Yelemiya 12:2 - Luganuzi Luswanu Kuli Wanhu Wose 2002

² Alu wawahadika, nawo wahimbiza milela, weza kuwiluka, wakulavya mikalo. Na nhondo zose, walongaga zako, ninga walongaga kwe milomo yawo du, mu zinhumbula zawo, hamba si wakuceleleye bwete.

Yelemiya 12:2 Referans Kwoze

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

Matayo 15:8

“U Mulungu yakutya, Iwanhu awa wakuwa kunumba kwe milomo yawo du. Ninga i zinhumbula zawo, zili kutali nane.

Yelemiya 11:17

“Ane no Muwaha Mulungu, u Mulungu we mihanga, yo nene mono nawahadika Isilayeli hamonga na Yuda. Ninga lu lanje, nakondya kuwogofya ne magazo. Ninga zizi zose, nha weletela weneco du, so wituma zimbi wawo. Hambi nha wanghoza likuwo so wulavizya Baali makumbiko.”

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.

Yelemiya 45:4

“Ninga ane no Muwaha Mulungu, nghuzimwagula zono nazizenga, kanyhi nghuzikulanga na zono nazihadika. Nane nozinoza zizi, mono yisi yose.

Maluko 7:6

Nayo Yesu yakawapitula yakawatya, “Nye nyo wakoci! Umuwizi Isaya yamuwililenyi ze mbeka lono yandika yakutya: ‘U Mulungu yakutya, I wanhu wawa wanumbaga kwe milomo yawo du, ninga mu zinhumbula zawo wali kutali nane.

Yelemiya 3:10

Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Jobu 5:3

Nane niwawene i walele, wono wehwesaga wapolile, ninga nane nghazilijita, musunho ko wukalale, zikaya zawo.

Zabuli 37:35

Nimuwona u mubi yakalipe muno muno, yetandaze nhe libici lyo muhagata lya Lebanoni.

Habakuki 1:13

Ninga socici wukusuma kwima kuli wanhu awa wakoci, kanyhi wabi? Ne meso gako nha gelile, ku wulanga zo wubi, hamba si kosuma kwima ku lubavu lwe wanhu wetuma zimbi. Alu socici wunyamaye lono wakuwahodanga wanhu wono wali ling'ani si nha wene?

Jobu 24:12

Na mu makaya mukuwa mo wali wono wena nghomele hamonga na wono wakulila wakufwa, ninga Mulungu hamba si kawutondowozaga wulombe wawo.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.