Yelemiya 12:4 - Luganuzi Luswanu Kuli Wanhu Wose 2002

⁴ Alo yisi yetu yijendelele kuwa yinyalile, hamonga ne mahanze ga mu mawimbi gose sunga nili lo? Sunga nalu, i vilimu, hamonga ne zindeje zose nha zakondya kongomezwa, ku soko yo wubi we wanhu wetu, i wanhu wono watezaga “Hambi u Mulungu nha si yakuziwona yaye zono citumaga.”

Yelemiya 12:4 Referans Kwoze

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Yelemiya 4:25

Nghawona vyono hali hasina wanhu, sunga ne zindeje zose zali zaguluka zatiza.

Zabuli 107:34

ne yisi yono yilelaga, yakayinoza yikawa yihala lya mwino, ku soko yo wubi we wanhu wono wekalaga mumo.

Walumi 8:22

Hambi nha cimanyile vyono, sunga lulu iviwumbwa vyose vikulila mu wusungu, kotya wo kulela mwana.

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Yelemiya 7:20

Holeka lu, ane no Muwaha Mulungu, nane nolijidila likuwo lyangu mumu mu Nyumba yangu. Hamonga na zizo, nolijidila sunga na muli wanhu, na muli vilimu, na mu mabici gose, sunga na mu vilimwa. Ne likuwo lyangu, lyowa lihwanile moto mukali, wono howa hasina munhu wo wose, mono kosuma kuwuzimya yaye.

Habakuki 3:17

Ninga hamba mikuyu yilece kubonhola maluwa, ne zizabibu yilece kulela zabibu, hamba mizeyituni nayo yiwe si yikujela, zeyituni, nayo migunda yiwe si yikulavya wuhemba, hamba ne zingholo nazo ziwe zose zafwiza, ne mabululu ge zimitugo geza gali bwete.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 14:2

“Alu Yuda yeza yili mu cililo, hambi i makaya gayo nha geza kufwa, ne wanhu wayo, wagonile hasi du so wukalale, nayo Yelusalemi, yikulilila wutazi.

Yelemiya 5:13

Kanyhi wakulonga wakutya nha vyono, i wawizi wasina nghani yo yose, langa wenha mbeho du, wasina nghani yo yose yono yikulawa kuli Muwaha Mulungu.

Yelemiya 4:28

Yisi yololila, no wulanga wolotukuwala U Muwaha Mulungu vyo yakutya. Nayo hamba si kolowukawaniziza lukulu u wuhile wakwe. Mwene vyono yakondya kuzilonga, hodu yazilonga du, hamba si kokawaniza kanyhi wulonje wakwe.

Zabuli 50:21

Agwe wetuma zizo zose, nane nyamaye du, wukwihwesa ane ninha gwegwe lo? Ninga alu nghukutacila, kanyhi nghukukalipila calinze.”

Yelemiya 12:11

Wayinoza yawa mbago, nalu yawa wambuce du hali'ne. Ne yisi yose yakondya kuwa nyika na hasina hamba yunji mono yakuyitondowoza yaye.

Yoweli 1:18

Ne zing'ombe nazo zikulila ku soko yiyo, hambi nha kweza kusina wudimo wazo, ne matewa ge zingholo nago gakugaya du.

Amosi 1:2

Amosi yakatya, “Muwaha Mulungu yakukoloma kuwulawa kwitunda lya Sayuni, ne lizi lyakwe wulawa ku Yelusalemi. No wudimo weza musina, ne lihanze mwitunda lye kalimeli lyanyala.”

Zakaliya 1:12

Hobaho malayika yulya yakatya, “Gwe Muwaha Mulungu we Mihanga, wayikolelwa yikuwo Yelusalemi ne matumbi gose ga Yuda, sunga alu yafika myaka makumi mupunghati. Alu ho kojendelela sunga nili kuwawonela yikuwo, ho wuze wuwalajile lihewa lyako?”

Isaya 24:4

Yinze yikukalala no kunyala, ne yinze yose yikutimba, yinze hamonga no wulanga, vyose vikusakala.

Isaya 24:6

Holeka nayo Mulungu yayilijita yinze. Ne wanhu nhondo wakulipicizizwa mu metumo gawo weneco. Na muli wawo, wacefu du wono wasigala womi.

Yelemiya 9:9

Alu'ne ho ndece kuwalipiciza so makani gago hongo? Hamba nolecelaci kwilipiciza ne likungugo lyono linha nhavivi? Vyo nghutya ane no Muwaha Mulungu.”