya 34:20

Ane nowatajila mu miwoko ye walugu wawo, wono wakuwalondola wawawulaje. Ne mivimba yawo yololigwa ne zindeje, ne malimu ga mu mbago.

I Cililo 1:17

“Nane ngoloye mawoko gangu, ninga hasina hamba monga mono yakumhela wutazi. Hambi Muwaha Mulungu nha kandetela walugu ku wulawa mbavu zose. Nawo wakunhendela nha cinhu cono citipiye.

Isaya 2:11

Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Ezekiyeli 34:5

Alu, zingholo vyono zali zeza zisina mudimi, zikeyagala caka, ne malimu ga mu mbago gakaziwulaga no kuzilya.