Yelemiya 12:7 - Luganuzi Luswanu Kuli Wanhu Wose 2002

⁷ U Muwaha Mulungu yakutya nhavi, “Holeka nane luno, nakondya kuwaleka wanhu wa Isilayeli, nakondya kuwalema i wanhu wangu we nghungugo hagulwa. Nalu i wanhu wono niwendile, nakondya kuwakombola mu miwoko ye walugu wawo.

Yelemiya 12:7 Referans Kwoze

Isaya 2:6

Gwe go Mulungu, hongo wakondya kuwaleka wanhu wako du, i wana wana Yakobo! Vyono yisi yawo luno, yakondya kumema myoto yono yilawile kucilima, hamonga no wutowa visangu nhe Wafilisiti. Wanhu wako watyatya myoto ye cijenzi.

Yelemiya 11:15

U Muwaha Mulungu yakutya nhavi, “Alu lanje ta! I wanhu wono niwendile, wakwituma luno zinghani zimbi. Alu, ho wowa wena ling'anici kanyhi mu Nyumba yangu? Alo wene wakwihwesa nha vyono wosuma kuwimila wongomezwe wuwo hongo, mu nzila yo kwihuwiza du, na mu nzila yo wulavya mitugo so makumbiko? Wule, wukwihwesa zizo zowanoza wawe wena nyemo hongo?

Hoseya 9:15

Muwaha Mulungu yakutya, “Metumo gawo gose mabi, ganziza ku Giligali. Baho nane ho nanziza kuwasula. Na ku soko yo wubi wono wetuma, nane nowawusa mu'si yangu. Hamba sinowenda kanyhi yaye. Hambi nha sunga ne walongola wawo wose, wakondya kumbedegala.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Yoweli 2:15

Holeka mutowe ndulele mwi'tunda lya Sayuni, muwalajilize wanhu walece kulya cinji, wekongholele wose hamonga!

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Yelemiya 51:5

Ane no Muwaha Mulungu we mihanga, nghali hamba si nawaleka Isilayeli na Yuda yaye, hamba wawe wene wetuma wubi hali 'ne, ane Mono nelile wa Isilayeli.

Yelemiya 7:29

“Ale, mulile, anye nyo wanhu wa Yelusalemi, mucete zimvwili zenyu muzitaje kutali. Mwimbe zinyimbo ze maziko mu vizuli vye matunda, hambi ane no Muwaha Mulungu, nha ngholigwe ne likuwo, nakondya kuwalema ne wanhu wangu.

Yelemiya 7:14

Hamba nhavivyo, zono netuma ku Shilo, zo noyitendela ne Nyumba yangu yiyi, yono anye muyitumbiye. Nane nohatendela i hanhu baha hono nawapela i walezi wenyu hamonga na nyenye, nha vyono nayitendela Shilo.

Yelemiya 14:19

Gwe go Muwaha Mulungu, alu mwene hodu wamulemela lukulu Yuda? Alo wawasulila lukulu i wanhu wa ku Sayuni lo? Alu nha wacisuliliza muno, sunga ceza si cikusuma hamba no kuponywa yaye? Ase cali cilanjiliye kutuga mulamu, ninga hamba kuziwona ziswanu yaye. Cali citumbiye nha vyono coponywa, ninga cikatuga wogofywe wuwaha muno.

Yelemiya 17:4

Nanye yolowa yimunojelenyi muyilece yisi yono namupelenyi, nane nomunozenyi muwe wetumami we walugu wenyu, mu yisi yono si muyimanyile yaye. Hambi likuwo lyangu nha linha moto, nalyo lyowa kwaka cibitilila.”

Yelemiya 23:33

U Muwaha Mulungu yakanonjela yakatya nhavi, “Gwe Yelemiya, hono munhu wo wose wa muli wanhu wangu yakuwuze, u muwizi, hamba mukohani, yawe kutya, ‘Alu wuli hayi u mutegulo wono u Muwaha Mulungu yakucidinghuza lo?’ Nagwe wuwalonjele wuwatye, ‘Anye nyo wanhu yo mweza muli mutegulo muwaha kuli Muwaha Mulungu, holeka nayo komutajilenyi lukulu.’

Yelemiya 23:39

vyono, ane nowasemwela lukulu, niwagumile kutali muno muno, i wanhu weneco, hamonga ne likaya lyono nali nawapela, hamonga ne walezi wawo.

Hoseya 11:1

Muwaha Mulungu yakutya, “Lono Isilayeli yali mudodo, nali nimwendile, nghamucema mwanangu yawuce ku Misili.

Wukumbucize wo Wulajilize 33:12

Na kuli za wo mulango wa Benyamini, yakatya, “Awu wo mulango wono Muwaha Mulungu, yawendile no kuwudima. Mwene kawakamisaga misi yose. Kanyhi yali hamonga nawo nhondo zose.”

2 Watemi 21:14

Kanyhi nowalecela lukulu, sunga ne wanhu wono wowa wakali wasigaye, niwakumhile kuli walugu wawo, wasumwe ne walugu wawo, wayisole ne yisi yawo.

Zabuli 78:62

Yawasimbila wanhu wakwe mweneco, yakawakombola ho wawulagwe ne walugu wawo.

Zabuli 106:40

Holeka likuwo lyo Muwaha Mulungu, likawacila wanhu wakwe, hamba si yendezwa kanyhi na wawo wanhu wakwe.

Yelemiya 22:5

Ninga hono mulece kugebata malajilizo gangu, mbeka nghumwilahilenyi nha vyono, likaya lili lyo wutemi lyologwa, gawe matongo du. Vyo nghutya ane no Muwaha Mulungu.