Yelemiya 12:6 - Luganuzi Luswanu Kuli Wanhu Wose 2002

⁶ Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Yelemiya 12:6 Referans Kwoze

Zimbazi 26:25

Ne zinghani zakwe, zijelaga nha swanu, ninga wulece kumwitumbila. Hambi nhumbula yakwe, nha yimemile lusulo du.

Yelemiya 9:4

Holeka musuguce, mweze kwiyidima munhu no mwiyendi muyagwe, no munhu wo wose, yalecele lukulu kumwitumbila u nduguye, hambi i wandugu za munhu, nha wowa walambi wose, hambi nha wowa wasonjezi, wakuwasonjeza wayawo.

Zabuli 12:2

Wose welonjelaga nghani za wulambi du, ne zinghani zawo zose za wiyendezi du kanyhi za wukoci.

Matayo 10:21

“Munhu komukombola u mwanakwawe ho yawulagwe, no sogo yo munhu nayo komukombola u mwanagwe, ne wana nawo wowagaluka iwalezi wawo no kuwawulaga.

Yelemiya 11:21

Ne wanhu wa ku Anatoti, wali wendile ane mbulagwe. Wakanonjela nha vyono wosuma kumbulaga, hono njendelele kuyiganula nghani yo Muwaha Mulungu.

Yelemiya 11:19

Ninga ane nali ninha nyana ye ngholo, yono mholo, yono yikutegulwa ku wuwulagwe, hamba si nali manyile nha vyono wakondya kumumbila wuhile wubi. Wakutya, “Nye! Alenyi ciwudumule u mubici wuwu, lono wukali wukamile. Alenyi cimuwulaje, ho halece kuwa na munhu wo wose mono kolomukumbucila kanyhi.”

Metumo ge Watumwa 18:12

Ninga lono Galiyo yali mutemi wa Akaya, Wayahudi wakamuhungucila Pawulo walaganiye kumonga, wakamutegula kuli mahakama.

Yelemiya 20:10

Nane nghuwahulika wanhu wose wakupwepwa wakutya, “Nghakamo yili hanhu hose! Holeka, alenyi le, cikawalonjele wono wena wulajilize.” Sunga ne weyendi wayangu, wose walindiye du, wawone wugwe wangu, akuno wakutya, “Na lunji kosuma kukocwa-kocwa, nase baho ho cosumila kumwibata, cilipicize.”

Zabuli 69:8

Sunga neza nha nili mujenzi kuli wandugu zangu, i wawaha zangu hamonga ne walumbu zangu, hamba si wakumanya yaye.

Jobu 6:15

Ninga lu anye nyo wendece wangu, mukunghonga-nghonga cinye vikolongo vyono vinyalaga mwibahu

Yohana 7:5

Sunga ne wanduguze, si wamwihuwila ng'o.)

Maluko 12:12

Iwakohani wawaha ne Wejizi wo Wulajilize ne wanyamhala, wakatanga vyono i cihwanicizo cico calongaga weneco. Holeka wakajela kumwibata, ninga wakalyogopa i lipuga lye wanhu. Holeka wakamuleka wakawa kubita.

Isaya 31:4

Muwaha Mulungu yakanonjela yakatya, “Nawo wadimi hamba wazoze vyono wozoza, yowa nghani ya bwete du, hamba si wosumila lukulu kulyogofya lisimba, ho liyilecele nimu yono liyiwulaje. Holeka nane yo nhavivyo, hasina cinhu co cose cono cosuma kunyimila ane no Muwaha Mulungu we mihanga, ho ndece kulidima litunda lya Sayuni.

Metumo ge Watumwa 16:22

Ne lipuga lye wanhu wakelunza nawo, no kuwatowanga. Nawo wawalya iwahakimu, wakayidemulanga i myenda ya Pawulo na Sila, wakalajiliza wawakune viboko.

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Yelemiya 9:5

Na wose wowa walambi, wakuwajiliza wayawo. Ne zinimi zawo, wazizoweleze kulamba du nhondo zose, hamba si wasumaga no kuwuleka wubi wawo.

Zabuli 12:3

Gwe Muwaha, wuyidindaje milomo yiyo yo wulambi, wuzinyamazye zinimi zizo zono zilongaga zo widunhumuzi.

Zimbazi 23:8

Nagwe hono wulece kwilanjilila, koyideka ne ndigwa yono wali walya, no wupepelezwe wako, wukuwa wa bwete du.

Yelemiya 9:3

Wene wewikanize kulonga zo wulambi du nhondo zose, wanhu wono wetujila vilungo vyo kuyitema yisi mu nzila zo wulambi. U Muwaha Mulungu yakutya nhavi, “I wanhu wangu nha wetuma wubi wityatiliye, hamba si wakuwa kumanya 'ne, vyono yo nene Mulungu wawo.”